Abdullah Saeed

سلسلة الـ Pen Tool صارت أسهل !

دروس مبسطة سهل الفهم دسمة المعلومات بأسلوب جديد مميز

درس الكتابة بالزرع

بسيط ، سهل و ممتع و النتيجة إحترافية !

درس تعديل الصور – إزالة الشوائب و التنعيم

تعّلم كيف تعدل صورك بنفسك ، تنظيف الوجه و تنعيم البشرة وتعديل اللون وبإحتراف !!

اختار درسك .. بنفسك

أفسح المجال لكم هنا بطرح أسئلتكم و أفكاركم و أقتراحاتكم حول الدروس

التكنولوجيا المتحدة - لخدمات الإنترنت

الراعي الرسمي للمدونة و مقدم الأستضافة

48 من التعليقات لـ “20 سنة”

1. مصعب المالكي قال:

   21 يناير 2010 الساعة 4:28 م

   كل عآم وانت بخير ،،

   والله يوفقك ويبارك لك في عمرك ويحقق لك امانيك وطموحاتك ،،

   مدري اعلق على الكلام والا عـ الصور الحلوه :P

   خصوصاً في الأخير بالفوسطان

   هههههههههههههههههههههههه

   يعجبني فيك خفة دمك ،،

   أستفدت منك اعتمد على نفسي وافكر في المستقبل ،،
   للأسف ماتابعت دورة البين تول ،، ولكن من خلال نتائج المتابعين متأكد انها ابدااع ،،

   الله يجعل كل ماقدمته في ميزان حسناتك ،،

   وكل عآم وانت بخير ،،

   || محبك ، مصعب ~
2. AliAlghamdi قال:

   21 يناير 2010 الساعة 4:35 م

   

   هذي كلها على آخر صورتين

   و… كل عام وأنت بخير، وأطال الله عمرك في طاعته

   أخي عبدالله، لربما تعتقد أنك لم تعمل شيء، وطبيعة الإنسان طمّاع.

   ولكن حقًّا فلربما كانت مدونتّك الأكثر فائدة لي في مجال التصميم.

   20 سنة، وهذا ما خرجت به أعتبره إبداع!

   أدعو لك الله بأن يوفقك ويعينك ويرضى عنك ويجزيك خير الجزاء وينجحك في أي مجال أردت وأي مكان جلست
   وأي إنسان طلبت.. بالتوفيق
3. Saravinci ~ قال:

   21 يناير 2010 الساعة 4:47 م

   مرحباً !.

   كُلَّ عام ٍ وأنتَ تُغلق كتابَ سنتكَ بختمٍ النجاح.
   مدونة جميلة .. لم أعرفها إلاّ منذ فترةٍ بسيطة.
   مما يدفعني إلى دُخولها “القالب” أو “الهيدر”
   الجميل -ما شاء الله- لما يعطيني من شعورٍ
   بـ”الأمل” و”الحيــاة”.

   أسألُ اللهَ أن يُبارِكَ في عُمرك .. ويطيلهُ على طاعته.

   (F)
4. samaher_baro قال:

   21 يناير 2010 الساعة 4:48 م

   ( والله محتاج دعواااااااتكم بالتوفيق في هالمجال )

   الله يسهلك ويوفقك وينورلك طريقك وتتحقق كل آمالك وطموحاتك الواقعية والغير واقعية
   وتخش فعين كل واحد وتقوله يحقلي اسير مغرور !!

   كل سنة وإنت أنجــح ..
   كل سنــة وإنت أعقل

   وان شاء الله السنة الجاية زي دا الوقت تبشرنا إنك حققت المستوى الثالث من Animation

   بالمناسبة / صور حلوة منجد .. أنا ماعندي دي الكمية من الصور لنفسي وأنا صغيرة !! بس صورك لزيزة واضح انك كنت مرح ماشاء الله

   عن نفسي ما استفدت منــك .. بس مدري حلحق أستفيد ولا لأ :P
   ~ > بمزح والله! .. انتبهت لإصرارك صراحة ودا شي شدني فيك وفي أكتر من مرة من غير ماتعرف
   اقــرأ تويتاتك .. وأتشجع جــداً !
   طيب يكفي إني استفدت منك التشجيع ؟ لووول

   موفق يا أستاذ عبدالله < ~ بالقوة بخليك كبير :P
5. Ahmad Alharthi قال:

   21 يناير 2010 الساعة 4:52 م

   ههههههههههههههه طحت من عيني عبود

   أحوبك ياللي اصغر مني

   خلينا نشوفك اهم شي يا شيبة، خلاص دحين كلنا صرنا سوا، اعمارنا تبدأ بـ 2 زمان كنت تبدأ بـ 1 :P

   الله يعطيك طولة العمر على طاعتو

   والحمد لله في العشرين سنة عرفت واحد زيي < خخخخخ
6. تونا جاوية بالنكهة اليابانية قال:

   21 يناير 2010 الساعة 5:51 م

   الصورة اللي بالفستاااان مررره كااااي .. ايش دااا ؟؟ مشروع بنت فاشل خخخخخخخ
   Just kidding

   نجي للكلام الجد بدون مجاملات والله :
   ١) بصراحة اول مدونة حبيتها قبل ما اقرأ محتواها هي مدونتك حبيت الثيم والهيدر مرررره
   ٢) بسببك اتحمست اتعلم لغات البرمجة << مدري اذا تفتكر اول مسج ارسلتو لك او لأ خخخخ
   ٣) قدرت تخليني احط البن تول في اللستة تبعتي مع اني ما كنت من هواتها
   ٤) تعجبني الآيقونات وكل الملفات اللي تحطها للتحميل مررره جودتها حلوة << وكل ما استخدم وحده منها ادعي لك يا شيخ وفرت عليا عناء البحث هع

   أسعدني حقا الابحار في مدونتك والتعرف على انسان متفائل لهذه الدرجة ما شالله تبارك الله
   بالتوووووفيق وربي يحقق لك كل احلامك يااااااااااارب

   << كومنت عالسريع : أحلى ما فيك خفة دمك انبسط لما الاقي جوجل ريدر يقولي في تدوينة جديدة عند مدونة عبدالله سعيد وأجهز نفسي وامسك بطني لا تنفقع من كثر الضحك وانا اقرأ كومنتاتك على نفسك اللي ما ادري ايش تبغى ههههههههههههههه
7. Spy Girl قال:

   21 يناير 2010 الساعة 5:55 م

   :”"” <<<< تبكي ..

   يا الله ! 20 سنة ؟؟ P:

   كل عام وانت بألف خير و صحة وسعادة وكل شيء تتمناه :")

   طيب .. وقفة الين أخلص :"")

   أول شيء أكرهني لاني مو أول وحدة تعلق

   شفت التدوينة لمن فتحت مدونتي ..

   خلاص سبايو .. شهيق , زفيـر :""""")

   الصـور كيييييييييييييووووووووت :] ماشاء الله

   ههههههههه آخر كم صورة .. حتى انا فيه ليا صورة ملبسيني ثوب وشماغ XD

   آه انا كمان مررررة أحس بغيرة لمن أشوف أحد أحسن مني ..

   خصوصا لو كان أصغر مني في العمر .. كمان يجيني شوية إحباط ..

   تعرف أختك في الله P: لو ما احبطت من أتفه الأسباب ما ترتاح ^^"

   20 سنـة .. 200 سنة .. 2000 سنة .. و تمضي الأيام .. لقد انني خررفت

   على قولة علي الغامدي .. قول ايش ما استفدنا ^_^

   اتعب وانا اكتب الأشياء اللي استفدتها منكـ والله

   يكفي انك سبب دخولي لعالم المدونات :"")

   ساعدتني لمن كان فيه مشكلة في التعليقات ..

   رحبت بيا لمن سجلت في تويتر ..

   علمتني البن تووول !! سبق و أشدت بمستوايا ..

   لولا الله ثم انت يا أستاذ عبدالله .. كان ما عرفت ارسم دائرة حتى !

   غير الابتسامات اللي رسمتها على شفاهنا ^_^

   والضحكـاآت اللي ياما استغربوا أهالينا منها P:

   شكرا لكـ .. شكرا قد السما والأرض .. شكرا جزيلا :"")

   الله يوفقك و يحقق لك اللي تتمناه ياآرب ..

   عقبـاآل ما نشوف قناة عبدالله سعيد عالتلفزيون و نسنتر قدامها ..

   حتكون القناة الوحيدة .. مفتوحة 24 ساعة ..

   لما فيها من الانميات المفيدة والبرامج المسلية والدروس الممتعة ..

   آآه اتفلسفت كثييير اليوم .. بس لسا ما ابغا أخلص ..

   آسفـة على نشبتي الدائمـة لكـ ..

   Happy Birthday Abdullah~sensei

   たんじょうび　おめでとう　アブムハマヅ先生
8. نعمان سونا قال:

   21 يناير 2010 الساعة 6:36 م

   هابي بيرث دي تو يو
   يكفيني فخراً وبغض النظر عن جميع الامور بأنك أقرب صديق في حياتي
   والذي أعده من قائمة اصدقائي الحقيقيين فعلاً (F)

   ويكفيني بأني تعلمت منك الصبر والتفاؤل والهمة العالية

   ويكفيني فخراً إني راح أطبخ لك بنفسي يوم الربوع الجاي وخلي بعض الناس ينقهروا اللي مايعرفوا يسوا إلا دجاجة على الطريقة الفيتنامية << أمزح ترا

   أحبك حباً جماً ياخي
   نفسي أغازلك

   بس يوم تجي مكة يصير خير
9. wafidesigner قال:

   21 يناير 2010 الساعة 7:06 م

   احممم

   والله شيبت يا عبد الله

   والله لك دور كبير في تقدم مستواي في الفتو
   وصرت اهتم بتعلم فن الرسم الرقمي وباذن الله هدفي
   اني اتعلم صناعة الانميشن بس ظني بكون ابطئ منك
   طبعا هدفي الاساسي اني اصير تكتور (دكتور ) >>>>>بيحكي قصة حياته ذا

   اخيرا الله يوفقك ويحدد مرادك

   اخوك الوافي
10. Abdullah Saeed قال:

    21 يناير 2010 الساعة 7:50 م

    أهلا أهلا مَزّعَب ههههههههه بالسوداني طبعا

    يشرفني مرورك هون وتسلم لي حبيبي
    الدورة الجاية حتعجبك إن شاء الله
11. Abdullah Saeed قال:

    21 يناير 2010 الساعة 7:51 م

    مشكور حبيبي علي وتسلم وتعجبني متابعتك للمدونة مشكوووووور حبيبي
12. Abdullah Saeed قال:

    21 يناير 2010 الساعة 7:54 م

    أهلا وسهلا ساره

    الحمدلله أن الهدف من التصميم أدى واجبه

    شكرا لزيارتك
13. Abdullah Saeed قال:

    21 يناير 2010 الساعة 7:55 م

    هههههههه أهلا سماهر

    لا يارب ما أبغى أعقل هههههه

    و مشكورة على الكلام الحلو و إن شاء الله تستفيدي من هالمدونة يوما ما

    بس ايش هي اهتمامتك ؟
14. Abdullah Saeed قال:

    21 يناير 2010 الساعة 7:57 م

    أهلا حبيبب قلبي حمادة سكر زيادة

    هههههه انتا حتقولي هههه كلكم تين وانا طَعِش خلا كلنا متينين دحين
15. Abdullah Saeed قال:

    21 يناير 2010 الساعة 7:58 م

    أهلا وسهلا تونا هههههههههه ياشيخه بركة ماصرت بنت ولا حشوه الاسم

    ومشكووورة على الكلام الحلو ونزلت التدوينة التانية من الحماس لكلامك الرائع

    تشكرات
16. Abdullah Saeed قال:

    21 يناير 2010 الساعة 8:01 م

    هههههه أهلا وسهلا سبايو انفجعت لمن شفت طول الرد

    الله يسمعك إن شاء الله

    وشوووكرن على كلامك الحلو كوني منتشبة دوماً
17. Abdullah Saeed قال:

    21 يناير 2010 الساعة 8:02 م

    اهلا وسهلا حبيب قلبي نعمينو تسلم والله على كلامك من جد أخجلتني

    والله يديم المحبة يارب ، يمممممم أحم معليش من زود الحماس للأكل
18. Abdullah Saeed قال:

    21 يناير 2010 الساعة 8:03 م

    أهلا حبيبي الوافي ^_^

    خلاص خلينا الشباب لكم

    إن شاء الله تسفتيد من المدونة كمان وكمان
19. حبيب الـ قلوب ـ قال:

    21 يناير 2010 الساعة 8:18 م

    الله الله الله ^__^
    هابي برذ تو دو يو <
    العمر كله أبونا عبدالله < وش رايك تحس انك شايب
    الله يوفقك عبد الله في الانميشن وان شاء الله تدخل المستوى الخامس موب الثالث ^_^
    بس صراحة أنا من يوم تعرفت على مدونتك استفدت اشياء وآآجدة
    أهمها تسهيل أداة البن تول وأيضاً بحكم متابعتي لك في الدروس استفدت أسلوب
    جديد في التصميم مازلت ادعو لك بالتوفيق اخونا عبدالله
    وأيضاً استفدت ملحقات راائعة جداً تضفي شي خوورافي للتصاميم
    اسأل الله أن يوفقك في السنة الجديدة وأن يجعلها أجمل سنة مرت عليك
    ومن تطور إلى تطور
    ياقلبو عليك وانت صغير

    موفق ^__^
20. لمى قال:

    21 يناير 2010 الساعة 9:20 م

    وعليكم السلام ورحمه الله وبركاته

    اولا انا عرفت مدونتك من خلال استديو توت
    كنت اقول ماشاءالله مين اللي مصمملهم التصاميم التوحفه دي
    بجد اهنيك ع ذوقك النادر

    وتانيا
    ان شاءالله تكون مرحله دخولك عقد جديد بحياتك كلها حلوه وتتحقق كل احلامك
    الحمدلله طلعتوا الاولاد تدققوا ع حكاية العمر
    مو بس احنا

    تالتا : حلو انك تحدد اهدافك وطموحاتك بشكل نقاط
    انا اشترك معاك في بعض النقاط البسيطه بحول الله احققها

    واخيرا صورك مارا كيوت

    بالتوفيق
21. عماد اللحياني قال:

    22 يناير 2010 الساعة 12:26 ص

    بسم الله الرحمن الرحيم
    السلام عليكم ورحمة الله وبركاته

    اخي عبدالله في البداية اقولك Happy Birthday
    بصراحة يمكن ماتقابلنا ولامره و يمكن ماسمعت عني ولا سمعت عنك و الشرهه ماهي علينا .. لانه الشرهه على نعمان رمضان المفروض يقربنا من بعض له لنا نفس الاهتمام الي هو الانيميشن .

