درس سلس وبسيط إن شاء الله أشرح فيه عملية حتريح أعصابكم من صنع الزخارف المتكررة او أشعة الشمس كمثال 

الدرس فيديو و إن شاء الله الشرح يكون واضح أضطريت أعيد التسجيل أكثر من مرة بسبب أعمال البناء

* تقدر تشوف التصميم بجودة HD  على اليوتيوب مباشرة

- ملف PSD لتصميم الغروب -

جميع الحقوق محفوظة لـ Abdullah Saeed- www.asaeed.ws

[ الرجاء ذكر المصدر عند النقل ]

Enjoy

درس خفيف زريف [ للمبتدئين ] كنت أفكر أسوي درس أكثر دسامة لكن هذا الدرس طلب أكثر من مرة في موضوع ( أختار درسك ) فا حبيت أسوي الدرس مركز على النقطة الي طلبوها وبختصار شنيع مستشنع

في البداية نسوي أي خلفية نحب ، أو حتى فرضاً تكون أنتا شغال في تصميم وتبغى تسوي نفس الأتثير الخفيف الزريف المستزرف

سوينا هون خلفية بسيطة ، الخطوة التانية أنو نكتب عليها أي كلمة و بأي خط بس نخلي لون الخط [ أبيض ]

كتبنا هون ” النور أشرق ” وبهاي المناسبة نهديكم أنشودة ” النور أشرق ” للمنشد عادل الكندري

القاف مسوية شغل 

نرجع لدرسنا ..

بعد ماكتبنا الكلمة ، نروح لنافذة ( Layer ) :

شفتوا كيف ؟! ، ندخل على ( Layer Style ) من هونيك وبالضبط على الي نبغاه الي هو Outer Glow / التوهج الخارجي حاجة زي كدا

نشوف مع بعض الإعدادات الافتراضية :

طيب نشوف التغيرات الي سويناها :

أيش الي سوينا ؟

غيرنا اللون من الأصفر إلى الأبيض ، عشان يكون نفس اللون الي أخترناه في الخط ، هذه النقطة تعطينا مسااااحة كبييييرة للإبداع يعني نقدر كمان نخلي لون الخط أحمر و نعطي تأثير الـ Glow  نفس اللون وراح يعطينا نفس الإحساس

كمان كبرنا مساحة التأثير إلى ( 10 ) الي هوا الـ Size

و في النهاية خففنا درجة شفافية التأثير إلى ( 70 )حتى مايصير مرة فاااقع ومايبان الي هيا بالطبع الـ Opacity

وممكن كمان نلعب في الـ Blend Mode يعني بدال مايكون ( Screen ) نخليه ( Overlay )

وهيدي النتيجة :

وهيدا ملف الـ PSD للي بدو : [ من هنا ]

جميع الحقوق محفوظة لـ Abdullah Saeed - www.asaeed.ws

Enjoy

السلام عليكم ورحمة الله وبركاته 

أحلى حاجة في الحياة أنك تشرح درس و أنت سهران + تعبان + مصدع وجمبك قهوة تكرونية و سينابون  .. دقيقة خلوني آخذ جغمة هههه .. طيب .

شرحنا اليوم حيكون ممل حبتين أنا سويته فيديو و أنواع اللخبطة و الأستهبال

نبدأ بسم الله … مين منا ما يعرف أداة Type ؟؟ أي واحد مايعرف أيش هيا يطلع قودااامي ويوقف جمب السبورة

 Type Tool

اليوم راح نتناول هذه الأداة ونمسكها حته حته نشوف خباياها ومزاياها إن شاء الله .

طبعا مع العلم أن في مليون ألف وستمية وخمسة وخمسين درس في هذه الأداة ما أطلعت على ولا واحد للأسف أول مرة أسويها لكن حبيت أني أشرحها بطريقتي يمكن أقدر أضيف شي  ؟؟!! 

