[ ترقبوا ]

السلام عليكم ورحمة الله وبركاته

تم الأفتتاح ولله الحمد

أضبطوا مواعيدكم من دحين المفاجأة ماتتفوت ، مو تدوينة ولا ملف ولا درس شيء أكبر بكثيير بكثييير

[ سأتوقف عن التدوين حتى يحين موعدنا أستعدادا للمفاجأة الكبرى ]

[ متابعكم من خلال التعليقات و صندوق المحادثة ]

صور خلفيات وتصاميم بدقة عالية

السلام عليكم ورحمة الله وبركاته

لي فوق 10 ساعات أحوس في درس البن تول الجديد والحمدلله وصلت لنتائج حلوة .. عموما قلت أغير جو شوية فا حبيت أرفع لكم مجموعة خلفيات روعة راح تفيدكم في تصاميمكم بقوة بإذن الله 

طبعا الخلفيات بدقة عاااااااااالية ولله الحمد ومتنوعة بأشكالها و ألوانها

و أحمدوا ربكم كنت أفكر أنزل صور حلويات شي جونااااااااااااان بس قلت ياولد خلاص لم الدور وروق

– أضغط على الصورة لمعاينة صور مصغرة من الخلفيات –

Continue reading “صور خلفيات وتصاميم بدقة عالية”

صور ماء بدقة عالية | بمناسبة رمضان و العطش

السلام عليكم ورحمة الله وبركاته

ياجماعة أنا نفسي أعرف .. أيش سويت أنا

أحد يتسحر شكشوكة ؟؟!

طيب أحد يتسحر أندومي ؟!!

أندووووومي  .. حتجي الأخت ري ري تقول كل الناس يتسحروا أندومي

المصيبة أيش ؟ أنو المكيف مضروب والجو في جدة هادي اليومين يهبل مرة حلو ولا سويسرا ياشيخ  !!

كمان غير أني شغال تحميل وتنزيل مع خالي حبيبي فا الوضع من جد مزري ..

المهم الحمدلله على العافية غيرنا مايلاقي جغمة موية ..

على طاري الموية حبيت أتمنذل عليكم شوية خصوصا رمضان جاي على الحر هذه السنة 

والعطش عامل عمايله  .. فان حطيت هادي الصور آملاً أنكم تشوفوها وأنتم صايمين !!

ليش كدا يا عبدالله ؟؟ بس مجرد نذالة لا أكثر

التحميل حيهلك الموقع لكن عشان خاطر عيونكم روابط مباااااااشرة

Continue reading “صور ماء بدقة عالية | بمناسبة رمضان و العطش”

بالحب تلقاك البدور ضيف الأماني و السرور | رمضان مبارك

السلام عليكم ورحمة الله وبركاته

بالحب تلقاك البدور      ضيف الأماني و السرور

فيك العطايا و الأجور     يامرحبا زين الشهور

جوغكي جوغمون دمونفد دوسيسيلايا  ههههههههههه

رمضان يا رمضان شو بحبك يا رمزان

Continue reading “بالحب تلقاك البدور ضيف الأماني و السرور | رمضان مبارك”

صور أوراق قديمة – بدقة عالية

السلام عليكم ورحمة الله وبركاته

أستكمالاً لتكسير مجاديف المنتديات العربية وكل موقع عربي يدعي أنه يخدم التصميم و الروابط لازم تسجيل ” بقرنة “

مجموعة من أوراق قديمة بدقة عااااااااالية وحده من الصور لوحدها فوق 30 ميقا

قسمتها لكم لأجزاء بحيث يسهل التحميل مش لازم تحملوها كلها حمل الي يعجبك فقط .

Continue reading “صور أوراق قديمة – بدقة عالية”

خواطر محموم

السلام عليكم ورحمة الله وبركاته

ماكانت أبغى  أكتب مقالين ورى بعض لكن الظروف أجبرتني ..

قبل أيام رجعت من مشوار لقيت أخوي محمد على السرير شبه ميت ، حرارته كانت عالية !! أخذته للمستوصف و أعطاه الدكتور ذيك الإبرة بس أكثر ماعجبني فيه رغم صغر سنه قوة تحمله وصبره ولا قال ” أي ” حتى ماشاء الله عليه ..

عموما كان أول ضحية في البيت ألتهاب في الحلق .. وبدأ مشوار المرض واحد ورى الثاني .. المهم ذاك اليوم أرسلت ولد بنت عمي يجيب لي عصير ، يقول لي المحل دا فنان ومدري أيش قلت خذ 20 ريال ولا ترجعها جيب لنا أفضل شي – كنا ثلاثة –

راح وجاب داك العصير شكله مشهي .. أخذت لي رشفة .. آآآآخ حلقي بدأ .. العصير متلج ، وقتها فكرت أمممم إذا شربت حلقي راح يلتهب و أسخن و أروح في خرايطها و في نفس الوقت العصير مرة جنان  !! قلت ياولد خرب أمها و أشررررررب وتحولت الرشفة إلى جغمات

الجغمة : صوت البلعوم عند شرب الماء بسرعة

Continue reading “خواطر محموم”

أختبر محبتك لحبيبك ؟!

السلام عليكم ورحمة الله وبركاته

يااسلااام .. قبل الفجرية الجو قمة الرومنسية

عموما ياسادة اليوم حنسوي أختبار حقيقي لمدى محبتك لحبيبك  ، الي يبغى يخش الأختبار يرفع يدو من جد ترى أتكلم  … أمممممم كويس كويس أنتا يا طويل نزل يدك ماني شايف الي وراك .. أيوه ممتاز

تخيل حبيبك أو حبيبتك قدامك دحين .. أمك ، أبوك ، جدك ، جدتك ، خطيبك ، خطيبتك ، زوجتك ، ولا زوجك ، كيني ميني حاجة كدا ولا كدا هههههه المهم شخص تحبه من أعماغ أعماغ غلبك وماتقدر تسيبه أو تنساه للحظة .. تخيلتوه ؟؟ شايفونو ؟!

Continue reading “أختبر محبتك لحبيبك ؟!”

أحترف الـ Pen Tool

السلام عليكم ورحمة الله وبركاته
قبل أمس كنت أفتش في هارديسك قديم ليا أدور على تصميم معين .. و أنا أتجول في الملفات ، دخلت لملف دروسي إلا والاقي المفاجعة قدامي  !!
درس البن تول القديم !! شو هيداااااا  المهم دغري وبدون نقاش رفعته على الموقع وقلت بنزله في المدونة بحيث يكون درس بسيط مختصر بدون تفاصيل مثل سلسلتنا .. أتركم دحين مع الدرس ، سويت الدرس دا تقريبا في بداية 2007 لذلك الأسلوب من حسن حظكم أكثر ركادة و أقرب للفصحى  .
بسبب كثرة الطلبات جدا لشرح اداة البن تول حبيت أقدم شي بسيط عن هذه الاداة هالشرح راح ساعدكم بإذن الله في احتراف هذه الأداة وإن وجدت تفاعل كبير وتطبيق للدرس سأقدم دورة مبسطة في فنيات هذه الأداة وبإذن الله سيخرج المتدربين محترفين في الباث بإذن الواحد الأحد ..

بسم الله الرحمن الرحيم نبدأ الدرس  ..