    أنا من الاشخاص الي دخلت على موقعك بالصدفة و عجبني جداً الموقع و حبك لمساعدة الاخرين و تحبيبهم في مجال الديزاين و يكون لي فخر معرفتك عن قرب .

    كل عام وانت بخير

    بالتوفيق
22. وفاء قال:

    22 يناير 2010 الساعة 1:46 ص

    مرحبا

    يااااااااه عبدالله لو تعرف كلامك وصفك فين ودانى وفين سرحت وكيف انك بكلماتك الحلوه طيرتنى لبعيد

    سرحت لزمن افتقدناه من زمان زمن الناس الطيبه

    عبدالله الله يعطيك طولة العمر ويبلغك بعمرك ويبلغك بكل شئ تتمناه

    عن طريق الصدفه تعرفت على مدونتك انا عامله مدونه وكنت بدور على اشياء لانى مابعرف عن هذا العالم شئ <المدونات
    المهم انا ماعرف للدروس ولا شئ ومدونتى عملتها بس علشان اهرب اليها لانها متنفس لى فقط
    لكن برغم انك اصغر منى لكن جد اعطيتنى امل بالحياة وان فعلا لسه بالدنيا ناس حلوه زيك

    وصورك جنان رجعتنى لاايام زمان لانى لمسة البساطه فيها
    وذكرتنى لما كنت مخليه اولاد اختى حقل تجااارب هههههههههه

    الله يوفقك
23. Abdullah Saeed قال:

    22 يناير 2010 الساعة 5:23 ص

    اهلا حبيب قلبي سروسي هههههههه سروسي = فروسي

    متابعتك للمدونة تشجعني أكثر و أكثر شكرا لك ^_^
24. Abdullah Saeed قال:

    22 يناير 2010 الساعة 5:24 ص

    أهلا وسهلا لمى
    والحمدلله أن تصاميمي أعجبتك ، بس على فكرة أنا طلعت من توت من زمان

    والله ييسر لك أمرك و اتمنى لك التوفيق ^_^
25. Abdullah Saeed قال:

    22 يناير 2010 الساعة 5:30 ص

    اهليييين وسهلييييين عماد حياك الله وبياك

    على فكرة معليش على الجحده بالنسبة لرسالتك ، أنا مشكلتي الرسائل المهمة أأجل الرد عليها حتى أرد و انا مروق والمصيبة أني بالعادة أسحب عليها ههههههههه لأني ما أحروق ههههههه

    والله ما اصرف لكن بجد أعتذر و أشكرك من قلبي على مد يد المساعدة

    ونعمان ما قصر كم مرة كلمني عنك بس المشكلة مالقيت وقت أقدر انقز فيه لمكة خلال الكم شهر الي فاتو

    ممكن أقابلك الأسبوع الجاي متى ماتحب في جدة أو مكة حدد الموعد و أبشر

    على فكرة أنتا درست في VFS فرع الهند ؟
    لأني شفت أعمال الطلاب حلوة ماشاء الله لكن الظاهر أنو أعمال فرعهم في كندا مدري مش متأكد

    تحياتي لك وحراسلك ببريد ماسنجري على بريدك + رقم الجوال إن شاء الله
26. Mr.DH قال:

    22 يناير 2010 الساعة 8:20 ص

    السلام عليكم ~

    حبيت و الله قبل كل شيء أباركـ لكـ العام الماسي من التميز و الإبداعات و الكل على ذلكـ شاهد

    الشيء الثاني : أنا مجبور أعترف بجميلكـ فـ والله إني كنت أهرب من أداة البن تول هروبي من ذاك اللي هناكـ

    وكانت تمثل لي الجانب الأسود في الفوتوشوب خلال 5 سنوات مضت ~

    و الحمد لله أنا الآن أحترفها بل أبحث عن كل شيء يقربني منها ~

    الشيء الأخير : أبشركـ إن عندي باك أب للمدونه << يا خطير , لا أمزح بس أبغى أقلكـ إن ما فيه شيء بالمدونه إلا وحملته بـ جهازي ~

    عندي طلب بالأخير , قل تم

    وهو إنكـ تفتح درس تحط فيه روابط مواقع – مدونات تهتم بالتصميم و الإنمتشن مثل مدونة مصري أنظر ماذا فعل

    http://www.egydes.com/blog/category/%D8%B1%D9%88%D8%A7%D8%A8%D8%B7

    و تقبل مروري , أتمنى أكون خفيف الظل :)

    محبكــ Mr.DH
27. ظفار قال:

    22 يناير 2010 الساعة 10:51 ص

    ياااامفتري ..عشرين سنة وزعلان؟؟ ..طيب اللي كمل الثلاثين وش يسوي؟؟

    مررررررررررررحبا.. عبادي..
    بصراحة انت تضحكني.. غصب عني..