نبدأ أول شي بعد مانضغط على هذه الأداة نشوف عدة خيارات :

مايهمنا منها غير الي معلمين بلون أغمق ومرقمهم

Horizontal Type Tool

” للكتابة الأفقية – نص عادي “ 

مثال على النتيجة من هذا النوع : 

Horizontal Type Mask Tool

” للكتابة الأفقية – نص بستخدام تقنية الـ Mask / الأقنعة “ 

مثال على النتيجة من هذا النوع : 

وراح نشرح ليش أنقلبت الشاشة حمراء وليش بعد مانخلص من الكتابة ونسوي Enter يتحدد ؟! 

نجي دحين نشرح النوع الأول الي هو : Horizontal Type Tool

نستعرض لوح الخيارات ونشرحه كمان حبه حبه

شايفين الزحمة الي أنا شايفها !! .. ترى سهلة زي الموووووووووووووووية زي ما أنا أشرب دحين موية  

1/ هادا بيشقلب لنا الخط ( أفقي ولا عامودي عشان كدا ماتطرقت له في البداية ) 

2/ الي هو مكان أختيار الخط :

نلاحظ أنو عندي يجيب ” عينة ” للخط ! هذه موجودة فقط من الإصدار CS2  فما فوق

3/ بعض الخطوط يعطيك عدة أختيارات للخط الواحد نشوف مثال فيه أكثر من شكل :

نلاحظ انو كمان يديك عينة ، هادا نوع مافيه غير شكل واحد شوفوا كيف جاي مقفل :

4/ حجم الخط مايبغالها كمان  

5/ هنا جينا لشي حلو ومهم بعض الأحيان نلاحظ أنو في تصاميمنا الخطوط مكسسرة !!

الحل بسيط من هذه القائمة دائماً خلوها على “Smooth”  تعطيكم نعومة في الخط نشوف مثال :

طيب سؤال يطرح نفسه ؟! أيش الفرق ؟! يعني أيش الي صار خلى الي في اليمين ناعم و الي في اليسار مكسر ؟ شي سواه الفوتوشوب وطلع لنا الخط بهالطريقة شو هوا ؟

كمان إذا نقدر نبتكر شي مثلا خط “Tahoma” من الخطوط المشهورة جدا وغالباً نكتب بيه في صفحات الإنترنت .. طيب نبغى نكتب بيه في تصاميمنا بنفس الشكل ؟! لكن يطلع لنا ناعم زيادة عن اللزوم أيش الحل في رائيكم ؟  أنتظر الإجابة ^_^ 

6/ واااااضحها  طريقة تنسيق الخط يمين ولا يسار ولا في النص ، وراح نرجع لها بشكل مفصل داخل الدرس إن شاء الله . 

7/ هذه أذكر أيام الـ Word على قولة واحد برنامج الورود  المهم كنت أتمنى أعرف هيا أيش  

طبعا هذه توضح الكتابة تبدأ من أي جهة ؟! مو يمين يسار لا .. جربوها لمن تكتبوا عربي خلو السهم رايح جهة اليسار ( يمين – يسار ) و لمن تكتبوا إنجليزي خلوها التانية السهم رايح جهة اليمين ( يسار – يمين ) راح تحس الكتابة صارت أسهل ! 

8/ من هون نختار لون الخط ، وفي العادة ياخذ لون مقدمة لوحة الألوان أو علبة الألوان جربوا غيروا لون المقدمة خلوه فسفوري مثلا

اختاروا أداة النص شوفوا أيش اللون يصير ؟  +  لو كنت كاتب نص سابق راح ياخذ بياناته ، يعني لو مسوي في النص السابق ظل وكان لونه أسود راح يصير ظل ونفس اللون 

هذا الشيء يصير كمان مع الـ Shapes / الأشكال ياخذون نفس بيانات ألوان و ستايل العناصر السابقة تلقائياً .

