[ كل عام و أنتم بخير يا أحبابي ]

راح أحاول بإذن الله أدون لكم مالجديد و الغريب في رمضان ماليزيا اليوم في التراويح كان في شوية أشياء غريبة علي وممتعة راح أحكيها لكم في التدوينة القادمة بإذن الله

أتمنى لكم رمضان حافل بالطاعات ^_^

[ مصدر الصورة ]

محبكم

عبدالله و الأقر على الله << من زمان ما قلتها

يعلم الله قد أيش أشتقت لكم ، لكن الدراسة مو مخليتني أتنفس حتى الشغل أأجله للإجازة الأسبوعية

قريبا في تطورات جديدة حتكون في المدونة إن شاء الله ، الأفكار كثيرة لكن الوقت !! دعواتكم

عموماً يا حبايبي الأستاذ دحومي ياكل برشومي طلب مني صورة في تصميم صممته زمان ( إيجابي )

وقلت ياولد بدال مانديه صورة أجيب المجموعة كل أبوها ، ثم أقترح عليا أحطها في المدونة فا ها أنا

<<  دا الولد ما يتوب من البلاهة هههههههههههههه

المجموعة تستحق بقوة التحميل فا لا تترددوا و الرابط واحد ومباشر إن شاء الله

[ تحميل فكتور مجموعة صور الظل ]

والله أشتقت لكم وعندي كلام كثير لكن شو بدنا نعمول ما كنت أتوقع أن الوضع كرف زي كدا فا كل خططي لهذه السنة تفركشت

حقوق الرفع محفوظة لـAbdullah Saeed- www.asaeed.ws

[ الرجاء ذكر المصدر عند النقل ]

Enjoy

]]> http://www.asaeed.ws/blog/2010/%d9%81%d9%83%d8%aa%d9%88%d8%b1-vector-%d9%85%d8%ac%d9%85%d9%88%d8%b9%d8%a9-%d8%b5%d9%88%d8%b1-%d8%a7%d9%84%d8%b8%d9%84%d8%a7%d9%84-%d8%a7%d9%84%d9%83%d8%a7%d9%85%d9%84%d8%a9/feed/ 15 http://www.asaeed.ws/blog/2010/%d8%b7%d8%b1%d9%8a%d9%82-%d8%a7%d9%84%d8%a3%d9%84%d9%81-%d9%85%d9%8a%d9%84-%d9%85%d8%a7%d9%84%d9%8a%d8%b2%d9%8a%d8%a7-2/ http://www.asaeed.ws/blog/2010/%d8%b7%d8%b1%d9%8a%d9%82-%d8%a7%d9%84%d8%a3%d9%84%d9%81-%d9%85%d9%8a%d9%84-%d9%85%d8%a7%d9%84%d9%8a%d8%b2%d9%8a%d8%a7-2/#comments Sun, 23 May 2010 12:07:10 +0000 Abdullah Saeed http://www.asaeed.ws/blog/?p=1048 السلام عليكم ورحمة الله وبركاته

في البداية أشكر كل الزوار والله ثم والله لكم معزة خاصة فردا فردا و بجد أتكلم

أعتذر عن عدم الرد لكل التعليقات في التدوينة السابقة لأن النت ماكان متوفر وقتها في الشقة .

بصراحة ما أدري من وين أبدأ ؟!!

كل الي سمعته عن ماليزيا مختلف تماماً عما وجدته هنا !

قبل ما أتكلم عن ماليزيا أحب أنوه أني شخص ما يشغل باله بالسلبيات ورؤيتي دوماً إيجابية و واقعية لمن أحب أتكلم عن شيء معين ولله الحمد , بالتالي ممكن كلامي يختلف عن نظرة كثير من الطلاب هنا .

أول ماجيت ماليزيا كنت في قمة اللامبالة !! لدرجة أنو قريبي قلي شكلك مو شكل واحد مسافر كأنك ما تحركت من حارتكم !

وهذا الشيء الي فعلاً كنت مستغرب منه !! ياااااااهوووو صح صح معايا درقم درقم << صوت النقر على راسي

عموما للأسف شعوري حول أني جيت بلد جديد وكدا ابدا ماحسيت فيه ، أوكي صح أنو في أشياء جديدة بس عادي مافي حماس !

كان أول أسبوعين في ماليزيا قمة الملل !!!! يا ترى لييييييش ؟

أولاً : أنا كنت ومازلت جدي جدا من ناحية الهدف من جيتي لماليزيا وكنت متحمس للدراسة أكثر من جيتي أصلاً !

ثانياً : صارت لخبطة في فهم عملية ” الفيزا ” وكيفية الحصول عليها من المعهد مما أخر عملية التسجيل  ( من ربشتي  ) .

فا بالعربي قعدت أسبوعين في البيت بدون لا شغلة ولا مشغلة ! و أنا لو تبغى تقتلني عيشني في روتين بدون هدف .

المهم بعدها قابلت حبيب قلبي ” منزرايا .. أنتا معاه ولا معايا ” و أختصارا ” منذر ” والي أعتقد أنه زعلان عليا بعد حركة في قمة الشيانة سويتها فيه بدون قصد

السكن في ماليزيا – كما شاهدت – هو غالبا على شكل مجمعات سكنية ( Condominium )

يعني مثلاً 6 عمائر كل عمارة 18 دور وكل دور فيه أكثر من 10 شقق ! هذا مثال من مجمعنا المفقع فكيف المجمعات الراقية ؟!

عموما منزر ساكن في مجمع قديم لكنه مرتب أكثر بكثير من مجمعنا ، يعني عندهم مسبح و ممشى و حديقة صعنونة و الأهم عندهم بقالات عربية ! أصلا المجمع تقريبا كله عرب عراقيين على ليبيين هدولا العوائل والبقية سودانيين على يمنيين طلاب فا المنطقة حبوبة شوية .

أما أحنا مجمعنا معدوم شويتن وهنا تكمن روعته !!

أنا أموت في المناطق الشعبية يعني بالنسبة لي الكندرة ولا الأندلس و المنفوحة ولا العليا !! مدري ليش !!

غير أنو منطقتنا “Sunway” حية بشكل رهيب يعني مثلاً احنا زي ماقلت مجمع مضروب الشارع الي قدامنا

مجمع “South Quay” فخم هو مجمع فلل مطلة على بحيرة وجمبهم ملعب غولف !!

فندق sunway

منتجع Sunway Lagoon المائي

سوق Sunway Pyramid

غير كدا الحي بشكل عام مرتب مرة مستشفى كبير جدا سوق كبير “Sunway Pyramid” على شكل أهرامات مصر حاجة تحفة صراحة .

حسيت أني قاعد أسوي إعلانات ههههههه .. عموما المنطقة جدا رائعة و أرتحت لها كثيرا و الحمدلله غير أنو الكلية الي حخشها إن شاء الله في نفس المنطقة جمب السوق دايركت .

وهذا الي خلاني كل ما أدور على شقة خارج المنطقة ما ارتاح لها و أشكر حبيب قلبي منذر تعبته معاي في البحث ، لدرجة أني كنت فعلا مهموم جدا بمسألة الغرفة .

نرجع لمنزرايا لمن كنت عنده سوى لنا غدوه معتبرة ماشاء الله بالنكهة السودانية .. تسلم يدك مونزير .

