درس سلس وبسيط إن شاء الله أشرح فيه عملية حتريح أعصابكم من صنع الزخارف المتكررة او أشعة الشمس كمثال 

الدرس فيديو و إن شاء الله الشرح يكون واضح أضطريت أعيد التسجيل أكثر من مرة بسبب أعمال البناء

* تقدر تشوف التصميم بجودة HD  على اليوتيوب مباشرة

- ملف PSD لتصميم الغروب -

جميع الحقوق محفوظة لـ Abdullah Saeed- www.asaeed.ws

[ الرجاء ذكر المصدر عند النقل ]

Enjoy

عدنا لكم بدرس بسيط جداً و لولا أنه طلب مني ولا ماطرحته

لأني أعتقد أن في الإنترنت مايكفي من دروس حول هذا الموضوع

النتيجة النهائية من درسنا حتكون كدا إن شاء الله :

نجي للدرس .. البسيط و الممتع

[01] الخطوة الأولى

راح نكتب كلمة معينة خلونا هنا نجرب نكتب ( عبدالله ) مو عشانو أسمي  بس لأنو صعب شوي فا حيكون مثال واضح للدرس إن شاء الله

- نخلي الكلمة بأي لون نحبه .

[02] الخطوة الثانية

ننسخ الكلمة مرة ثانية ونحطها داخل مجلد

- Ctrl + J للنسخ و Ctrl + G حتى ندخله داخل المجلد أو بالطريقة الي تحب أهم شيء نسخه من الطبقة أو الاسم و تحطها داخل مجلد .

الآن راح نبدأ عملية تكوين البعد الثلاثي للكلمة

[03] الخطوة الثالثة – 3D

نحرك الكلمة المنسوخة مرة لتحت ومرة ليمين الصورة المتحركة التالية راح توضح الفكرة إن شاء الله

- في البداية حركنا الطبقة الي نسخناها في المجلد مرة لتحت ▼ ومرة لليسار ◄ الهدف من هذا هو تحديد إتجاه البُعد .

- الخطوة الثانية نسخنا نفس الطبقة / Layer الي حركناها عن طريق Ctrl + J وطبقنا عليها الخطوة الأولى .

- كررنا هذه العملية حتى أصبح مجموع الطبقات 6 التي تكون لنا الـ 3D :

[04] الخطوة الرابعة – التدرج و الألوان

هنا راح يبدأ الجد

- راح ندمج كل الطبقات / Layers الي في المجلد ” 3D ” بحيث يصيروا طبقة واحدة فقط ! ( Ctrl + E )

- بعد الدمج راح نعطي للطبقة الأساسية ” عبدالله ” تدرج خفيف وبسيط :

- بعد كذا نسوي حَد / Stroke ونخليه بتدرج مو لون واحد :

نظرة عن قرب على التدرج :

وهذه النتيجة حتى الآن :

- لاحظوا أماكن الدوائر راح تحسون بلذتها بعد ماننتهي من العمل وهي الهدف من وضع الحد / Stroke .

الآن ننتقل للطبقة الأخرى الي دمجناها مسبقاً ” 3D ” راح نسوي لها تدرج أيضاً :

عشوائي كذلك ، لكن لاحظنا أنه غامق أكثر !!

حتى تستطيع تمييز البُعد عن الأساس إما يكون غامق أكثر أو فاتح أكثر أو حتى بلون مختلف ، لكن بما أن لون الأساس كان فاتح فا البُعد خليناه غامق .

نشوف النتيجة :

[05] الخطوة الخامسة – الظلال

هذه الخطوة هي الي راح تعطيك اللمسة الحقيقية في نفس الوقت هي تعتمد كلياً على الخطوات السابقة

خلونا نشوف مع بعض هذا المقطع الي يشرح كيفية صنع هذه الظلال :

* ممكن تطول في العرض لذلك الي يحب يحملها : من هنا - كلك يمين وحفظ بأسم

- ححدنا طبقة / Layer البُعد ( Ctrl + نضغط على الطبقة نفسها )

-  أضفنا طبقة / Layer  جديدة

- أخترنا فرشاة ناعمة وخلينا درجة شفافيتها 30% تقريبا

- بدأنا نغزوا الزوايا وكل مكان ممكن يكون فيه ظل أو إحساسنا يقول أنو لو كان هذا المكان أغمق راح يصير أجمل !

النتيجة النهائية

ووصلنا للنتيجة النهائية  مع شوية بهارات  :

نفس النتيجة بس بدون ما أحرك لليسار للأسفل فقط :

ملاحظة : بعض الأحيان تحتاج الأبعاد للتعديل أقصد تحتاج لترتيب البُعد وتنسيقة بشكل أفضل

لكن وبما أن الدرس مستواه بسيط أعتقد أن النتيجة مرضية نوعا ما .