9/ Create Warped Text هادي حنتربع عندها يبغالها شوووغل جامد  

نكتب أي كلمة مثلا هنا جربنا أسمي القميل المستقمل في قمايل المستقملين  

Abdullah Saeed ، نسوي كلك على الأيقونة حتطلع لنا نافذة جديدة : 

شايفين الزحمة دي كلها !! كلها أشكال ممكن نزبط فيها النص ! ، ناخد الأولى نجرب حظنا :

هذه الإعدادات وركزوا على الألوان راح أشرح كل شي لا تخافون  :

اللون الأزرق ، لو ترجعوا للصورة الي فوق راح تلاحظون مكتوب مكانها “Bend”  يعني منحنى تقريبا ومعلمه باللون الأزرق .. نرجع للصورة الي بعدها وين الخط الأزرق ؟؟ أيوووه صح عليكم الي تحت اسمي على شكل خط منحني بلون أزرق يعني نفهم أنو هذا التأثير الي نحصل عليه لمن نلعب بأول خيار  .

تاني خيار باللون الأحمر الي هوا “Horizontal Distortion”  الي هوا يعني تشويه أفقي ، لو نرجع للصورة الي بعدها ندور مكان اللون الأحمر .. وينو وينو أيووووه شفتوه ؟ واحد كبير على اليسار و التاني صغير على اليمين تخيلوا أنو هادي الخطين يصغرو  ويكبرو حسب المعطيات في خانة الأفق وراح أبسطها لكم بعد شوية .

تالت خيار باللون الأخضر الي هوا “Vertical Distortion” طبعا واضح يعني تشويه عامودي ، كمان لو نرجع للصورة التوضيحية راح نلاقي اللون الأخضر بس وين ؟؟ لاحظو أنو كمان في آواخر الجملة وبشكل مائل ، مارح أقدر أشرحه لكم ، نخلي الصورة تتكلم  :

- أستنوا شوية لانها متحركة - 

وضحت الصورة ؟ نقول إن شاء الله  

وهادا نموذج ثاني : 

للعلم في طريقة ثانية أكثر أحترافية نفرد لها درس بحالو وإذا مستعجلين وحالتكم كسيفة هذا درس منتاز للأخت “أزهار قلبي” من هون  أنا قد سويت له درس بس طارت الصور كالعادة

طيب الحمدلله دحين قفلنا البتاع ولد البتاع وخشينا في أبو البتاع <<

نجي للنقطة المهمة قدن قدن قدن .. رقم ( 10 ) – راجع صورة لوحة الخيارات هنا - الي هو الكنترول للأداة راح نشرح المهم والي نبغاه وراح نستفيد منه إن شاء الله  

نبدأ في الـ Character – يعني الشكل العام للنص 

طيب نبغى نتعرف على الخيارات وكل خيار معلم عليه بلون  

الأحمر : هذه قد شرحناها قبل الي هوا الخط و نوعه و حجمه و لونه .

الأخضر : حاجة حلوة مرة وترتب لنا النصوص ، نديكم مثال :

شايفين كيف كتبنا في البداية بالطريقة العادية القيمة كانت ( 0 ) الأفتراضية طبعا قمت أنا (( ظللت )) على المنطقة الي أبغى أسوي لها تمدد أو تقلص و زدت الرقم إلى 250 وكانت النتيجة 

طيب لنفرض أننا نبغى نزيد مكان واحد يعني فراغ بين حرفين مو جملة كاملة ، كيييف ؟؟!

لو نركز على الأيقونات حق كل خيار راح نفهم حق أيش هوا 

طيب دحين ناخد الخيار الثاني الي هوا يسوي مساحة بين الأسطر كيف ؟؟ الصورة راح توضح كل شي :

شايفين كيف ؟ الأول محطوط على الخيار الافتراضي ( Auto ) ، سؤال يطرح نفسو ! ليش هنا مكتوب Auto  و الخيار الثاني الي فوق ( 0 ) ؟!! 

