Abdullah Saeed

السلام عليكم ورحمة الله وبركاته 

كيييييييففففففففففككككككم شووووو أخبااااااااارركم .؟!!

أول حاقة ترى غيابي الفترة الي راحت بسبب شيئ ما و أعتقد انه أسوء شيء في شخصيتي  !

أنو لمن أبدأ بشيء ويطول أهمله و الـ سييييييييفوووووون و انتم بكرامه ههههههه  فا دورة البن تول طولت و فجأة طلع لي موضوع مدري من وين وجاني من أكثر الوشسمه الأشياء الي أحبها .. أني أرى علامات أستفهام قد أينعت و شعشعت وحان قطافها

تفاصيل أكثر ..

السلام عليكم ورحمة الله وبركاته 

والله أشتقت لكم ياجماعة و أخاف أن الفترة الجاية بيقل تواجدي ، لأن اللحظة الحاسمة قد أقتربت << يجي مني أكتب رواية

عموماً ربنا يسهل الأحد و الثلاثاء عندنا أنيميشين و بقية الأسبوع معهد إن شاء الله ، وراح تجي دورة السينما ماني عارف وين أحشرها  

طيب خلونا نخش في موزوعنا  ولا قبل مانخش خلوني أقول لكم حاجة  ، أنا من الناس الي تفكر ! ..  .. أحححم لا قصدي يعني أهرج مع نفسي كثير ! ..  .. يووووووووه لا تحسبوني مجنون لا يعني مثلاً .. المسافة بين البيت و المكتب قرابة 20 دقيقة فا الناس بالعادة بالسيارات تشغل الراديو ولا المسجل ولا يكون واحد جمبك يهرج معاك !! أنا إذا في مسجل على آخر شي أسمع الي في الشارع الثاني  ، لكن العادة أني أجلس بصمت أفكر و أهرج مع نفسي كل يوم موضوع ! و الأخس لمن أجي أنام !!! أحط راسي الساعة 11 أنام 1 ولا 2  مو أرق لكن كذا تفكير ! مواضيع سياسية ، أجتماعية ، هموم ، آمال ، وكل ماهو آت  و أوووف لمن أكون زعلان أمشي و أفكر ومن قوة التفكير أنسى شي أسمو تعب فا أمشي مسافات طويلة ، بعد ماتهدئ نفسي ألاقي نفسي خسيت 156498746354 كيلو   .. المهم هذه المقدمة الطويلة العريضة لغرض ما  أنو لو الكلام الي كتبته تحت قد كتبته قبل فا أعذروني لأني أفكر فيه دائماً  

تفاصيل أكثر ..