في النهاية لقيت لي سكن في نفس المنطقة “Sunway” ونفس المجمع الي فيه قريبي بس العمارة مختلفة أو الـ Block مختلف

sunway منطقة رائعة جدا ويملكها على ما أظن رجل أعمال صيني ، تقدروا تبحثون أكثر عنها من خلال موقعهم أو من الصور في قوقل وغيره .

نجي دحين للشعب نفسه !

ماليزيا عبارة عن خليط بين الماليزيين الأصل و الصينيين و الهنود و كلهم عندهم الجنسية الماليزية لكن طبعا تقدر تفرق بينهم دغري

منطقتي يكثر فيها الصينين بشكل ملحوظ و الصينين بشكل عام هم تجار البلد و الي خربوا أخلاق البلد البنات هنا شكلوا اللبس القصير عندهم عبادة !!

عموما الشعب حاله حال نفسه لكن الهنود في منهم المجرمين و الصينيين يلهفون فلوسك لو كنت “أهبل” لكن الماليزيين نفسهم أنا أختلطت بيهم في المسجد و المعهد مرة حبوبين

على طاري جماعة المسجد في ولد صغير دوبة يشبه الولد الصغير في فيلم UP  كأنهم ماخذين الشخصية منه هههههه نفسي أصوره بس أخاف أبوه يزعل .

و العرب السياح هنا كثر كل يوم لازم تشوف لك عائلة ، حتى مرة ولد صغير ماصدق شاف طخة عربية قام نقز علي وقال : السلام عليكم

في العاصمة كوالالمبور للأسف الإسلام شبه مخفي يعني عاااااادي جدا عند الماليزيين نفسهم هرجة الـ Boy Friend و الـ Girl Friend وحددت الماليزيين كونهم المسلمين أما الصينيين و الهنود ماعندهم مشكلة يخربوها .

فا عادي تشوف محجبات و أحضان وقُبل مع أصحابهم !! و أعتقد أن السبب في ذلك هو دخول الصينيين و الهنود وتأثيرهم على المسلمين ” في العاصمة ” أما في الضواحي الأمر مختلف جدا الإسلام أقوى .

الجميل أن المصليات في كل مكان لا يمكن يكون في سوق أو مجمع بدون مصلى و وقت الصلاة في الأسواق مثلا المصلى يكون عامر بالمصلين ماشاء الله .

لكن بشكل عام الي يدور على مظاهر الإسلام في العاصمة حيتعب .

Mee Goreng

بالنسبة للأكل  الحمدلله أكلاتهم الشعبية روعة و أغلبها تعتمد على الرز المطبوخ بالخضار مثلا :

Nasi Goreng Ayam

Nasi goreng ayam : الي هو عبارة عن رز مطبوخ بالخضار مع دجاج مقلي . الي يبغى يذوقها يروح محلات راقية لأنو الشعبية الرز حقهم خرافي لكن الدجاج يابس كأنو من عام حفر البحر !

Mee goreng : أندومي مكشنة مع البيض و الدجاج في بعض الأحيان وفوقها بصل مجفف ، لذيذة جدا جدا .

Roti

Roti : الشباتي ، لذيذ جدا جدا مع الكاري وفي عندهم روتي تلور شباتي بالبيض مع الكاري حاجة تووووحفة .

هذه الاكلات بشكل عام و طبعا في أكلات بالهبل الأكل الجاوي أو الأندنوسي و الهندي كمان يعني هرجة أنو مافي أكل مرة ما تخش المخ !!

و أنا أصلا أعشق الاكل الهندي حتى النخاع فا عايش حياتي هنا  . طبعا غير أنو كل أنواع المطاعم العالمية موجودة !

كمان عندهم الشراب الماليزي الرسمي على قولة مهند

أنا ماقد عمري شفت ناس يعشقوا منتج معين بقدر عشق الشعب الماليزي لمنتجات ميلو !!

حليب ميلو ، آيس كريم ميلو ، حليب ميلو بارد ، كاكاو ميلو ، بسكوت ميلو .. إلخ . مافي منتج لميلو إلا عندهم !!

و أغلب المطاعم مثل ماكدونالدز تقدم الميلو في قائمتها وبالشكلين الحار و البارد !!

في البداية كنت مستغرب وبعد أن جربته وقعته في حبه من أول جُغمة هههههه خصوصا ميلو آيس بااااااارد شي يُقتل  !

ماهي يدي عشان ماتنبسطوا وتقولوا الدبه أهو الدبه أهو :p

بالنسبة للصرفيات في ماليزيا زي السعودية تقريبا ماتفرق كثير لكن في الأكل رخيصة ، تخيلوا أتغدى في البرجين بـ 10 ريال

هذه وجبة عادية و دسمة ” صحن ماكرونة إيطالية ” و ماكدونالدز مثلا الوجبة بـ 9 ريال وتوصل 6 ريال لوجبة برقر السمك !!

و أعتقد أن السبب في ذلك أنو الشعب هنا الأم و الأب يشتغلون فا يجتمعون عالغدا في هالمطاعم مع بزورتهم فا مدام في طلب كبير السعر حينقص طبيعيا

لكن في الأكسسوارات الإلكترونية شوف السلخ

سعر صرف الـ 100 ريال سعودي قرابة 84 رينقت ماليزي و أكبر عملة عندهم الـ 100 أنا لمن أسحبها أتورط فيها مافي أحد يصرفها غير المطاعم الكبيرة !

كمان تصميم فلوسهم مرة عجبني ، غير كدا عندهم حتى الهللات يعني الهللة تقدر تاخدها من ورى خشمهم مو زينا في بنده ولا غيرها ياخذوها عنوة و يصرفونا بعلكة .

المواصلات وما أدراك ما المواصلات !!

روعة كوالالمبور بالنسبة لواحد جاي من السعودية ، تكمن في المواصلات !!

في كوالالمبور المواصلات داخل المدينة متنوعة مابين التكاسي و الباصات ( الي تجي في موعدها بالملم مو زي باصاتنا الي تجي قبل موعدها .. هي تجي أصلا ؟  )

كمان في القطارات بأنواعها !! أيوه القطارات 3 خطوط ! تقريبا كل منطقة في العاصمة أقدر أروح لها بالقطارات أو كما يسمونها بأنواعها ( LRT – KTM – Monorail ) و أسعار المواصلات زهيدة جدا

و الأعجب أنو لو انتا مشاويرك كثيرة تقدر تاخذ بطاقة بـ 150 ريال وتركب في الباصات و الـ 3 قطارات بعدد لا محدود ! ولو أنت طالب خصموا لك نص السعر !!

كمان كون المواصلات تمشي بالثانية شيء يساعدك بقوة أنك تضبط يومك .

خلونا أحكيكم كيف يمر يومي العادي  ..

في البداية أقوم الساعة 5:40 الصباح قبل الفجر بـ 10 دقايق قبل الفجر ، وللأسف رغم أن المسجد في نفس المجمع ما أسمع الأذان !

عرفت قيمة الأذان هنا والله

نصلي الفجر وبعض الأحيان يلعب عليا الشيطان ويخليني أنام إلى 6:30 و أنا وياه في حرب و دعواتكم لي بالنصر .

بعد الفجر نجلس في قراءة من كتاب رياض الصالحين بعدين شوية دردشة مع الشباب و أطلع البيت أخذ لي دش

و أفطر لو كان لي مزاج وفطوري توست بالجبنة و عصير برتقال و كثير من الأحيان أنزل بدون فطور أفطر بس عشان أحزن على التوست يقطن !!