على فكرة إعلانات موبايلي تستخدم نفس الأسلوب

جميع الحقوق محفوظة لـ Abdullah Saeed - www.asaeed.ws

[ الرجاء ذكر المصدر عند النقل ]

]]> http://www.asaeed.ws/blog/2010/%d8%aa%d8%a3%d8%ab%d9%8a%d8%b1-%d8%a7%d9%84%d9%80-3d-%d8%b9%d9%84%d9%89-%d8%a7%d9%84%d9%86%d8%b5%d9%88%d8%b5-%d9%88-%d8%a7%d9%84%d8%a3%d8%b4%d9%83%d8%a7%d9%84/feed/ 44 http://www.asaeed.ws/blog/2009/%d8%a7%d9%84%d9%80-pen-tool-%d8%b5%d8%a7%d8%b1%d8%aa-%d8%a3%d8%b3%d9%87%d9%84-%d8%b1%d8%b3%d9%85-%d8%a7%d9%84%d9%85%d9%86%d8%ad%d9%86%d9%8a%d8%a7%d8%aa/ http://www.asaeed.ws/blog/2009/%d8%a7%d9%84%d9%80-pen-tool-%d8%b5%d8%a7%d8%b1%d8%aa-%d8%a3%d8%b3%d9%87%d9%84-%d8%b1%d8%b3%d9%85-%d8%a7%d9%84%d9%85%d9%86%d8%ad%d9%86%d9%8a%d8%a7%d8%aa/#comments Wed, 04 Nov 2009 10:25:50 +0000 Abdullah Saeed http://www.asaeed.ws/blog/?p=938 السلام عليكم ورحمة لله وبركاته

|[ رسم المنحنيات ]|

درسنا اليوم حيكون مكثف حبتين ، لو في لخبطة أعذروني تعبت و أنا أعيد التسجيل

راح نتكلم اليوم عن رسم المنحنيات بشكل أحترافي أكثر بدون المرور بخطوة رسم المستقيمات

كما ذكرت في مقدمة الدرس المستقيمات كانت عبارة عن تخطيط لرسم الشكل النهائي

هذه المرة راح نستخدم تخطيط أكثر دقة للرسم عليه !

الأدوات الي راح نستخدمها في هذا الدرس :

Convert Point Tool - للمزيد عنها راجع الدرس الرابع -

Direct Selection Tool – للمزيد عنها راجع الدرس الرابع -

وعندنا أداة جديدة :

Convert Point Tool : نلاحظ أنو هذه الأداة نفس أداة الـ Convert Point !

الفرق أنو هذه الأداة داخله أساساً في الأداة الرئيسية ” Pen Tool ” لها وظيفة مميزة !

الأداة هذه ماتظهر لما نضغط على زر Alt ونمر على آخر نقطة تم رسمها في المسار – قبل إغلاق المسار -

وظيفتها تحذف أو تلغي أحد المحاور في النقطة الخاص بالنقطة التالية ، هذه صورة متحركة للتوضيح :

بمعنى أنه في الوضع العادي أقدر أكمل المنحنى ، لكن بعد ما اضغط Alt  و احذف المحور التابع للنقطة التالية راح يطلع معاي مسار مستقيم بدون أي إنحناء ! راح أوضح هالنقطة في الدرس بشكل أكبر إن شاء الله .

الدرس راح يكون فيديو ، وللأسف Youtube رفض يرفعه لأن الوقت 15 دقيقة

فا التحميل راح يكون للدقة العالية فقط .

للتحميل / أضغط هنا حجم الملف 13 ميقا

ملاحظة مهمة :

نلاحظ أن الشكل الأساسي للشعلة مكون من 19 نقطة بينما الي رسمناه 14 نقطة !

وكان المفترض يكون 13 نقطة لكن أخطأت وزدت نقطة كان بإمكاني الأستغناء عنها !

أتمنى تستفيدوا من هذه الفكرة ، في أشكال كثيرة نرسمها بعشرات النقاط بينما هي تحتاج بعض النقاط لا أكثر

|[ الإضافة و الطرح ]|

الدرس هذا راح نشرح فيه بقية أدوات أو خيارات أداة الـ Pen Tool

رقم 6 و 7 إن شاء الله

لتحميل المقطع بدقة عالية / من هنا

واجبكم في هذا الدرس تجيبون شكل جاهز او صورة وتحاولوا تعيدون رسمها بأداة الـ Pen Tool !

وروني شطارتكم

جميع الحقوق محفوظة لـ Abdullah Saeed - www.asaeed.ws

[ الرجاء ذكر المصدر عند النقل ]

- في هذا الدرس أنت بحاجة لإصدار فوتوشوب CS2  فما فوق -

درسنا اليوم بسيط جدا كفكرة لكنه متعب بعض الشيء كتنفيذ وكل ما أجتهدت أكثر في تنفيذه كل ماطلعت بنتيجة أفضل

ملحوظة : أتمنى ما ألاقي أحد مسوي نفس التطبيق بالضبط وروني إبداعكم أدهشوني !!

طيب نبدأ في البداية بإعداد الألوان الي راح نستخدمها

على فكرة دائما قبل بدء أي عمل أرتب الألوان بهذه الطريقة ، يكون الشغل منظم ومرتب ومية مية

أكواد الألوان بستثناء الأبيض : 136504 | 437805| 8caa00 | وتقدروا تاخذوها بإستخدام أداة القطارة  في الفوتوشوب

| المرحلة الأولى |

طيب دحين أخترنا ألواننا ، نبدأ بعمل الخلفية .

ملحوظة : الخلفية قابلة للتغيير في نهاية العمل يعني مو أساس تكون بهذه الطريقة.

راح نسوي تدرج في الخلفية بستخدام لونين الي هما 

- من تحت لفوق -

وكمان زي ما اللونين موضحين في الصورة بالتحديد ، بالإضافة لمكان النقطة الأولى في التدرجة و النقطة الثانية .