    ذكرتني بزميلتي بالعمل.. لما كملت العشرين.. قالت (الحمدلله.. طفشنا من “الطعش طعش”) ..تقصد العمر ستطعش..سبعطعش ههههههه

    اماا عن نفسي لما كملت العشرين .. عملت طقووووووس خاصة ههههههه<< هذا كله من الفرحة اني كملت العشرين..<< بس ماراح اقول وش هي الطقوس كخ كخ.. بس اكيد موو تحضير ارواح

    .. عموما..
    اعجبتني جدا مقولة ان العمر..بالعمل والانجاز وليس بالسنين والارقام..
    وهذا مبدأي دائمااااا..

    لكن وللأسف من كملت العشرين .. والانجازات بدت تقل وتتراجع..لظروف خارجة عن الارادة..بالاحرى ظروف تقاليد مجتمعات لا أكثر..
    ماراح نطول بالكلام.. ونخليك تتشائم.. وانت ماشاء الله عليك.. طاقة ضخمة من التفاؤل
    طاقة نستمد منهاا.. البسمة والقدرة على العمل بتفاؤل
28. ظفار قال:

    22 يناير 2010 الساعة 11:04 ص

    رررررجعناااا.. بس كنت اجرب هل التعليق بيوصل او لا..
    لأن قبل فترة كل ماكتب تعليق.. يخربط الجهاز عندي.. ومادري شووو يصير..
    المهم مايوصلكم

    حبيـــــــــــــــت اذكر استفادتي منك ومن هالمدونة.. بصدق وبكل صراحة
    - كونك اصغر منا سناً.. واكثر عملا.. فهذا شي يدعمنا لعمل المزيد..وبالمجالات المناسبة.. كي نكون من المبدعين السباقين

    - عملك لأجل الغير.. وحبك لإفادتهم.. ايضا يعلمنا كيف نكون ممن يؤثرون بمن حولهم!!

    من المدونة..
    بصدق انااا من النوع اللي ماحب ادخل ابدا مدونات.. بس مدونتك بالنسبة لي غير..
    تقريبا مشيت معها ستيب باي ستيب..
    وللعلم دروس البن تول.. احاول دايم اطبقها.. احيان تضبط وفي الغالب اعصب وماأكمل هههههه..
    بس انا ماتعلمت هالاداة ابدددددددا غير من هالمدونة..
    بالأول كنت استغرب وجودها بالبرنامج.. وكنت احاول فيها محاولات يائسة
    بس من حطيت الدورة وانا متابعة حبة حبة..

    غير الصور وتوابعها .. اللي نحملها من هووووون..

    تشكر ثم تشكر ثم تشكر.. ع كل شي اخي الكريم..

    وعسى ربي.. يجعل دربك خضر.. ورايتك بيضاء..
    ويرضى عنك..ويرضي والديك عليك..

    سلامي واحترامي لك..
29. axtroom قال:

    22 يناير 2010 الساعة 4:10 م

    خخخ مع اني من اكثر المتابعين للمدونه لكن للاسف ماكنت اكتب اي تعليق
    عموما مبروك عليك الــ 20 سنه << فاهم الهرجه غلط
    صراحه لما ادخل المدونه شوي وابكي على نفسي للاسف انا عكسك بكل شي
    سلبي لدرجه ماتتوقعها مع اني كنت جدا ايجابي وكانت لي احلام وشغلات كثيره لكن فجئه اختفى كل هذا البريق … وممكن اكبر سبب للاحباط الي عايش فيه هو نزول نسبتي في الثانويه عن 90
    كل ماادخل المدونه تنفتح نفسي لاني قاعد اقرا كتابات واحد مرح ايجابي شخص واثق من نفسه شخص اجتماعي شخص يحب يفيد الناس كاني اتفرج على نفسي قبل اكثر من سنه !!
    عموما لاتحسبني حاسدك لا ولله بالعكس والله اتمنالك كل خير …
    وخلاص وخلاص نحنى ماقيلنا كم شهر ونصك 20
    ويالله لايحرمنا منك و من اباداعاتك في المدونه ..
30. نبع الوفاء قال:

    23 يناير 2010 الساعة 12:12 م

    هههههههههههههههههههههـ

    والله وصرت 20 يا خوي والله انا بنفس عمرركـ بس ما اشعر ان العشرين كبيرر
    من شفتك كلامك صرت اقرأ الفاتحـة عبالي عجوز ومخرف