عاد التوست حقهم خرافي طري طراوة مو طبيعة نفسك تنام عليه خخخخ

المهم تجي 6:56 ألبس ملابسي و أخرج من الباب 7:00

طريق روحتي من البيت لحد محطة أنتظار الباصات.  1.7 كم

أوصل لراس الشارع 7:10 و أبدأ مشي لييييين موقف الباص كيلو و 700 متر مشي يعني تقريبا 20 دقيقة و أوصل على الساعة 7:30

أجلس أنتظر الباص رقم 76 عشان يوصلني لمحطة قطارات رئيسية وهي تقريبا أكبر محطة للقطارات ” KL Sentral ” الباص يوصل 7:35

أغراءات التكاسي في حال تأخرت عن موعد الباص الأول

بعض الأحيان أشتري موية و اتلكع في المشي فا أوصل 7:35 يكون الباص راح عليا فا أنتظر نفس الباص يجي 7:45 تقريبا أو أخذ باص تاني رقمه 63 يوصلني لمحطة رئيسية تانية ” Pasar Seni “

بس مشكلة الباص التاني أنه ياخذ وقت أطول في الوصول مع أن المحطة حقه بعد KL Sentral  بس لأنه يمر بطريق مختلف فا الزحمة تختلف وبالتالي ياخذ وقت أكثر !

80% من السيارات في الطرق صناعة ماليزية

المهم عادة أوصل لـ KL Sental الساعة 8:30 الوقت يكون بكير مرة يعني لو ركبت الـ LRT حوصل قبل مايفتح المعهد اصلا !

زينوا مجرى المياه برسومات على الجدران ، شوفوا الرسم على أصوله !

فا أقعد ألف لف شوية في المحطة و أركب القطار على 8:40 أوصل لمحطة KLCC و الي هي تحت البرجين على الساعة 9 تقريبا مش متأكد لأنو ممكن تفرق دقيقتين

مع أنو القطار يمشي بالثانية بس أنا متذبذب في دخول القطار من KL Sentral فا ممكن يكون في تنقص عن 9 دقيقة ولا دقيقتين .

المهم أمشي 500 متر تقريبا إلى المعهد يعني بالعربي المعهد يبعد عن البرجين 250 متر بس !!

عموما أمشي تقريبا عشر دقائق و أتأمل في الناس و العالم الماشية و النشيطة عالصباح والي يشتري فطور من البسطات في الطريق

ذكرتوني بتجربتي مع “الناسي لمك” فطور الماليزيين عبارة عن رز أبيض وصلصة حارة و سمك مجفف أنا ذقت السمك أنصرعت  قمت الله يكرم النعمة كبيت كل السمك و أكلته بدونه !

كنت أتمنى لو أخذت دجاج بدال السمك حيكون تحفة مع الصلصة ..

عموما وبكذا تقريبا أوصل للمعهد على 9:10 أجلس 20 دقيقة في الكلاس وبعدين يبدأ الأستاذ في التاسعة و النصف

بصراحة أستمتع جدا جدا في الدرس لأني في الحقيقة متعطش لتعلم الإنجليزية !

الجميل في الأمر أني كونت علاقة قوية بيني وبين المدرس و الطلاب نحدثكم عنها إن شاء الله في تدوينة لاحقة .

يدرسونا مدرسان أثنان واحد اسمو Simon و التاني Paul  كلهم من بريطانيا أصل و فصل الأول من ضاحية نسيت أسمها و التاني من مانشيستر. راح أفرد تدوينة تتكلم عن المدرسين الي قابلتهم و الي حقابلهم لاحقا إن شاء الله .

التدريس في British Council ممتع و مفيد أكثر مما توقعت ! نخلي الحديث عنه في وقت آخر إن شاء الله .

عموما أخلص الكلاس عالساعة 1 الظهر أصلي الظهر في المسجد الي ورى البرجين مسجد حلو و كبير ، مرة كنا جالسين أنا و منذر شوية نسمع إيقاعات و آهات  هههههههه بعدين رجال تكلم بالمالاوي يعني الإيقاعات زي الأنترو للإعلان عن شيء .

يمكن كان يقول أن الصلاة بعد قليل لأنو كان قبل وقت الأذان بشوي .

المهم بعض الأحيان بعد الصلاة أجلس في ( ELLZ ( English Language Learning Zone الي هي منطقة التعلم الذاتي أو Self Study هو عبارة عن كمبيوترات فيها برامج تعليم بالهبل و إنترنت و كمان أوراق أختبارات ذاتية لكل فصل تاخذه في المنهج .. الدراسة هناك ممتعة جدا ! <<  لا عاد تمتعون هالولد ههههههه

المهم أن وقت الرجعة مو منضبط لأنو حسب المزاج ، أنا دقيق في الروحة عشان ما أتأخر و يقول لي simon بكل استهبال Good Night Abdullah هههههههههه طبعا حسب وقت التأخير تكون الجملة ههههه

الحمدلله مرتين تأخرت و مرة غبت لأني قمت متأخر مررررررة و المصيبة داك اليوم نمت بدري مرررررررة لكن الحمدلله.

في الرجعة أروح لمحطة KLCC لآخر محطة الي هي محطة منطقتنا Kelana Jaya الطريق طويل جدا قرابة 40 دقيقة أو تقل مش متأكد لأنو كل طريق الرجعة من LRT إلى الـ Bus  أكون نايم فيهم ههههههههه

و يقال أني من قوة الرعب في وجهي لمن انام أتحول لميدوسا  عشان كدا أقوم ألاقينا مسوين حادث و الناس ميتين و متحجرين وفاتحين فمهم وعيونهم كأنهم شافوا حاجة مرعبة و سواق الباص يكون يناظرني و يأشر كأنه يقول ” يخرب بيتك ” طبعا وهو متحجر

المهم بعد ما أوصل Kelana Jaya أنتظر الباص والي ياخذ وقت طويييييل بين كل روحة و التانية يعني مثلا باص 76 يمشي كل 10 دقائق أما باص 23 و الي هو باص Kelana Jaya يمشي كل 30 دقيق تقريبا !!

عشان كدا ما أروح بيه الصباح .. المهم الباص دا ياخدني لييين تحت السوق حقنا Sunway Pyramid و نرجع للبيت بعد يوم طووووييييل وممتع ^_^

ترى في تكملة بس تعتب صراحة هههههههههه عموما أنام على الساعة 11 تقريبا بعد مذاكرة لذيذة .

في النهاية أتمنى أنكم تدعون لي بالتوفيق في مشواري الدراسي لسى ورانا كلية وزحمة و ربنا يعين

للي يحب يتواصل معاي زي ماقلت سابقا

Twitter + Tweitter Pic

سبحانك اللهم وبحمدك أ شهد أن لا إله إلا انت نستغفرك ونتوب إليك

أشتقت لكم يا معفنين << واحد مايعرف يشتاق ههههههه
طبعا اكتب هالتدوينة وانا ميت جوع بس كسلان انزل اخد لي ” ماقي قورينق ” ولا ” ناسي قورينق آيام ”

عموما بما أنو لحد الآن ماعندي نت في الشقة فا حيكون تواصلي متقطع جدا إلين مايفضى أحد لي ونروح نشوف هرجة النت إن شاء الله
للي مو عارف أيش الطبخة ، بعد سنتين كد سافرت ماليزيا للدراسة الجامعية ولله الحمد

خلوني أحكي لكم القصة من مطار الملك خالد في الرياض الي اكتشفت بعدين انه خرابة قدام مطار القاهرة و كوالالمبور !! من جد أنا ما أدري دوبهم يصحوا ويزبطوه ؟

بعد مناحلة أكد لي أبويا الحجز على الخطوط المصرية روحة ورجعة مفتوحة لمدة سنة ودا الي كان المطلوب والحمدلله

الرحلة كانت الأثنين 15 مارس وكان مكتوب الحضور الساعة 11 بالمطار ، الليلة الي تسبق الرحلة طبيعي ماعرفت أنام بالرغم من أني ماحسيت أني مسافر أبدا ولا حتى للخرج !!