وهذه النتيجة :

طيب بعد التدرج نضيف بقعة بسيطة بفرشاة دائرية ناعمة ” متوهجة ” بقياس 600 .. نشوف مع بعض الصورة

شايفين حدود الفرشة ونوعها ؟؟ لو ماطلع لكم الحد تأكدوا أن زر Caps Lock من الكيبورد غير مفعل

ولو كنتم تستعملون CS4  الله يعينكم مارح تجيكم مزبوطة لانو في مشكلة في هذا الإصدار .  طبعا النتيجة واضحة

| المرحلة الثانية |

دحين راح ننتقل للمرحلة الثانية وهي الأساس تقريبا في درسنا ، راح نستعمل هنا أداة البن تول | Pen Tool

وتأكدوا أنو مفعلين ( الوضع الرسومي Path ) للمزيد عن الوضع الرسومي : من هنا

والسبب أنو أحنا مارح نحتاج الأشكال أو الفيكتور لكن نحتاج فقط للمسار | Path  والحين راح توضح الفكرة

طيب دحين نبغا نسوي نفس هذا الخط الي قدامنا كيف ؟؟ .. كل واحد يشغل مخوا لمدة 5 ثواني ويحاول يكتشف الخطوات

1 – راح نختار فرشة بقياس 1 بكسل وراح تلاقيها جاهزة في الزاوية اليسرى من الأعلى في قائمة الفرشة

2 – راح نضيف لاير جديد | Layer ومن ثم نستخدم أداة البن تول بالوضع الرسومي ونرسم الخط ، نشوف الصورة المتحركة

- أنتظروا قليلا حتى يكتمل التحميل –

تحليل لما قمت به :

* أضفت لاير جديد .   * أستخدمت البن تول في الوضع الرسومي .

* رسمت خط منحني مباشرة بدون المستقيمات ” لمن يصعب عليهم ذلك يستخدموا المستقيمات ومن ثم المنحنيات كما تعلمنا ”

* ضغطت بزر الفارة الأيمن و أخترت خيار Stroke Path عشان أحدد المسار الي رسمته بالفرشة الي جهزتها مسبقا ( 1 بكسل )

- ملحوظة : لن تظهر لنا قائمة الخيارات إن لم تكن أداة البن تول مفعلة ، أي أننا عندما نقوم ببعض التعديلات على المسار

بأداة الـ Direct Selection يجب علينا العودة للبن تول بالضغط على  P  من الكيبورد ومن ثم الضغط على زر الفارة الأيمن .

* ظهر الخط المرسوم والمسار لا زال موجود لذلك حذفناه بأختيار Delet Path لعدم أحتياجنا له .

3 – بعد ما سوينا خط منحني نبغى نسوي له الإضاءة أو الـ Glow وهذه بسيطة مايبغى لها كلام

أي واحد مايعرف لها يوقف جمب السبورة   أنا أدرس فيكم ببلاش !! قواااااامن أفتح يدك أنتا وهوا وهيا  :

عموما راح نضيف له Layer Style >> Outer Glow

4 – راح نمسح أطراف المنحنىبالممحاة مستخدمين  بفرشاة ناعمة .. و النتيجة :

* ملحوظة : في طريقة تعطيك نفس النتيجة بتعديل في إعدادات الفرشاة لكني ولمدة طويلة ” أعصد ” يعني أفحط فيها ولا عرفت أجيبها

ممكن تسألون أهل الرسم على الفوتوشوب هم أفضل مني في الفرش.

الآن أستطعنا الوصول لنفس النتيجة الأولية !! أمممم إذا كل المتبقي في المرحلة الأولى هو رسم بعض الخطوط أيضا ..

لحظات و أعود بخطوط أخرى .. ها ما رائيكم الآن ؟

كأنها شعيرات سقطت بعد تمشيط للشعر هههههههه على طاري الشعر يقولون أني راح أصلّع

بالرغم من أن الشعر في عائلتنا كثيف وناعم إلا أني صرت زي عيال عمي بمجرد يدخل في الـ 30 من عمره إلا وتبدوا الصلعة المباركة في منتصف الرأس

الآن .. هذه خطوط جيدة نوعا ما لكن مع التجربة مرة و أخرى ستلاحظون تطور في إنتقاء الأماكن و أطوال الخطوط .. هذه نهاية المرحلة الثانية .

ملاحظة : يجب أن يكون هناك تفاوت في الشفافية بين الخطوط ، يعني واحد 100% واحد آخر 50% ثالث 20% وهكذا ..

| المرحلة الثالثة |

المرحلة هذه بسيطة وسهلة وتعاملنا كله راح يكون مع الفرشة بإذن الله

نختار في البداية فرشة دائرية عادية ” حادة الحدود ” .. أممم خلوها بقياس 32 بكسل مثلا

ملحوظة : الفرشة موجودة بقياس 19 بكسل ، كل ماعلينا هو تعديل الرقم !

الآن نقوم بضبط إعدادات الفرشة من القائمة في اليمين ..

-الحل لمن لا يراها -

أضغط F5 من الكيبورد ستظهر قائمة للفرش في اليمين أضغط على الأيقونة ومن ثم الخيار الموضح :

1 – الآن نضيف لاير جديد ونختار الفرشة المراد تغيير إعداداتها وهذا فيديو لكيفية التعديل : من هنا

” مو شرط نفس الإعدادات الي أنا حطيتها ” كل واحد يحط الي يشوف أنه مناسب

2 – تعديل الإعدادات لما تراه مناسب كما قلت .

أهم الخيارات هي الثلاثة الموضحة بالأخضر : Shape Dynamics  &  Scattering  &  Other Dynamics

خيار الـ Dual Brush أستخدمته لتحديد مساحة أو إنتشار الدوائر مثال بسيط بإستخدام هذا الخيار و بدونه :

يعني أن هذا الخيار غير مشروط أو أساسي ، إن شئت أستخدمه أو لا تستخدمه وخفف من إنتشار الدوائر عن طريق الممحاة .