    بس يا عبوود يعجبني فيكـ التوآآضع والعطـآ الامحدود عسى ربي يوفقك وتكون دآآيم بالف خير يا بعدي

    وعقبال ما تتاح لي فرصة للقاء بك عن قرب يا رب
31. Aboore قال:

    23 يناير 2010 الساعة 3:09 م

    مممممممممم بصراحه مني عارفه ايش اكتب او من وين ابدء
    <<<<<< ترااك قا هرني بالمره
    اولا كل سنه وانت طيب الله يجعلها سنه خير عليك تحقق فيها كل اللي تتمناه
    بصراحه وباصرح من الصراحه انا ما عرفت المدونه الا من كم شهر
    وكااانت جداا رااااائعه من اول يوم اتصفحتها واتعلقت فيها
    وكنت اشوفك ما شاء الله عليك دائما متفائل وعندك عزيمه واصرار
    بصراحه توقعتك اكبر من كدا ما توقعت انك دوبك دخلت العشرين <<< عرفت ليه قاهرني
    ماشاء الله مع صغر سنك الا انك ما شاء الله تبارك الله قدرت تثبت وجودك من خلال تدويناتك وكلاامك الرااائع اللي انسى وين انا لمن اقراه تعيشنا الموقف كاننا معاك ونمووت عليك من الضحك
    في نفس الوقت اللي يكون فيه شباب صغار بنفس سنك لكن للاسف ما عندهم اي هدف كل همهم اللعب والخروج الفسح ووووو اللزي منه ..

    احب فيك تفاءلك بالخير واجتهادك للي تبغى توصله
    استفدت من دروسك الكثير ومن الصور اللي تحطها
    <<<< تراني فاشله في التعبير جبت الشرق على الغرب لا تضحك ومشي حالك
    اهم شي الله يوفقك ويفتح عليك وتحقق كل اللي تتمناه
    اختك الكبيره <<هههههه
    عبير
    تحياتي استاذ
32. top . قال:

    30 يناير 2010 الساعة 1:59 ص

    جزاكم الله خير
    عن نفسي استفدت الكثير منكم في مجال الفوتوشوب , ومازلنا نستفيد
    كلما فتحنا هذه المدونة الطيبة :) ..

    كنتم من الأشخاص الي كلما توهقت في الفوتوشوب الجئ لمساعدتهم
    والجميل انكم ماعمركم قصرتوا في المساعدة والإرشاد وتقديم الحلول ..

    كرمكم واضح في المساعدة ،ونادر مانشوف مصممين يعطون أسرار مهنتهم بهذا السخاء

    وفقكم الله لكل خير ورزقكم الخير في الدنيا والآخره

    top of the top
33. سارا ~ قال:

    30 يناير 2010 الساعة 7:45 م

    : )

    للأسف متأخره لـ ظروف الإختبارات :/

    <~ دعواتكمـ =)

    :

    امممـ بسوي اقتباسات ^^

    [ - تعلم شفرة مورس . ]

    نبغى نتعلمـ كمان

    <~ ننتظر سلسلة دروس تعلمـ شفرة مورس =p ؟

    :

    [ ياريت أي واحد أستفاد من ” عبدالله سعيد ” شيء يكتبه هنا خصوصا لو أستفاد من سلسلة البن تول الي طرحتها على المدونة ]

    امممـ تطبيقي في مدونة التحدي ، ينفع كـ دليـل ؟

    لأني ما قد استعلمتها إلا من هـ الدروس ^^

    :

    الله لا يحرمك أجر كل حرف كتبته ..

    و يحقق لك اللي تتمنى ..

    بـ انتظار جديدك دوما أخي =)
34. سايونارا قال:

    31 يناير 2010 الساعة 4:21 ص

    السلام عليكم اخويا عبد الله …

    ان شاء الله بصحه وسلاامه ..

    واللهي يا خيو انا مش عارفه شو اكتب لك .. لكن عن جد بالرغم من انو انا في نفس عمرك

    الا انو انت ماشاء الله اعتبرك قدوه ليا .. خصوصا ماشاء الله في حماااااسك .. كل ما احس بفتور او احباط

    اجي اقرا مواضيعك واعيدها مرات ومراااااات واخرج من المدونه بروح عاليه

    عارف ليه ..؟!

    علشان انت كنت حامل طموح وقيم من صغرك وماشي وتبا تحققها

    عشان اعرف انو في ناس بعمري ولهم طمووح وشي كبير وانجازات واعمال .. شي يفرح صرااحتن

    يحمسني ويديني بوووش لقدام .. اااه يا اخويا شجعني اشجعك

    ما تعرف كيف محتاجه دا الشي برضو

    وكل الكلام اللي قلتو في المدونه دي خصوصا عن الـ 20 دي نفس الحاله هههه

    مو مبسوطه منها كثير في حالة فجعه من العشرين دي

    ممم

    خيو واللهي قد ما كتبت ما اقدر اجمل ..