المهم جت 11 بالضبط انا كنت واقف عند بوابة صالة شركات الطيران الأجنبي
رحت أخلص أوراقي و أدخل العفش شوية أكتشف أنو الرحلة الساعة 2 بعد الظهر !! و أنو الترانزيت للقاهرة مو 3 ساعات طلع 8 ساعات تقريبا !!

المهم جلست أنا و أهلي نقرقر وبما أني ما أكلت شي من 15 ساعة تقريبا أبوي نزل يشتري لي شي يتاكل قلك باخذ قطمة صغيرة وخلاص لأني ماكنت أبغى أكل قمت بلعت الساندويش كل أبوه هههههههه

دردشنا شوي وجاء وقت الرحلة سلمت على حبايبي وتعرفوا حنان الأم والأب الله يحفظهم ليا يارب

المهم دخلت الصالة لطعوا أمي ساعة كمان كما هي العادة

في الساعة دي ماخليت احد يمشي قدامي الا وحسبت مشيته كم فريم << لحسة أنيميتورية

والله واحد عذبني مشيته غريبة جدا يسرع ويبطئ بس طبعا مو أغرب من مشيتي ههههههه

المهم شوية دخلنا الطيارة وكانت الفاجعة !!
الطيارة صغيرة جدا الي قد ركب طيارات ” ناس ” زيها بالزبط !! أنا تحطمت لأني كنت حالف يمين ما أركب مع ناس مرة تانية بسبب الطيارة الي مقاسها شبرين المهم الي هون علي الهرجة أنو كنت نعسان مرة والرحلة كانت من الرياض إلى القاهرة 3 ساعات نقدر نتحملها
فا سحبتها نووووومة إلين ماوصلت الطيارة للقاهرة .

أكتشفت قد أيش أنا على نيتي ههههههه لمن دخلنا الطيارة دفني واحد بالغلط ودخلت على منطقة المضيفات فا شفت المضيفة كاشفة شعرها قلت مسكينة مالحقت تلبس الحجاب والناس دخلت الطيارة
شوية وأنا جالس ألا تجي وحدة تانية لابسة لحد الركبة وكاشفة طبعا قعدت أضحك على نفسي هههههه
زي ماقلت لكم نمت بعد كدا لحد ماوصلنا مطار القاهرة

[ القاهرة ]

دخلت مطار القاهرة و أنبهرت صراحة ومو غريبة على مصر بما أنها بلد سياحي

خلصت إجراءات الدخول لمصر عشان بروح للفندق الي وفرته لي الخطوط المصرية عشان الترانزيت ، طبعا وصلت كدا على المغرب فا ما لحقت أهجول في مصر و كمان ما أحب تمشيات الليل فا جلست في الفندق

ودونا فندق Fairmont قريب من المطار على طريق صلاح سالم

الفندق كان متروس خواجات كان معاي من المطار شلة بنات من نيويورك و بريطانيا وفي وحدة لكنتها غريبة

طبعا أنا أنحطيت في موقف محرج جدا لكن الحمدلله عدت على خير المصيبة ماكان معاي عربي أبدا وأبويا كان يكلمني يقولي أكيد معاك عرب سوريين ولا كدا ولا كدا و أنا أقول أيوه أيوه و في نفسي أقول لو تشوف جالس مع مين حترجعني الرياض دغري هههههههه

وحدة أمريكية قروشت أم أمي كل شوي تقول بالعربي شكرا شكرا نزلت قبلها من الباص قالت شكرا أيش تقول لها دي !!
ولا فاتكم وحدة جلست تزعق ومعصبة عشان ما أدوها غرفة لوحدها يا أمي أنتي جاية مع بنتك مدري أختك وماتبغي معاها !! عموما خليتهم كلهم يختلصوا و أنا مارست هوايتي الجديدة التأمل في الساعة و الفرشة و الزخارف الجميلة فيها هههههه

بعد ساعتين في الغرفة الي كانت مطلة على المسبح نزلت أصور شوية في الفندق ماشاء الله من كبره ماقدرت ألفلف عليه كله

أدوني كبون عشاء بس ماكانت نفسي مفتوحة لكن ماكان في شي أسويه قلت ياولد روح تعشى صراحة كان بوفيه مفتوح لذيذ جدا بالرغم من أنو كل الي أكلته جناح دجاج تندوري وشوية رز

جاء موعد الباص الي حيودينا للمطار و أنا من قبله مزعج الأمن عند البوابة أقول له جاء دحين ؟ لا لسى يا باشا !! طيب جاء دحين ؟؟ لسى يا باشا !! طيب جـ .. لسى بأه يا باشااا

انا جيت المطار 11 الليل الرحلة كان موعدها الأساسي 12 أتريهم غيروها لـ 2 وغيروها مرة ثانية لـ 3 وفي النهاية الظاهر أقلعنا 4 و نص تقريباً !

المشكلة أني خلصت الإجراءات بسرعة ورحت للبوابة لقيت أبو ملز منتظريني هناك :p

المكان كان هادئ جدا خرجت كتاب وقعدت أقرأ شوية جو اثنين شيبان خواجات بس وربي مرة أعجبوني جلس الرجال مع حرمته قامت خرجت كتابين لها وله وقعدوا يقروا ! شكلهم كان تحفة ماشاء الله

أنا ماقدرت أتحمل كان في مضاربة بين واحد و وحدة هم من عمال المطار ينظفوا الحمامات أو شي من هالقبيل فا الظاهر ان الحرمة نظفت حمام الرجال وعصب الراجل ومافي الا سب وشتم الله يهديه !

الساعة 1 ماقدرت اتحمل فا جلست ألفلف في ديك المنطقة و طلعت هبالتي في أوج حالاتها بس ماكان في أحد عشان يشوفني ويبوس يده وش وظهر ولله الحمد :p

أخرتها دخلونا صالة ثانية ومازلنا ننتظر ! كنت أبغا أصور بس أنحشرت المنطقة الحلوة كان فيها بنات والمنطقة الثانية الماليزين وصعبة تقعد تصور وعائلاتهم فيه فا كنسلت الفكرة مع أنو الصالة كانت حلوة طبعا مافي مقارنة بين خرابتنا و مطارهم !