3 – نقوم بصبغ الفرشاة بعد التعديل بالضغط على زر الفارة الأيسر و تحريك الفارة بشكل أفقي دون رفع الأصبح من الزر وبسرعة .

4 – نغير الآن خصائص الطبقة أو اللاير من Normal  إلى Soft Light 

نشوف النتيجة مع بعض :

بعد ذلك نضيف بعض الدوائر الأخرى بحدود فقط مع التعديل على الإعدادات أيضا

وهذا ملف للفرشة بحدود وبتعبئة : من هنا

وهذه النتيجة بعد التعديل الأخير :

بقي علينا بعض التعديلات في الخلفية وشوية بهارات :

وللي يحب يشوف ملف الـ PSD  التحميل : من هنا

* ملحوظة : المقصد من هذا الدرس أنك تتعلم بعض الحركات مو عشان تطبقها مع بعض وبس !! لا ممكن و انت شغال في تصميم آخر تطبق بعض الحركات هنا .

أي ملاحظات أي أستفسارات أنا حاضر

أتمنى منكم قراءة الدرس مرة ومرتين وثلاثة لو مافهمتوا مرحلة معينة ومن ثم السؤال لأجلكم وفقط لأجلكم

جميع الحقوق محفوظة لـAbdullah Saeed- www.asaeed.ws

[ الرجاء ذكر المصدر عند النقل ]

Enjoy

درس خفيف زريف [ للمبتدئين ] كنت أفكر أسوي درس أكثر دسامة لكن هذا الدرس طلب أكثر من مرة في موضوع ( أختار درسك ) فا حبيت أسوي الدرس مركز على النقطة الي طلبوها وبختصار شنيع مستشنع

في البداية نسوي أي خلفية نحب ، أو حتى فرضاً تكون أنتا شغال في تصميم وتبغى تسوي نفس الأتثير الخفيف الزريف المستزرف

سوينا هون خلفية بسيطة ، الخطوة التانية أنو نكتب عليها أي كلمة و بأي خط بس نخلي لون الخط [ أبيض ]

كتبنا هون ” النور أشرق ” وبهاي المناسبة نهديكم أنشودة ” النور أشرق ” للمنشد عادل الكندري

القاف مسوية شغل 

نرجع لدرسنا ..

بعد ماكتبنا الكلمة ، نروح لنافذة ( Layer ) :

شفتوا كيف ؟! ، ندخل على ( Layer Style ) من هونيك وبالضبط على الي نبغاه الي هو Outer Glow / التوهج الخارجي حاجة زي كدا

نشوف مع بعض الإعدادات الافتراضية :

طيب نشوف التغيرات الي سويناها :

أيش الي سوينا ؟

غيرنا اللون من الأصفر إلى الأبيض ، عشان يكون نفس اللون الي أخترناه في الخط ، هذه النقطة تعطينا مسااااحة كبييييرة للإبداع يعني نقدر كمان نخلي لون الخط أحمر و نعطي تأثير الـ Glow  نفس اللون وراح يعطينا نفس الإحساس

كمان كبرنا مساحة التأثير إلى ( 10 ) الي هوا الـ Size

و في النهاية خففنا درجة شفافية التأثير إلى ( 70 )حتى مايصير مرة فاااقع ومايبان الي هيا بالطبع الـ Opacity

وممكن كمان نلعب في الـ Blend Mode يعني بدال مايكون ( Screen ) نخليه ( Overlay )

وهيدي النتيجة :

وهيدا ملف الـ PSD للي بدو : [ من هنا ]

جميع الحقوق محفوظة لـ Abdullah Saeed - www.asaeed.ws

Enjoy

[ ترددت كثيراً في طرح هذا الدرس نظراً لأستنتاجات حديثة قد تخالف ماذكرته هنا ، ولكن احبنا أن يستفيد الزائر ولو 10% من معلومات هذا الدرس التي قد تكون صحيحة بإذن الله ]

استكمالا لما بدأناه سابقا من درس تعديل الصور – الجزء الأول – : من هنا

تعديل الصور : الألوان

أعرض لكم الصورة مرة ثانية قبل وبعد

طيب في الدرس السابق تناولنا الكبسة و الفستق أوه قصدي تناولنا طريقة إزالة الشوائب و تنعيم الوجه نشوف مع بعض المرحلة الي وصلنا لها

طيب دحين الوجه عندنا مسمكر يعني منعم ومضبط وصاير آخر حلاوة طيب باقي نعدل شوية في الألوان ويطلع فل الفل .. لكن قبل مانعدل ألوان هذه الصورة وقبل مانتكلم عن الألوان أصلا أشرح لكم شي مهم جدا في هذه القضية وللأسف الشديد مالقيت درس يتحدث عن هذه النقطة يعني درس لتعديل الألوان ويتكلم قبلها عن النقطة الي ابغى أتكلم فيها دحين وفي نظري أنكم بمجرد تفهمون هذه النقطة راح تفهمون وتستوعبون الدرس وتقدروا وقتها تشمروا عن أكتافكم وتعدلون الصور بكل سهولة واحترافية – إن شاء الله – .

Histograms / الهستوجرام

أيش هستوجرام !!!! دحين نشرح لكم وللعلم بعض الصور الي راح احطها أخذتها من درس الأستاذ محمد القحطاني لكن بشرح على طريقتي وللي يحب يعود للدرس يمكن ما أعرف أشرح !

Histograms تعرف على أداة الهستوجرام

طيب نبغى نفهم أيش هو الهيستوجرام دا ؟؟

بالعربي هو مخطط بياني لألوان و إضاءة الصورة - ماحبيت استخدم مصطلحات أو أفصل للي يحب يتثقف في هذا الموضوع يراجع الدرس المرفق – .