    بخصوص الدروس في البين تول ( لاني بديت اتابع المدونه معاها ) جزاك الله خير كل ما بغيت اسوي شي بالبن تول كنت اراجع دروسك

    وعنجد شوووكرااان ( دعوااتي لك بضهر الغيب يا خيو )

    جزاك الله كويس

    ^^

    اختك سايونارا
35. نوفه قال:

    4 فبراير 2010 الساعة 11:25 م

    ههههههه صورة البنت تحفه اقول يا حليل هالبنت

    ما دريت انه انت

    الله يخليك لأهلك عني تعلمت منك وضع صورة افاتار

    تبين بكل المدونات بجد جميل ما انساه طول حياتي

    شكرًا جزيلًا لك

    كل عام و انت بخير اخوي
36. روان قال:

    6 فبراير 2010 الساعة 4:17 م

    ماشا ءالله كل سنة وانت طيب وكل عام وامنياتكم تتحقق
    صورة البنت تتكلم ماتحتاج تعليق :p
    طبعا الي استفدتوا كتيييير يعني باختصار ثلاث ارباع الي تعلمتو ف التصميم كان عن طريقكم
    بالذات دورة ABC كانت زي المنقذ بالنسبة للكثيرين
    يعني لو عدتوها وكملتوها اتوقع الاستفادة منها راح تفوق البن تول بمراحل
    لانك في البنتول تكلم فئة معينة
    لكن ABC حتوصل للاغلبية وحتكون اول الدرج بالنسبة لهم ورح تشاركهم اجر كل شي يقدموه للناس
    اما لاستفادتي من البن تول ف البداية استفدت طبعا لان ماكنت استعملت الاداة قبل كدا
    بس للاسف ماقدرت اتابع واكمل لكن النية موجودة باذن الله
    ثاني شي اتعلمتو منكم التصوير :p يعن البداية كانت من خلالكم خاصة وقت شرا الكامرا
    ثالث شي اتعلمتو :p الروح التواقة وان الواحد كل مايحس انه وصل للي يبغاه يكون بالعكس بداية المرحلة الي بعدها و الى مالا نهاية

    وبس
37. Abdullah Saeed قال:

    8 فبراير 2010 الساعة 2:42 م

    شكرا لكم جميعا والله أخجلتوني بكلامكم

    تهي تهي
38. Abdullah Saeed قال:

    8 فبراير 2010 الساعة 2:44 م

    اهلين بالغايبين

    والله بالنسبة لـ ABC كانت تجربة حلوة وبعيدها لكن محتاج اروق شوية واعرف راسي من رجلي

    ودورة البن تول ماهي الا تجربة وجس نبض عشان إعادة ABC والحمدلله كانت تجربة ناجحة بالنسبة لي
39. Lady memo قال:

    10 فبراير 2010 الساعة 10:52 م

    كل سنة وإنت طيب أخويا عبدالله وعقبال المية سنة ^_^

    ماشاء الله طالع حليوة بالصورة وانت صغنون .. يا ترى كيف طالع شكلك دحينا وخصوصاً إنك صرت 20 سنة دحينا؟xD

    الصورة الأولى فكرتني بجزء من طفولتي .. اللي هيا المخدة اللي فوق راسك , كان عندي زيها ومرا كنت أحبها

    المهم .. كل سنة وإنت طيب مرا تانية ^________________________________________^
40. YusseF_MH قال:

    15 فبراير 2010 الساعة 1:28 ص

    كل سنة وأنت طبب حبيبي عبد الله ، وربي يوفقك ويخليك :
    The First animator in the universe
    وسلاماتي ^_^
41. .,BisHoO } قال:

    19 فبراير 2010 الساعة 10:34 م

    ”

    هههههههههههههههههههه

    وآآآآآآااو

    عبآدي من فين جبت الصور هآدي يآ دووبي وربي تمووت ضحك سآرق الألبوم شكلك

    و آآخر شي توقعتو إنك تحط صورتك بالفسستآان هههههههه فضضضيحآ وربي :d

    كل سنآا و إنتآ طيب يآ احلى أخو في الدونيآا

    أعتذر لأني من فترآ طوييلآا مآ اخش المدونآ حقك بس إنت شآيف الأجوآء هآديك الفترآ كيف كآنت <~ سحقاً

    ع العموم , طول عمرك حتكون عظيم بإزن الله و مآحد قدك
    و انآا متأكدآ إنك حتسوي كل اللي تحلم بيه

    و يآرب أتعلم منك أكتر و أصير زيك في يوم من الأيآم

    و إزآ انت كملت 20 سنآ دحين و مع هآدآ كلو حآسس إنك مآ سويت شي
    أنآ بقيلي شهرين و أكمل 19 سنه و مآ سويت [ و ل آ | ش ي ء ] يُذكر !