المهم رحت ألعب بـألعاب البزورة وهنا ظهرت هبالتي مرة أخرى ولكن كل البشرية شافتني ههههههه كان في عجوز بريطاني قدامي أحسه يقول الله يخلف على أمن جابتك ، بس ما عليه أهم شيء أنبسطت

هذا الجهاز روعة رسومات تلونها + حدائق تنظفها ووو شي ممتع ومفيد للأطفال

المهم رجعت أقرأ لحد ماجت 4 ودخلونا الطيارة

ركبنا الطيارة قالوا 8 ساعات ونكون في مطار كوالالمبور إن شاء الله ، الطيارة كانت شبه فاضية فا مافي إلا قوة تسدبح ونوووووم

[ ماليزيا ]

و وصلنا ماليزيا ولله الحمد ، شكرا لمصر على الرحلة الحلوة في خطوطها الجوية ^_^

المطار كان أروع بكثييير من مطار القاهرة والتنظيم فيه يقتتتل ماشاء الله ، ركبنا الباص الي يوصلنا لصالة الأمتعة و الجوازات .

وصلت عند الجوازات هنا

خلصت إجراءات الجواز وبالمناسبة للي ميتين على ابو يبن شفت يابانيين كثير كذا أفواج أفواج الظاهر دوبهم وصلوا أحسن أحسن أنا شفتهم عالطبيعة كيييي كيييكيي

رحت صالة العفش لقيت عفشي جاني على طول والحمدلله

3 قطع وكان عندي وزن زايد بس حبايبنا المصريين مشوني فيها

رحت بعدين أصرف شوية من الفلوس لعملتهم ” رينقت ” المصيبة أنو 600 ريال = 500 رينقت وقتها سعر العملة طايح

خرجت بعدين استنى ولد بنت عمي سالم قعدت يمكن ساعة زمان إلا وجاء أخذني ورحنا لشقتهم ..

البقية و أول أسبوعين في ماليزيا أكمله في التدوينة الجاية إن شاء الله

للي يحب يتابعني أول بأول على تويتر إن شاء الله

Abdullah Saeed – Twitter

تحياتي

ودعواتكم يوم الأثنين القادم أول كلاس ليا في معهد الإنجليزي

عدنا لكم بدرس بسيط جداً و لولا أنه طلب مني ولا ماطرحته

لأني أعتقد أن في الإنترنت مايكفي من دروس حول هذا الموضوع

النتيجة النهائية من درسنا حتكون كدا إن شاء الله :

نجي للدرس .. البسيط و الممتع

[01] الخطوة الأولى

راح نكتب كلمة معينة خلونا هنا نجرب نكتب ( عبدالله ) مو عشانو أسمي  بس لأنو صعب شوي فا حيكون مثال واضح للدرس إن شاء الله

- نخلي الكلمة بأي لون نحبه .

[02] الخطوة الثانية

ننسخ الكلمة مرة ثانية ونحطها داخل مجلد

- Ctrl + J للنسخ و Ctrl + G حتى ندخله داخل المجلد أو بالطريقة الي تحب أهم شيء نسخه من الطبقة أو الاسم و تحطها داخل مجلد .

الآن راح نبدأ عملية تكوين البعد الثلاثي للكلمة

[03] الخطوة الثالثة – 3D

نحرك الكلمة المنسوخة مرة لتحت ومرة ليمين الصورة المتحركة التالية راح توضح الفكرة إن شاء الله

- في البداية حركنا الطبقة الي نسخناها في المجلد مرة لتحت ▼ ومرة لليسار ◄ الهدف من هذا هو تحديد إتجاه البُعد .

- الخطوة الثانية نسخنا نفس الطبقة / Layer الي حركناها عن طريق Ctrl + J وطبقنا عليها الخطوة الأولى .

- كررنا هذه العملية حتى أصبح مجموع الطبقات 6 التي تكون لنا الـ 3D :

[04] الخطوة الرابعة – التدرج و الألوان

هنا راح يبدأ الجد

- راح ندمج كل الطبقات / Layers الي في المجلد ” 3D ” بحيث يصيروا طبقة واحدة فقط ! ( Ctrl + E )

- بعد الدمج راح نعطي للطبقة الأساسية ” عبدالله ” تدرج خفيف وبسيط :

- بعد كذا نسوي حَد / Stroke ونخليه بتدرج مو لون واحد :

نظرة عن قرب على التدرج :

وهذه النتيجة حتى الآن :

- لاحظوا أماكن الدوائر راح تحسون بلذتها بعد ماننتهي من العمل وهي الهدف من وضع الحد / Stroke .

الآن ننتقل للطبقة الأخرى الي دمجناها مسبقاً ” 3D ” راح نسوي لها تدرج أيضاً :

عشوائي كذلك ، لكن لاحظنا أنه غامق أكثر !!

حتى تستطيع تمييز البُعد عن الأساس إما يكون غامق أكثر أو فاتح أكثر أو حتى بلون مختلف ، لكن بما أن لون الأساس كان فاتح فا البُعد خليناه غامق .

نشوف النتيجة :

[05] الخطوة الخامسة – الظلال

هذه الخطوة هي الي راح تعطيك اللمسة الحقيقية في نفس الوقت هي تعتمد كلياً على الخطوات السابقة

خلونا نشوف مع بعض هذا المقطع الي يشرح كيفية صنع هذه الظلال :

* ممكن تطول في العرض لذلك الي يحب يحملها : من هنا - كلك يمين وحفظ بأسم

- ححدنا طبقة / Layer البُعد ( Ctrl + نضغط على الطبقة نفسها )

-  أضفنا طبقة / Layer  جديدة

- أخترنا فرشاة ناعمة وخلينا درجة شفافيتها 30% تقريبا

- بدأنا نغزوا الزوايا وكل مكان ممكن يكون فيه ظل أو إحساسنا يقول أنو لو كان هذا المكان أغمق راح يصير أجمل !

النتيجة النهائية

ووصلنا للنتيجة النهائية  مع شوية بهارات  :

نفس النتيجة بس بدون ما أحرك لليسار للأسفل فقط :

ملاحظة : بعض الأحيان تحتاج الأبعاد للتعديل أقصد تحتاج لترتيب البُعد وتنسيقة بشكل أفضل

لكن وبما أن الدرس مستواه بسيط أعتقد أن النتيجة مرضية نوعا ما .

على فكرة إعلانات موبايلي تستخدم نفس الأسلوب

جميع الحقوق محفوظة لـ Abdullah Saeed - www.asaeed.ws

[ الرجاء ذكر المصدر عند النقل ]

]]> http://www.asaeed.ws/blog/2010/%d8%aa%d8%a3%d8%ab%d9%8a%d8%b1-%d8%a7%d9%84%d9%80-3d-%d8%b9%d9%84%d9%89-%d8%a7%d9%84%d9%86%d8%b5%d9%88%d8%b5-%d9%88-%d8%a7%d9%84%d8%a3%d8%b4%d9%83%d8%a7%d9%84/feed/ 37 http://www.asaeed.ws/blog/2010/vector-%d8%a3%d9%83%d8%ab%d8%b1-%d9%85%d9%86-50-%d9%85%d9%84%d9%81-%d9%88%d8%b5%d9%88%d8%b1%d8%a9-%d9%84%d9%88%d8%b1%d9%82-%d9%88%d9%83%d8%aa%d8%a8-%d9%81%d9%8a%d9%83%d8%aa%d9%88%d8%b1-2/ http://www.asaeed.ws/blog/2010/vector-%d8%a3%d9%83%d8%ab%d8%b1-%d9%85%d9%86-50-%d9%85%d9%84%d9%81-%d9%88%d8%b5%d9%88%d8%b1%d8%a9-%d9%84%d9%88%d8%b1%d9%82-%d9%88%d9%83%d8%aa%d8%a8-%d9%81%d9%8a%d9%83%d8%aa%d9%88%d8%b1-2/#comments Thu, 21 Jan 2010 16:21:58 +0000 Abdullah Saeed http://www.asaeed.ws/blog/?p=996 السلام عليكم ورحمة الله وبركاته