المهم يعيني مستر هستو ( جرام ، هذا سموه كذا عشان كان ابوه كل مايجي يتغدون يقيس وزنه فكان دايمن يقول له الجرام فوق الجرام يصير كيلو وراح تسمن وتنكب عفشنا وما نقدر نعبي كرشتك فا كان لو زاد جرام يسوي له  تمارين ضغط )

المهم أنو المخطط هذا يخلينا نعرف إضاءة الصورة هل هيا مظلمة ولا ساطعة ولا تمام خلونا نشوف هذا التخطيط الحلو الي راح يوضح لكم أكثر :

يعني كل ماكان عدد البكسلات في اليسار أكثر كل ماكان الظلام في الصورة أكثر والعكس صحيح كل ماكانت البكسلات في اليمين أكثر كل ماكان السطوع اكثر .

[ كل مارحنا لليمين كل مازاد السطوع في الصورة و كل مارحنا يسار كل مازاد الظلام في الصورة ]

يعني نقدر نقسم الصورة بشكل أسهل ونقول :

طيب ناخذ مثلا على صورة مظلمة :

مثال كمان على صورة ساطعة :

زي ما لاحظتم مش لازم تكون الصورة مظلمة بالكامل ! لأ ، يكون الظلام فيها أكثر من السطوع و كذلك الصورة الساطعة الضوء فيها أو السطوع أكثر من المناطق المظلمة .. أتمنى تكون وصلت المعلومة

طيب الهستوجرام مكون من الألوان الخمسة ( أبيض ، أسود ، أحمر ، أخضر ، أزرق ) راح نعرف أكثر  لما نتعمق شوي بالدرس إن شاء الله

دحين أنتوا حتقولون فهمنا ايش هو الهستوجرام نبغى نعرف يا عبدالله كيف نعدل الصور ونعدل الألوان وكذا حركات بركات  ؟!!

طيب ولا يهمكم راح نبدأ من الآن فا رجاء فتحوا مخكم معاي كوووييس وركزوا لآخر الدرس يعني لا تقطع كل شوي تروح تشرب لك جغمة موية وترجع ولا أمك تناديك تروح تكب الزبالة خلص كل أمورك و أجلس عشان تركز وتفهم تمام .

أول شي بنتعرف على أهم الأوامر الي راح نستخدمها في تصحيح الصورة من ناحية الألوان و الإضاءة و التشبع كمان .. تقريبا تقدروا تقولون أنها خيارات أتوماتيكية أو نقدر نقول ( أفتراضية ) خلونا نشوفها :

طيب يا عبدالله هذه الخيارات تعتمد على شي مهم جدا نقدر نقول انو اسمو ( التعريض ) !

ماقد شفتو في الكاميرا لو كانت D-SLR  - يعني احترافية - على شاشة البيانات أرقام مثل كذا

(+2 . 1 . 0 . 1 . -2 )

هذا يسمى التعريض يعتمد على 3 أشياء :

1- سرعة الغالق .

2- فتحة العدسة .

3- قيمة الحساسية (ISO )

و  يمثل في تكوينه 3 مناطق :

1- منطقة السطوع . الي هيا (+2)

2- منطقة متوسطة ( رمادية ) الي هيا  (0)

3- منطقة الظلال ( أدكن أو أظلم منطقة بالصورة ) الي هيا (-2)

وطبعا الرقم 1 الي بين الـ 0 و الـ 2 درجة أخف سواء في السطوع ولا في الظلمة

مارح نتشعب في هذه النقطة الي يحب يستفيد يبحث وراح يلاقي دروس بالهبل بالإضافة أنو في درس قادم بإذن الله يتحدث عن هذه النقطة بشكل مفصل إن شاء الله .

طيب الفوتوشوب بمجرد تضغط على وحدة من الأوامر الي فوق يقوم بنفسه بالبحث عن الـثلاث مناطق هذه ويحسب بذلك التعريض المناسب للصورة . يعني مثلا أوريكم صورة قبل وبعد أستعمال هذه الخيارات :

بعض الاحيان تعطيك نتائج مو تمام في الألوان لأنو ممكن القيم أو المناطق الي أختارتها الأداة خطأ وسيتم التوضيح داخل الدرس إن شاء الله أو في نهايته .

عموما مو شرط أنك تستخدمها يعني هذه للي مستععععجل ومو رايق يعدل بمزاجه ..

طيب دحين نبغى نتعرف على هذه الأوامر مانبغى الفوتوشوب يعدل لنا بكيفه نبغى نعدل بكيفنا ممكن نبغى كمان نخرج عن المألوف يعني نخلي الصورة ساااااااطعة ولا مثلا متشبعه باللون الأخضر !! .. طيب خلوني اوريكم وين أماكن هذه الخيارات أو الأوامر:

( الصورة متحركة أصبروا عليها ثواني )

نبدأ بـ Levels

طيب ملاحظين معايا الدوائر الي مكتوب عليها 1,2,3 ؟ أبغاكم تستنتجون الزر الي في اليمين لو حركناه لجهة اليسار ايش راح يصير بالصورة ؟؟ و كمان الزر الي في اليسار لو حركناه جهة اليمين ايش راح يصير ؟

نجرب نلعب فيها شوي .. نجرب ليش لأ ؟ شوفوا لمن حركت الزر الي في اليمين لجهة اليسار ايش صار في صورتنا

غريببببة ؟؟ المفروض تظلم الصورة مو ؟ لا ياقميل انتا وهوا احنا لمن قدمنا الزر أو ” المحرك ” الأيمن لجهة اليسار زدنا السطوع يعني الفوتوشوب صار يقرأ كل المنطقة الي تحركنا فيها سطوع فاهمين ؟ نوضح لكم هو أحنا لنا غيركم

زي ماقلت لكم لمن حركنا الزر الي في اليمين كاننا قلنا للفوتوشوب زيد منطقة السطوع يعني صار الفوتوشوب يقرأ أنو منطقة السطوع أكثر من منطقة الظلام وهذا الي صار بالفعل يعني قاعدين نلف وندور على حبيبنا هستوجرام

طيب على فكرة الألوان الي حطيتها مو يعني الأحمر والأزرق والأخضر الي هيا ( RGB ) لا مجرد ألوان توضيحية ..