    بس حآسآ بيك والله .
    لأني زي مآ تشوف إلين دحين كل الأبوآب مقفوله فوجهي و تقولي أنقلعي مو وقتك

    حبيبي عبآدي ,
    أنآ أحسسدني عليك | و متأكدآ إنو كل اللي هنآا يتمنوا يكون عندهم أخو زيك و يكونوا مكآني ^^

    بالرغم من إنك مشغول دآيماً بس برضو أحوبك

    و عقبآل مية سنآ لقدآم

    و يللآا روح جيب لي مآك فلوري بلييييييييييز

    <~ أوختك ^^
42. alwafa23 قال:

    21 فبراير 2010 الساعة 6:30 م

    ما شاء الله عليك .. بصراحه بحكم قرآءتي لتويتراتك و تدوينك هنا فيك شي عاجبني و انا احاول اغير من شخصيتي
    احسك تحاول بقدر الامكان تستغل كل دقيقه و ثانيه في حياتك بشي مهم و يفيدك و يفيد غيرك

    حظ اهلك فيك يا ولد 20 سنه

    الله يطول عمرك على طاعته و يحقق لك كل امانيك ..

    تحياتي لك .. alwafa23
43. ‎Firas Al Johani‎ قال:

    11 مارس 2010 الساعة 3:52 ص

    يالله يالله وش ها الزين
    ايش الجمال هذا يحليلك لمن كنت صغير و الله

    اجل تقول ما حققت شي وهذا وش تسميه ياخي
    لا يعتبر حققت ربع ما تطمح اليه او نصف << مين يزيد
    << قاعد يعزااام الاخ .

    اجال صار عمرك عشرين اخ بس يازمان الشياب XD
    ما عليك انت شيب من سن 15 خخخخــ

    انا والحمد لله مازلة في سن الشباب المتاخر
    << كيف تجي ذي .. تبي تعرف كمل قريه .

    انا الحين عمري مثلاً 20 مثلاً يعني يصير 40
    كذا غصب يسير 40 ولا ما تجي الــ الشباب المتاخر
    << اطلع برااا ,,

    والله بصرحه قعدة اضحك وفطست ضحك على
    ال3 صور الى تحت شووو هاض XD
    (شوو هاض اي : وش هاذا XD )

    بس والله انا الى ما حققت شي لحد الان انا
    في عمر الــ17 << توه ورع XD

    << بس فاهم كل شي في الحياه
    << ما قلتلك شايب XD

    والله يوفقك اخوي العزيز عبدالله على 20 سنه
    الجيه و يرحمك الله اذا متى .
    ويااارب تحقق شي في حياتك وتكمل الى تطمح له

    محدثك :فراس الجهني
44. بوعمار قال:

    25 مارس 2010 الساعة 1:33 م

    عالبركة يالغالي الـ20 :)

    الله يبارك بعمرك القادم وتكون سنينك انجازات في انجازات :)
45. بوعمار قال:

    25 مارس 2010 الساعة 1:33 م

    اما الصور .. تووووووحفه :)
46. سالم قال:

    26 مارس 2010 الساعة 8:10 ص

    عؤباااال 120 يا حلو

    الله يوفقك ويبارك لك بجهدك !
    من الناس الذين أدعو لهم بظهر الغيب انت يا بومحمد ..

    سالم عيد
47. الرنة قال:

    16 سبتمبر 2010 الساعة 7:33 م

    بسم الله الرحمن الرحيم

    ما شاء .. ربي يبارك لك فعمرك ويزيدك من فضله وتحقق كل أمانيك

    بصراحه انا متابعه بين الفتره والثانيه لمدونتك واستفيد منها الكثير والكثير سواء من الدروس او الملحقات

    واحيانا من الهرج بعد

    يعني الواحد يستفيد من خبرات الاخرين

    عندي مجموعه من الاسئله ان شاء الله راح اكتبها في وقت لاحق ^_^

    بالتوفيق اخي ..

    :)
48. بكرى احلى قال:

    18 يناير 2011 الساعة 7:43 م

    يارب العمر كله
    والله يوفقك وتستاهل كل خير
    على فكره انا زرت مدونتك خصيصا عشان دروس البنتول كثير عالم نصحوني فيه
    فتفاجائت كثير في روعه ما تقدم
    بالتوفيق
    تقبل مروري
    دعواتي الصادقه لك..

إكتب تعليقك

اضغط هنا لإلغاء الرد.

إذا حبيت تظهر صورة بجانب اسمك ، شوف هذا الدرس

الإسم (مطلوب)

البريد الإلكتروني (لن يتم نشره) (مطلوب)

رابط موقعك (غير مطلوب)