مجموعة ملفات كنت أبغى أطرحها في المدونة بسوبلكس خلفي مع رفستين وشقلبة << تحمسهههههههه

بصراحة هالمجموعة المنقذ لكل شخص يبحث عن كتب و أوراق فيكتوراوية Vector لا تفوتكم و الصورة التالية ماتعبر عن المحتوى الحقيقي للمجموعة

[ روابط التحميل ياقدعان ]

على سيرفر المدونة على فكرة برعاية U-Tech

50 ملف Vector ورق وكتب – أضغط هنا

Rapidshare

50 ملف Vector ورق وكتب – أضغط هنا

إن شاء الله تعجبكم وتستفيدوا منها

حقوق الرفع محفوظة لـAbdullah Saeed- www.asaeed.ws

[ الرجاء ذكر المصدر عند النقل ]

Enjoy

أي نعم ! عبدالله صار عمره 20 سنة

بصراحة أنا مو من النوع الي يحب يكون كبير ! دائما أحاول أصغر نفسي << بنت على غفلة

لأني أشوف أني ماحققت شيء يذكر ! بغض النظر عن أنكم تشوفون أنو عبدالله سوى وسوى وماشاء الله عليه ، أنا في نفس الوقت أشوف نفسي ما كنت ولا ربع الي ” أرضى ” أن أكونه

لعلمكم أنا شديد الغيرة من أي أحد أفضل مني و أصغر مني ( غيرة مو حسد أو كره )

لأني أشوف العمر مو بعدد السنين .. لا عمري بإنجازاتي !!

عموماً خلونا نتكلم شوية عن السنة الي راحت :

في نفس هذا اليوم من السنة الماضية أفتتحت هذه المدونة و الي تعتبر أكبر حدث صار خلال هالسنة بحجم الإنجازات الي صارت فيها . ( الأفتتاح الحقيقي كان يوم 25 )

ماتتصورون قد أيش أستفدت من هذه المدونة قبل ماتستفيدون منها تطور مستواي في طرح الدروس ، أنا نفسي أستفدت و أنا ابحث و أجهز للدروس

كمان لقيت مساحة حرة للكتابة ماكنت أحلم ألاقيها في المنتديات

( بالرغم من أنهم كانوا يستحملون ثقالة دمي ومقدماتي الطويلة في منتديات فناتق )

وكلام الزوار على الرسائل كان أكثر داعم لي وتشجيع ماكنت أتوقع أني أستحق كل ماكتب

غير أني تشرفت بمعرفة أرواح ثمينة أستمتعت بصحبتها .

شكرا لكم عشت معاكم أحلى سنة

أحد أهم الأشياء الي لو أنعاد الزمن لأخترت أجلس هالسنة بدون دراسة !!

في هذه السنة وبحكم عملي في جدة و أختلاطي بالناس بشكل أكبر  تعرفت على أفكار و طبائع مختلفة

كنت عبيط ، متحجر التفكير ، سلبي ، أحلامي لها سقف محدود .. في خلال هالسنة و الي قبلها تغيرت 360 درجة !

طبعا مازلت عبيط ههههههه

كنت ما أقبل النقاش في بعض الأمور ونقاش معي جدال عقيم لأني على يقين وثقة تامة بموقفي !!

لكن مع كثر النقاش العقيم في العمل بالإضافة إلى أنو كنت أشوف النقاشات مع بعض الزملاء صرت أكره النقاش ذاته !

صحيح من وقت لآخر قد أناقش بأسلوب عقيم أيضاً لكن بمجرد أنتبه أن النقاش مارح يوصلني لطريق أو أني بديت أرغب بالإنتصار لنفسي لا أكثر ، انسحب أو أعتذر ونقفل الموضوع .

خلونا نقول أنو صار تغيير جذري ” لذاتي ” خلال هالسنة بشكل أفضل صرت أراقب أفكاري وتصرفاتي

و أصححها قدر ما أمكن ، إيجابي و على يقين بتحقيق المستحيل بعون الله وتوفيقه .

خلال هالسنة برضو أزداد حبي وعشقي للمجال الي أخترته من 7 سنوات الـ ( Animation )

كنت متردد في السنوات الأخير من تخصصي في هالمجال رغم أني مازلت أحبه أيضا !

مشكلته أنه يحتاج لصبر طويييل بحكم أنه أكثر مجال يستهلك الوقت ، فعشان تسوي مشهد من 3 دقائق ممكن تقعد فيه 3 أشهر وربما أكثر !

لكن الآن مستعد لبذل سنة كاملة على 3 دقائق لأخرج بتحفة فنية ، التفاصيل صارت قمة متعتي ، ومع كثرة مشاهدتي لأفلام الأنيميشين ( ثلاثية الأبعاد ) زاد حبي أكثر و أكثر.

و الحمدلله بدأت أولى الخطوات في تعلمه و سعيد جدا بالنتائج ، ومازلت في بداية البداية والحمدلله

والله محتاج دعواااااااتكم بالتوفيق في هالمجال

أشياء كثيرة أود تحقيقها في السنة القادمة إن شاء الله

- مراجعة حفظي للقرآن .

- إتقان اللغة الإنجليزية .

- إتقان المستوى الثالث في الـ Animation .

- تعلم لغة الإشارة .

- تعلم شفرة مورس .

- التسجيل في الجامعة .

- نوصل لوزن مثالي

وبعض الأمور الشخصية

ممكن تكون القائمة تافهة لكن أني أوصل للمستوى الثالث في الأنيميشين هذه لوحدها حكاية لكن بإذن الله راح أقدر

كنت أفكر أكتب لكم تصور لنفسي بعد 10 سنوات ، لكن ولأني أصبحت متفائل جدا جدا جدا وعلى يقين أن الله قادر على كل شيء قد لا يكون مناسباً ذكر تصوري لأني على يقين أيضا أن الكثير الكثير سيتهمني بالغرور ، ماهمني كلام الناس لكن أعرف أن كثير من الي أحبهم مازالوا يفكرون بهذه الطريقة للأسف

والله مرة مستثقل الـ 20 سنة !! يالله 20 سنة !! .. !

دعواتكم يوفقني الله في الـ 20 الجاية وييسر أمري ويكتب لي الخير ،  في النهاية بطلب منكم طلب بسيط

ياريت أي واحد أستفاد من ” عبدالله سعيد ” شيء يكتبه هنا خصوصا لو أستفاد من سلسلة البن تول الي طرحتها على المدونة

ياريت كمان لو أحد ملاحظ علي شيء هيك ولا هيك يراسلني به

عارف أني ماكتبت شيء جديد لأنو كل الكلام الي ذكرتها قد كتبته سابقا في التدوينات الأخيرة ، لكن حبيت أطل عليكم في هذا اليوم

طامعاً بدعواتكم لي بالتوفيق

في صورة اليوم شفتها في الألبوم فقعت منها ضحك ههههههه :

يختي على الكميلة الصعنونة ههههههههههههه كنت وجبة دسمة لبنات جيراننا و إبداعاتهم

محبكم دوماً و أبداً

الشايب الكهل

عبدالله .. و الأقر على الله

من زمان عنكم والله .. بس شو بدنا نعمول شغل + قاعد استغل كل فتوته في وقتي لدراسة الأنيميشن

طبعا مشاهدة أفلام الأنيميشين ضمن الدراسة
عموماً .. هالموضوع من أول أبغى أنزله بس متعيجز على قولتهم

بتحداكم تحدي بن تولي التحدي بسيط جداً ومافيه جديد عن الي أخذناه في الدروس السابقة

كل هدفنا وببساطة نرسم نفس الأشكال بعدد نقاط أقل ” للمزيد عن هذه الفكرة راجع الدرس السابق “

تذكروا :

- خطوة رسم المستقيمات مهمة جداً راح تسهل عملية الرسم بشكل كبير .