الأحمر = منطقة السطوع

الأخضر = منطقة الظلام

الأزرق = وسط بينهم يعني المنطقة الي سطوعها أو إضائتها وظلمتها متوسطة

طيب نجرب نحرك المحرك الأيسر ( الي عليه دائرة خضراء ) بنفس المقدار الي حركنا فيه المحرك او الزر الأيمن :

شايفين كيف صارت الصورة مظلللللمة ومشبعة بالألوان لدرجة الظلام ؟

طيب نجرب المحرك الأوسط ( الي عليه دائرة زرقاء ) وكمان تقريبا بنفس المقدار :

شايفين لمن حركنا الزر او المحرك لجهة اليسار أعطانا إضاءة متوازنة في سطوعها و دكانتها – ظلمتها – طيب ممكن يقول الإضاءة مرة حلوة ومناسبة بس الشعر طالع باهت وكأنو دوبو خارج من ملعب كوره !! كيف أخلي الإضاءة بس في أجزاء معينة أنا احددها ؟ راح نعرف في آخر الدرس إن شاء الله .

طيب دحين أحنا عرفنا كيف نزيد سطوع الصورة أو نزيد ظلمتها او نزيد الإضاءة أو نقللها بشكل متوازن حلو ؟

طيب أيش هرجة الـ ( Red & Green & Blue ) في القائمة المنسدلة ؟؟ يعني هل نقدر نتحكم بـ سطوع اللون الأحمر ؟؟؟

راح نعرف دحين كوووووول حاجة إن شاء الله .. طيب قبل مانخش في هادي النقطة خلوني أوريكم شي ، أدخلوا على لوحة الألوان :

شايفين الي شايفو ؟ R  مقابله C .. إلخ  طيب ياعمي أيش يعني ؟؟

خلوني أشرح لكم ايش معنى هذه الحروف :

R = أحمر

G = أخضر

B = أزرق

نظام  الألوان هذا نستعمله لمن نصمم مواقع على الإنترنت أو لمن نسوي بطاقات تعرض في المنتديات يعني هذه الألوان أو نظام الألوان هذا نستعمله لمن نبغى نشوف شي في ( شاشة ) الحاسب الآلي ..راح نشوفها كإشعاعات - ممكن نطلع منها ألوان فاقعة -.

تمام أتفقنا على هذه النقطة يعني نستفيد من هذه المعلومة أنو لو نبغى نصمم مواقع نختار نظام ألوان ( RGB ) .

C = سماوي -أزرق مع شوية أخضر- بالإنجليزي ( Cyan )

M = أرجواني – أزرق مع أحمر – بالإنجليزي ( Magenta )

Y = أصفر

K = أسود

طيب هذا نظام ألوان الطباعة يعني لمن تبغى تسوي مطوية ولا إعلان سواء كان فلاير أو بوستر ، أو أي شيء مطبوع تستعمل هذا النظام

طبعا - مارح تكون فيها ألوان فاقعة - يعني لو تحط لون فسفوري مايجيك بالدرجة الفاقعة في الشاشة يجيك مطفي تقوم أنت تطبعه على ورق لميع ممكن يساعد شوي . نشوف مثال بسيط يقرب الفكرة :

طيب أنا ليش شرحت هذا كله ؟!!! دحين نعرف .

نرجع لـ Levels

لو اخترنا من القائمة المنسدلة مثلا Red  بدال RGB

طيب ملاحظين الخط الي في الشاشة ؟؟ أقصد التدرج لون أحمر في اليمين و سماوي في اليسار !!!

مثل ما وريتكم أول في لوحة الألوان الـ R يقابله C أحمر يقابله مين ؟ سماوي

طيب ليش الأحمر في مكان السطوع و السماوي في مكان الظلمة ؟ دحين راح نعرف

شوفوا يا أخوان فكرة الـ Levels مو زيد الإضاءة ولا نقص الإضاءة لأ ، أحنا قاعدين نتحكم بسطوع الألوان و تشبعها تقريبا لمن كان RGB كنا نتحكم بكل الألوان RGB & CMYK لكن لمن خصصنا لون معين مثلا الأحمر المفروض كان يعطينا سطوع الأحمر و ظلمته ؟

لكن هنا عطانا لون من مجموعة ألوان الـ RGB ولون يقابله من مجموعة CMYK .

طيب ليش صارت ألوان الـ  RGB مكان السطوع يعني كان الترتيب مختلف في لوحة الألوان ليش أضطروا يغيرون الترتيب ؟؟

مارح أجاوبكم أبغاكم تستنتجون هادا الشي أنا شرحته وهو واضح بالإضافة اني أستنتجته بنفسي يعني قابل للخطأ .