لكل خط حسب تصميمو مساحة معينة بين الأسطر يعني قيمة محطوطة أصلا ، مثلا الخط الي عندنا قيمته الحقيقية – المسافة بين الأسطر – ( 18 ) نشوف نتأكد يمكن أكون بكاااش

نفس المسافة ^__^ ، يعني نفهم من كدا أنو الخيار الأول  الي يسوي مساحة بين الكلمات قيمته الأفتراضية ( صفر )  خلقه كدا من نفسو  لكن أحنا نحدث عليه تغيير ونزيد أو ننقص هادي القيمة 

لكن الخيار الثاني الي يسوي مسافة بين الأسطر تكون له قيمة مسجلة مسبقا من مصمم الخط عشان كدا الفوتوشوب يقول لنا : ترى بخلي المسافة نفس القيمة الي حطها المصمم ! و احنا لنا حرية تغيير القيمة حسب المزاج ، بعض الخطوط المسافة تكون كبيرة مرة وبعضها تكون ملصصصصقة في بعض ترفع الضغغط

نجي للخيارات التانية الي باللون الأصفر : Vertical Scale & Horizontal Scale

هذه طال عمركم بكل بساطة تمطط لك الكلام نجرب ؟! ليش لأ  

نلاحظ أننا نتعامل بالنسبة المئوية ، يعني هنا كانو يقول لنا المقياس الحقيقي للخط ( 100% ) أحنا نزيد او ننقص ، نتعامل مع المنطقة الي نظللها مانسوي مسافات بين الأسطر لأ نتعامل مع الخط كأنو شكل فهمتو ؟ يعني لو ضغطناه ممكن يخرب شكل الحروف  نادر ما أستعملها . 

نجي للخيار أبو اللون الأزرق : set the baseline shift 

هذا يغير لنا خط الأساس للحرف ، ( بالعربي يحركه لنا للأعلى أو للأسفل حسب المسافة الي نحطها )  نشوف مثال :

شايفين كيف أعتقد واضحة إن شاء الله  الي ( تظلله ) هو الي يتأثر ولو ما ظللت راح يتعامل مع الكلام كله بالقيمة الي حطيتها 

نجي للخياااارات أم اللون البفنجلي  البنفسجي :

هذه الخيارات تعطي تأثير على النص سواء بوضع خط تحته أو من المنتصف أو تخلي كل الحروف كبيرة ( CAPITAL ) ولا تعطيه شوية بُلدنه ( Bold )  .. إلخ نستعرض بعض الأمثلة : 

طيب دحين قبل ماننتقل للقائمة الثانية و المهمة ( Paragraph ) خلوني أنبه على شي موهيم قدن قدن قدن .. الي هوا :

زمان كنا نواجه مشكلة انو مانقدر نكتب الأرقام بالشكل العربي الي نعرفه ! طيب أيش الحل ؟ 

بكل بساطة نفعل الخيار رقم 2 بعد ما نظلل الأرقام الي نبغى نعدلها ، طبعاً حسب الخط إذا أصلا كانت فيه أرقام ( هنديه ) أو لأ  في الإصدارات الجديدة من الـ Photoshop  لاحظت أنو حتى لو الخط إنجليزي تقدر  تكتب عربي وبأرقام هنديه كمان يعني لو كنت محول للعربي وتكتب بخط إنجليزي أصلا يكتب معاك عربي طبعا خط واحد لكل الخطوط الإنجليزية ، صراحة فكرة ذكية للغاية لو واحد كان مزنوق وماعندوا خطوط عربية يقدر يمشي حالو 

رقم 3/4/5 هذه مهمة بعض الأحيان و احنا نكتب عربي و إنجليزي تتلخبط معانا الحروف ويتغير إتجاهها ، الحل بكل بساطة نظلل على الكلمة المتلخبطة ولو كانت عربي نخليها على رقم ( 4 ) ولو كانت إنجليزي على رقم ( 5 ) ورقم ( 3 ) يوفر علينا هادي المهمة لكن بعض الأحيان يكلج

نجي دحين لخانة Paragraph : 

- عارف أنو لسى في باقي تحت بس وجهة نظري أنو مافي حاجة ماسة منها - 

طيب اللون الأحمر طبعاً عارفين أيش هوا .. نجي للمهم اللون الأخضر !!