- نستطيع التحكم بكل مقبض أو ذراع لوحده عن طريق  Shift +  Convert Point Tool

- Alt + النقر على النقطة ، يحذف لنا المقبض أو الذراع التالي للنقطة :

- ياريت لو ترجعوا تاخذوا لفة على الدروس السابقة خصوص درس المنحنيات السابق ” |[ رسم المنحنيات ]| “

وهديتكم لو لقيت أحد يتحداني راح أنزل مجموعة دروس متتابعة إن شاء الله زي ماتقولوا ورش عمل لتصميم متكامل بالبن تول بحيث تستفيدوا بشكل أكبر وتتعرفوا على أدق التفاصيل إن شاء الله

وروني شطارتكم

جميع الحقوق محفوظة لـ Abdullah Saeed - www.asaeed.ws

[ الرجاء ذكر المصدر عند النقل ]

يعلم الله كم كم أشتقت إليكم والله ما أقولها مجاملة إنما نابعة من قلب مُحب لخششكم الكريمة

لحظات بس أشغل أنشودة ورد الجوري عشان أخش في الجو

أيوه .. هههههه عارف أني حنجلد بسبب الغياب الطويل عن التدوين وعن المدونة بشكل عام .

كما يعرف الجميع همي الأول والأخير أن أكون ( The first 3D Animetor in the universe ) كتبتها بالإنجليزي لأني لو ترجمتها بالعربي مارح تنفهم و تطلع غبية  !

وهالموضوع مسبب لي أزمة ، في ظل قلة ذات اليد هههههه نشتغل شحاته  ، المهم أن الموضوع بدأ لمن عقدت العزم أحمل ملفات معينة شفتها من زمان راح تساعدني مستقبلاً مع الأنيميشين ، جيت أبغى أحملها لقيتها طارت  !!

تأزمت نفسيتي و أمي قعدت تقلي تستاهل عشان مرة تانية ماتأجل شيء .. كانت كلمات أمي ترن في أذني و أعطتني دافع قوي جدا للقيام بكل شيء كنت أأجله خصوصا في موضوع الأنيميشين

مسكت أبو المواقع الي فيها دروس أنيميشين وحملت أبوها مسكت كل الأفلام القصيرة الي شفتها وحملت أبو جدها كمان وصل حجم ملف الأنيميشين عندي لرقم مخيف أعتذر عن ذكره حتى لا أنصك بعين ماشية 240 كيلو في الثانية مو ساعة كمان

فتحت حبيب قلبي وبلسم جروحي Cinema 4D  وبديت أطبق أحد الدروس بعد يوم كامل من ” العصد ” جيت بسوي Render أو Extract للعمل أكتشفت لخبطة فظيعة يعني صرت لمن أحفظ العمل بصيغة Mov يجيني بطييييء ولمن أحفظه بصيغة Avi  يطلع سريييييييع و ولا واحد منهم زي ما أشوفه على البرنامج  !!

قفلت الأخلاق معاي وصرت متوحش وطلعت لي أنياب في خشمي وقرون في رجلي  وقلت للسينما بكل بجاحة وقلة دسم وبكل ما أملك من كلمات نابية  ( ما أحوبك ) .!!

المشكلة أني ضحيت بكل شيء عشان ما أخون السينما الدروس الي عندي كلها على برنامج Maya لكن قلت أطبقها عالسينما أحسن و أسهل  لكن و لأني أعتقد أني لم أفهم حتى الآن الأنيميشين أو التحريك بشكل كامل .. أو أن الي علمني ماعلمني على كل حاجة ولا أتهم السينما بشيء بتاتا البته فهو مازال عندي البرنامج الي يحترم وقتك وعقلك ويديك أحلى نتيجة من بين برامج الـ 3D  الأخرى  !

المهم قررت بعد القرون الي طلعت في رجلي أضطريت أني أحمل برنامج Maya خصوصا أن اسم مايا داخل مخي بقوة  وفي أحتمال كبير إن شاء الله لو تزوجنا بعد عمر طويل وجات لي بنت اسميها ” مايا ” غصبن عن أمها ومن ورى خشمها كمان  ماعدنا بنات يسمون بناتهم و سوحقن للإنفتاحية والليمبريالية وبنت عمها الخونفشارية و الأرسترقراطية البيزنطية المنفتحة في شتى أرجاء المعمورة !!!

المهم حملت 4 نسخ من البرنامج 3 منهم مازبطوا معاي لأنو الظاهر النسخة كانت لنسخة 32 بت و انا الويندوز عندي 64 بت ، المهم جلست أدور لييين لقيت نسخة سيدي يعني مو ملف Setup بس .. حملتها والحمدلله زبط معاي التركيب .

بعد ماركبت Maya فتحته و واجهتني نافذة رائعة جدا جدا كانت عبارة عن دروس فيديو لأهم الأدوات ، سهلت علي مهمة الحوسة معاها .. المهم حاولت أعبث بالـ Graph Editor حق الـ Maya بس ماعرفت مرة ماعرفت فرق في التعامل كبير بينه وبين الـ Cinema 4D نقدر نقول أن حق الـ  Maya أدواته أكثر وخياراته أشمل لكنه أصعب من السينما ، رجعت أدور دروس عنه ، والحمدلله لقيت كمية دروس رائعة للغاية لحد مافهمت و أستوعبت الـ Graph Editor من طقطق للسلام عليكم والحمدلله .. طبعاً حالياً جالس أتفرج على كم درس يومياً حول برنامج Maya بشكل عام و الأنيميشين فيه .. والحمدلله متفائل جدا ومستمتع جدا جدا خصوصا أن الدروس كلها أجنبية وتحسسك أن في ناس تهتم بكيفية توصيل المعلومة وجودتها !

هذا كان سبب السحبة العنيفة الي سحبتها على المدونة و الماسنجر و الجوال والبشرية كلهم وجالس في صومعتي لطلب العلم

بصراحة الأسبوعين الي فاتوا كانوا من أجمل الأسابيع خلال 3 شهور فائته ! ليش ؟

أولاً : تحسنت علاقتي مع ربي بشكل كبير ولعله السبب الوحيد لإنشراح صدري وشعوري بالسعادة  .. كنت أُحرج من ذكره عند سؤال أي أحد عن سر ” الإنشكاح ” على قولة Spy Girl

ثانياً : بعد جهود مضنية مع نفسي قدرت أضبط نومي بشكل ممتاز جدا فلا سهر في الليل ولا نوم في النهار .

ثالثاً : المعلومات الجديدة الي أتلقاها يومياً من خلال الدروس ، بالإضافة إلى الشعور بالإنجاز فكل هذه الأمور كنت أأجلها لسنة كأقل تقدير !