طيب نجرب نحرك الزر الأيمن جهة اليسار يعني زر السطوع نحركه جهة الظلمة نشوف ايش راح يصير بالصورة هل راح تصير ساااطعة زي أول ولا أيش بالضبط ؟

واوك صار اللون الأحمر سااااطع يعني مو متشبع لا صار بسطوع !

طيب نجرب نحرك الزر الأيسر لجهة اليمين الي هوا زر الظلمة :

وااااااوك صارت الصورة مظلمة وبلون أقرب للأخضر من السماوي ( أعتقد أن الترجمة لكلمة Cyan  لـ سماوي خاطئة السماوي أزرق مع أبيض و السيان مكون من خليط أزرق و أخضر وهذا الشكل خير مثال لذلك .. والله أعلم )

طيب ليش صارت الصورة مظلمة ليش ماصارت ساااطعة ؟؟ وليش صارت ألوان الـ CMYK في اليسار ؟؟ مع مراعاة رسم الهستوجرام

طيب نستفيد من هذه المنقطة أننا نقدر نعدل ألوان الصورة وسطوعها أو ظلمتها من هذه النافذة أو الأمر فقط شوفوا الصور حقتنا عدلتها بس عن طريق هذه الأداة :

وهذا الملف مفتوح للي يحب يعرف الإعدادات :

من هنــا

زدت سطوع و ظلمة الصورة عن طريق الزر الأوسط وبعدين زدت تشبع اللون الأزرق برضوا عن طريق الزر الأوسط ( المنطقة الرمادية ).

أتمنى تكون النقطة هذه مفهمومة ومع الممارسة و – اللقافة – راح تفهم أكثر

طيب الباقي دحين مرة سهل وراح نمر عليه على السريع لأن أهم أداتين عندنا Levels + Curves

لكن مارح أشرح لكم دحين الـ Curves لأنه بالفعل أداة تجمع كل الأدوات الي راح أشرحها دحين ولو قالوا ليا أختار أداة وحدة للتعديل راح اختار هذه بدون تفكير ..

طيب نجي دحين للأمر الي مجنن العالم ويعطي نتائج حلوة أو لمسة حلوة للتصميم الي هو :

Brightness/Contrast

و أقتبس هنا كلام للأخ : سعد الدوسري وجدت أنه كلام مختصر ومفيد <<  مو زي بعض الناس الي أول حرف من أسمهم عبدالله

[ أما الأول (Brightness) فهو التحكم في التفتيح والتعتيم، وأما الثاني (Contrast) فهو التحكم في اللمعان والتشبع..]

وهنا مثال لنتيجة هذا الامر على صورتنا :

وهنا ملف الـ  psd للي يحب يستفيد أكثر :

من هنـا

طبعا تقدر تعرف إعدادات التأثير أو الأمر الي أستخدمناه بالنقر المزدوج عليه من نافذة أو تبويب Layers

للعلم : هذا الامر مانقدر نعدل فيه صورة بستخدامه فقط ، أعدل فيه السطوع و التعتيم بس يعني لازم نتستخدم الأمر الي راح أتكلم عنه دحين – عشان نعدل الألوان – .

أمر : Color Balance – توازن الألوان

نفس فكرة  Levels لمن جينا نعدل الألوان اللهم هذا الأمر مافي تعديل للسطوع بالإضافة أنو فيه شي مهم ويربطنا كمان بكل الدرس

شايفين المكان الي بالأحمر ؟

خمنوا أيش تعني هذه  الكلمات ؟ .. أنا أقول لكم مو أحنا تكلمنا طول الدرس عن 3 مناطق

1- منطقة السطوع .

2- منطقة متوسطة ( رمادية ) .

3- منطقة الظلال ( المظلمة ) .

أهو نفس الشي موجود طيب أيش الفايدة ؟؟  هذا الأمر يخلينا نوزن الألوان في الصورة في المناطق الثلاث يعني درجات الأزرق في المناطقة المعتمة – المظلمة – و مثلا اللون الأصفر في المنطقة الساطعة و هكذا .. جربوا ألعبوا فيها شوي وراح تفهموا تمام .

مثال لنتيجة الأمر + الأمر السابق Brightness/Contrast :

طبعا ملاحظين الصورة طالعة أحلى بكثير يعني أنا أحسها واقعية أكثر .

وللي يحب يستفيد اكثر هذا ملف الـ psd :

من هنـا

ونشوف هنا الإعدادات الي سويتها :

صورة متحركة أصبروا عليها شوي .

طيب نجي دحين للمهوووووووووييييييم

Curves

هذا الامر يختصر بقية الأوامر الي شرحناها يعني مثل ماقلت لو تورطت وقالوا لك أستعمل أمر واحد في تعديل الألوان على طول أختار هذا طيب ليش ؟

1- ينفذ لك نفس تأثيرات الـ Levels بعتدال يعني سطوع و في نفس الوقت إشباع للألوان .

2- يشبع لك الألوان منفردة يعني لو اخترت الأخضر تقدر تشبعه وبنفس الوقت تسوي سطوع للون الأرجواني  ( G يقابله  M – الأخضر يقابله الأرجواني ).

3- يحسب لك التعريض المناسب للصورة يدويا عن طريق أختيارك أنت للمناطق الـ 3 .

طيب نجرب مع بعض ؟

دحين ملاحظين أنو في محورين يعني أول في الـ Levels كان في محور واحد سيني الحين عندنا سينات وصادات !! ( يعني محور أفقي و عامودي ) .. شوفوا أنا فاهم الي أبغى أقوله بس يمكن ما اقدر أشرح لكم بوضوح .