أيش الهرجة ؟ 

هذه خيارات بتساعدنا بشكل كبير في تنسيق النصوص ، يعني لو نلاحظ شي في أيقوناتها مقارنة بأيقونات الي باللون الأحمر :

انو أبو أحمر الي فوق مشربك وكدا مو منظم سطر طويل سطر قصير ، لكن الأخضر الي هو تحت منظظظظممم ومرتب مرصوص رص !! ياترى أيش السر ؟؟؟؟؟ 

أختاروا أداة Type من لوحة الأدوات و أضغطوا في إطار العمل ولا تشيلوا يدكم من الفارة وحركوا شوفوا أيش يطلع لكم ؟؟ وعشان أوضح أكثر هذه صورة متحركة توضح المقصد  : 

شايفين كيف التعامل معها خطير !!

للعلم أنا ما أقصد خيار تفعيل أو إظهار التحويل الحر : 

في فرق لو تلاحظون ^_^ وللعلم أنا دائماً أخليه غير مفعل – يعني أشيل الصح – . 

طيب .. نرجع للخيارات المرصوصة و المرتبة نشوف نجرب بدون مانسوي الحركة الي وريتكم اياها قبل شوي أيش راح يصير :

نلاحظ انو لو كتبنا بالطريقة العادية هذه الخيارات تكون مو مفعلة ! لكن لمن نكتب بالطريقة الي شرحتها قبل شوية تتفعل ! 

فلسفتي أو أستنتاجي من هالشي أنو تعتمد هذه الخيارات على جدران التحديد حتى تعرف من وين تبدأ و من وين تنتهي و هالشي مفقود في الطريقة العادية لانو تقدر تمد الكلمة مكان ماتبغى في ساحة العمل كلها ! لكن بالطريقة الثانية لأ ، عندك حدود ماتتعداها زي ماشفتو في الصورة المتحركة الكلام على طول ينزل تحت لمن يوصل للحد ومايتجاوزه 

طيب نبغى نعرف ايش نستفيد من هذه الخيارات ؟؟ 

لو نبغى نسوي مجلة بطريقة الأعمدة ونبغى الكلام يصير مرتب ومرصوص رص ، بحيث ما يدخل الحابل في النابل نديكم مثال عشان تشوفوا الفرق بين المشربك و المرتب  : 

شفتوا كيف ! حلينا مشكلة الفراغات بعمل تمدد في الكلمات ! ، نفس الشي مع بقية الخيارات . 

كذا أنتهينا من Horizontal Type Tool باقي من لوحة الخيارات حاجة :

11 – طبعا واضحة - راجع صورة لوحة الخيارات هنا - قبول أو رفض و أختصار القبول من الكيبورد ( Enter ) الي في جهة الأرقام أقصى يمين الكيبورد  

نجي للأداة الثانية : Horizontal Type Mask Tool

تذكرون هذه الأداة :

أسمها Quick Mask  الي لمن نفعلها ويصير لونها أسود و الدائرة بيضاء ، ونجيب صورة ونستخدم الفرشاة مثلا يصير لون أحمر فاتح :

؟!! طيب لو جربنا نضغط على الأداة هذه مرة ثانية أيش راح يصير ؟؟؟؟

راح تتحدد المنطقة كلها ماعدى المكان الي سوينا فيه فرشاة وصار اللون الأحمر .

هذه نفس الفكرة أن ويبغى يخليك تكتب وتتحدد معاك الكتابة عشان كذا يطلع الأحمر ..

نورد مثال بسيط كتبنا كلمة “إنشاد” وتحددت معانا ، جبنا خلفية وقصينا منها شكل الرحوف المتحددة وهذه النتيجة : 

طبعا بعد ماتحددت سويت Ctrl+C  بعدين Ctrl + V  يعني نسخ ، لصق 

——– [ النهاية ] ——– 

أتمنى أكون وفقت في الشرح لهذه الأداة ، وأتمنى كمان انو ماكان مُمل 

جميع الحقوق محفوظة لـ Abdullah Saeed – www.asaeed.ws

للي يحب يشوف الدرس [ فيديو ] من هنــا

بس مو بجودة الشرح هذا 

تحياتي

عبدالله