عوامل كثيرة ساعدت على ” السنترة ” في الصومعة ، أولها أن عمتي وبناتها شرفونا في البيت فا ما صرت أقدر أهجول وعلى قولة أمي صرت البطة السوده ” دليل أني منبوذ ”

طبعا غير أني أفطر الساعة الـسادسة صباحاً و بقية أهلي يفطرون الساعة الرابعة عصراً !

صرت أفطر لوحدي و أتغدا لوحدي و أتعشى لوحدي .. تهي تهي <<  أقول لا يكثر كل يوم كذا

أخبار سريعة :

- طبعا زي ماقلت لكم عمتي الله يحفظها وبنتيها جو لعندنا وعيال ينت عمتي كانوا مسووين جو حلو في البيت خصوصا ولدها الصغير ” نسيت اسمو مع اني ألعب معاه  ” ايوه ولدها الصغير كان ماكل جو البيت مما سبب غيرة سروسي ” فروسي أخويا ” وارتفع معدل ثقالة الدم لأقصى حد وصار دلوع زيادة عن اللزوم لكن لأسف الكل سحب عليه سيفون  وما أحد مديه وجه غير أخوه الي يوازيه في ثقالة الدم بعض الأحيان و المتفهم لشعور كونه ” منبوذ “  بس من جد قهرني قاعد أدلعه دلع مابعده وماكان معطيني وجه ، طبعا دلعي أقول له ( أيش تبغى يا حبيبي ؟ ) يقلي ( حليب ) أقوم أقول لأختي قومي سوي له حليب 

- بعد سنين من النقاشات و الأجتماعات و العروض المغرية لخالي شملان حتى نستولي على حوض سمك خالي محمد وافق أخيرا !  و أبوي ماقصر جاب 3 درازن سمك ! نصهم ماتوا بعد أقل من أسبوع من الزحمة الي صارت في الحوض  .. أبوي الي يعجبني فيه لمن يتحمس يتحمس ماعنده حماس نص كم غير كمان أنه يحب تربية الحيوانات مثلي سبحان الله من شابه ولده فما ظلم .

- الحمدلله الحين وضع حوض السمك و السمك الي فيه مستقر ، ومسوين جو حلو في البيت خصوصا أنو في سمك صغيييير أخويا فراس لمن يشوفهم يقول ( ياكلبي ألا الكلبوزة ) = ( ياقلبي على الكربوزة أو الكلبوزة )  الجدير بالذكر أن ( كربوزة ) أحد ألقاب أختي عهد لمن كانت صغيرة الحين تحول من ” كربوزة ” إلى ” توتة ” من حقها ” كربوزة ” عفش نوعاً ما

- مر العيد زي أي عيد بهدوووء بالنسبة لي ، و مرح بالنسبة لبقية أهلي بحكم أنهم كل يوم طابين الثمامة ومافي إلا شوي لأنو ماشاء الله أبوي خبير شوي معتبر  ، طبعا والسبب الي يمنعني من الهجولة معاهم غير البرد أنهم مايرجعون إلا آخر الليل وبالنظر إلى المعانة الي عانيتها و العذاب الي تعذبته حتى أقدر أضبط نومي أصبحت في موقف لا يسمح لمجرد التفكير بخيانة موعد النوم و السهر .

- الأحداث الأخيرة والكارثة الي صارت في جدة آلمتني جدا جدا لدرجة البكاء على أكثر من 100 نفس و آلاف من المفقودين و المشردين  طبعا كمان من القهر على جحود المسؤولين . و أتخمت Twitter في الأيام الماضية بما يكفي من كلام ونقاش حول رائيي فيما حصل طبعا قريت كمان أكثر من 30 مقال عما حدث وماخلت موقع الا وفصفصته في موقع برد قلبي الكلام الي فيه ، غير الصحافة الي بيضت الوجه بصراحة كانت مقالات أكثر من رائعة ! طبعا كنت حتكلم عما حدث لكن اليوم اصطبحت على الأمر الملكي ويامحلاه من أمر شيء والله يستاهل تتصبح فيه كل يوم ، أسكن غضبي المتأجج ” نوعا ماً ” لأني أثق جداً بحب الملك عبدالله لشعبه من مواطنين ومقيمين  وطيبة ورقة قلبه  لكن ما أثق في الي هم تحته لذلك أتفائل بقوة في قراره لكن ما أجزم أنه الحل الجذري إلا بعد شهر زمان حتى نشوف هل اللجنة فعّلت عملية الإصلاح و المحاكمة ولا لأ ؟!  للي يبغى يطّلع على الأمر الملكي : من هنا

- أشكر جزيل الشكر لكل شخص و شخصه سألوا عني وعن المدونة كل الي راسلوني وكلموني أعلموا والله أني ماكتبت هالأسطر إلا حبا لكم و إكراما لحبكم لهذه المدونة ولكم أنتم راح أبذل المزيد و المزيد  .

في النهاية ما أوعدكم بعودة نشيطة للمدونة لكن بإذن الله راح نطل عليكم كل أسبوع بدرس جديد بإذن الله الواحد الأحد

+ أطلب من كل واحد أستفاد من هذه المدونة بأي شكل من الأشكال بالدعاء لي و التوفيق في حياتي و إن شاء الله تتحقق أحلامي و آمالي بإذنه تعالى .

محبكم دوماً و أبداً

عبدالله .. و الأقر على الله

]]> http://www.asaeed.ws/blog/2009/%d9%83%d9%84%d8%a7%d9%85-%d9%81%d9%8a-%d8%a7%d9%84%d9%87%d9%88%d8%a7-3/feed/ 44 http://www.asaeed.ws/blog/2009/vector-%d9%81%d9%8a%d9%83%d8%aa%d9%88%d8%b1-%d9%88-%d9%81%d8%b1%d8%b4-%d8%a8%d9%8f%d9%82%d8%b9-splatters/ http://www.asaeed.ws/blog/2009/vector-%d9%81%d9%8a%d9%83%d8%aa%d9%88%d8%b1-%d9%88-%d9%81%d8%b1%d8%b4-%d8%a8%d9%8f%d9%82%d8%b9-splatters/#comments Tue, 17 Nov 2009 02:09:16 +0000 Abdullah Saeed http://www.asaeed.ws/blog/?p=951 السلام عليكم ورحمة الله وبركاته

من زماااااان ماكتبت شيء .. أعذروني أشغلت نفسي بأشياء أنا في غنى عنها وجالس أسحب نفسي حبه حبه و أشغل نفسي بأشياء أهم

<<<  وضعه مزري هههههههههههه

عموما اليوم جبتلكم شوية فرش على شوية فيكتورات لبقع وطراطيش ، كنت محتاجها مرة وجلست أبحث و أبحث بالعافية لقيتها ! وفي النهاية ما أستخدمتها

نبدأ بالفرش :

4 مجموعات تقريبا فرش بقع وطراطيش حلوة مرة

[ روابط التحميل ]

asaeed.ws | أضغط هنا

Rapidshare | أضغط هنا

الفيكتور برضو مهمة وبالنسبة لي ما أستعمل غيرها الفرش ماركبتها أصلا

[ روابط التحميل ]

asaeed.ws | أضغط هنا

Rapidshare | أضغط هنا

إن شاء الله تعجبكم وتستفيدوا منها

حقوق الرفع محفوظة لـAbdullah Saeed- www.asaeed.ws

[ الرجاء ذكر المصدر عند النقل ]

Enjoy