أول كنا نقدر نسوي سطوع بس يعني مانقدر نسوي سطوع و تعتيم أو إشباع في نفس اللحظة لكن الحين عندنا محورين نروح يسار وننزل تحت شوية بكذا نكون سوينا سطوع وتعتيم بنفس الوقت .. خلوني أوريكم كيف :

نشوف النتيجة بشكل أوضح :

وهذا ملف الـ psd  للي يبحب يستفيد عن قرب :

من هنـا

طيب صدقوني مارح تفهمون الدرس تمام إلا بالممارسة والتجربة .. دحين نشرح أسهل جزئية في الـ Curves كيف تخلي الأمر يحسب لك التعريض المناسب عن طريق أختيارك أنت للمناطق الثلاثة ؟؟

شايفين القطارات الي تحت ؟ راح تلاقون الي على اليمين الحبر الي داخلها بلون أبيض و الي في النص بلون رمادي و الأخيرة بلون أسود !!

أتوقع أنكم أستنتجتم الي أبغى أقوله ..

يالله نختار القطارة رقم 1 و نشوف أكثر منطقة سطوع في الصورة ..الي هي في البرطم في انعكاس للإضاءة وسطوع عالي .. وهكذا نشوف مع بعض تسجيل بسيط لهذه العملية :

من هنـا

وهذه النتيجة النهائية :

—————————

تقريبا كذا انتهينا من درسنا وبصراحة أنا دايخ دحين وفيني نوم بشكل فضيع فا يمكن أنسى شي ولا شي

- جواب للأسئلة الي طرحتها فوق :

ليش ألوان الـ RGB صارت مكان السطوع ؟؟

وليش ألوان الـ  CMYK صارت مكان الظلال أو التعتيم ؟؟

ملاحظة [ بعد كتابتي لهذا الدرس لم أرضى بالمستوى المطروح فا بحثت كثيرا عن هذه الأوامر و أكتشفت أشياء جدا رائعة قد تختلف عما طرحته هنا بعض الشيء ، سوف أقوم إن شاء الله بطرح دروس منفردة لكل أمر بإذن الله إذا وجدت منكم الحماس للتطبيق و المشاركة]

جميع الحقوق محفوظة لـ Abdullah Saeed – www.asaeed.ws

تحياتي محبكم دوما وأبدا وفي كل حتة وكل بيت

عبدالله

تسيييف الحال والأحوال و الجوازات  .. المهم هيدا درس أديم شوية ايش هرجته ؟!
أنا كنت أتجول في موقع روسي يعني ماتفهم حرف عشان تفهم كلمة المهم و أشوف مجموعة صور مافهمتها لكن عجبتني الفكرة وطبقت عليها تصميم وبعدين درس ، شوية يطلع هادا درس أجنبي ! عدلنا بعض الأشياء وزبطت الأمور بس عشان ما أحد يقول ياحرامي يا مش كويس 

تقدروا تقولوا درس مترجم بس بأسلوبي يعني ماتقيدت أبدا في درس القدع الي سواه 

في البداية الدرس سهل جدا جدا أقدر أشرحه بخطوات بسيطة مصورة وبدون أي كلمة لكن من طبعي ما أحب دروس ( تتبع الأرقام ) يخرج الواحد من الدرس بفائدة وحدة كيف يسوي الحركة المطلوبة وبس لكن لمن نشرح كل خطوة وليش سويناها تبدأ الأذهان تتفتح وتبتكر !!

أنا ما أبغى منكم تطبقون لي الدرس بحذافيره ونفس النتيجة .. إلخ ! لا أبغى الأبتكار و أنا أكتب لكم هالسطور جاتني 5 أفكار للدرس لكن بطرق مختلفة وشكل مختلف ” جذريا ” !! 

نبدأ دحين في الدرس شي خفيف ولذيذ في نفس الوقت 

نعرض الآن النتيجة الي راح نوصل لها إن شاء الله في نهاية الدرس :

طيب .. نجي دحين نشوف الادوات الي راح نستخدمها إن شاء الله في هادا الدرس :

هذه أهم الأدوات الي راح نستخدمها إن شاء الله ، والي ماعرف مكان الـ ( fx ) راح يلاقيها أسفل نافذة ( Layers ) طبعا هي أختصار لـ ( Layer Style ) .

وهذه الألوان الأساسية الي راح نحتاجها :

وهذه الأكواد : اللون التفاحي ( a8be40 ) و اللون الأخضر ( 328a26 )

دحين راح نبدأ الجد

نفتح ملف عمل جديد ومارح أقول لكم وين الي مايعرف يتعب ويدور 
طيب تحطون المقاس الي تبغوه مافي شي محدد لكن في هذا الدرس راح نجرب المقاس ( 480 × 640 ) ، راح تفتح لنا صفحة بيضاء !

نجهز علبة الألوان أو مجموعة الألوان زي ماوريتكم فوق التفاحي في المقدمة و الأخضر في المؤخرة ، بعدين نختار أداة التدرج ، طيب قبل لا نبدأ نبغى نعرف أيش الفايدة من الخطوة الجاية ؟!

اللون الأخضر الغامق في الخلف يعبر لنا عن خلفية العمل أو الأرضية و اللون الفاتح – التفاحي – يعبر لنا عن إضاءة العمل أو مصدر إضاءة العمل !! طيب يا هو إيش الفايدة من الإضاءة و الزحمة دي ؟!!

مصدر الإضاءة أو موقع الإضاءة في العمل يحدد لنا أتجاه الظل ! يعني لو الإضاءة جاية من فوق راح تصير ظلال الأجسام في العمل إلى الأسفل .. أتمنى تكونوا فهمتوا المقصود  .