السلام عليكم ورحمة الله وبركاته
يعلم الله كم كم أشتقت إليكم والله ما أقولها مجاملة إنما نابعة من قلب مُحب لخششكم الكريمة 
لحظات بس أشغل أنشودة ورد الجوري عشان أخش في الجو
أيوه .. هههههه عارف أني حنجلد بسبب الغياب الطويل عن التدوين وعن المدونة بشكل عام .
كما يعرف الجميع همي الأول والأخير أن أكون ( The first 3D Animetor in the universe ) كتبتها بالإنجليزي لأني لو ترجمتها بالعربي مارح تنفهم و تطلع غبية 
!
وهالموضوع مسبب لي أزمة ، في ظل قلة ذات اليد هههههه نشتغل شحاته 
، المهم أن الموضوع بدأ لمن عقدت العزم أحمل ملفات معينة شفتها من زمان راح تساعدني مستقبلاً مع الأنيميشين ، جيت أبغى أحملها لقيتها طارت 
!!
تأزمت نفسيتي و أمي قعدت تقلي تستاهل عشان مرة تانية ماتأجل شيء 
.. كانت كلمات أمي ترن في أذني و أعطتني دافع قوي جدا للقيام بكل شيء كنت أأجله خصوصا في موضوع الأنيميشين 
مسكت أبو المواقع الي فيها دروس أنيميشين وحملت أبوها مسكت كل الأفلام القصيرة الي شفتها وحملت أبو جدها كمان وصل حجم ملف الأنيميشين عندي لرقم مخيف أعتذر عن ذكره حتى لا أنصك بعين ماشية 240 كيلو في الثانية مو ساعة كمان 
فتحت حبيب قلبي وبلسم جروحي Cinema 4D وبديت أطبق أحد الدروس بعد يوم كامل من ” العصد ” جيت بسوي Render أو Extract للعمل أكتشفت لخبطة فظيعة يعني صرت لمن أحفظ العمل بصيغة Mov يجيني بطييييء ولمن أحفظه بصيغة Avi يطلع سريييييييع و ولا واحد منهم زي ما أشوفه على البرنامج 
!!
قفلت الأخلاق معاي وصرت متوحش وطلعت لي أنياب في خشمي وقرون في رجلي 
وقلت للسينما بكل بجاحة وقلة دسم وبكل ما أملك من كلمات نابية 
( ما أحوبك ) .!! 
المشكلة أني ضحيت بكل شيء عشان ما أخون السينما الدروس الي عندي كلها على برنامج Maya لكن قلت أطبقها عالسينما أحسن و أسهل 
لكن و لأني أعتقد أني لم أفهم حتى الآن الأنيميشين أو التحريك بشكل كامل .. أو أن الي علمني ماعلمني على كل حاجة ولا أتهم السينما بشيء بتاتا البته فهو مازال عندي البرنامج الي يحترم وقتك وعقلك ويديك أحلى نتيجة من بين برامج الـ 3D الأخرى 
!
المهم قررت بعد القرون الي طلعت في رجلي أضطريت أني أحمل برنامج Maya خصوصا أن اسم مايا داخل مخي بقوة 
وفي أحتمال كبير إن شاء الله لو تزوجنا بعد عمر طويل وجات لي بنت اسميها ” مايا ” غصبن عن أمها ومن ورى خشمها كمان ماعدنا بنات يسمون بناتهم و سوحقن للإنفتاحية والليمبريالية وبنت عمها الخونفشارية و الأرسترقراطية البيزنطية المنفتحة في شتى أرجاء المعمورة !!!
المهم حملت 4 نسخ من البرنامج 3 منهم مازبطوا معاي لأنو الظاهر النسخة كانت لنسخة 32 بت و انا الويندوز عندي 64 بت ، المهم جلست أدور لييين لقيت نسخة سيدي يعني مو ملف Setup بس .. حملتها والحمدلله زبط معاي التركيب .
بعد ماركبت Maya فتحته و واجهتني نافذة رائعة جدا جدا كانت عبارة عن دروس فيديو لأهم الأدوات ، سهلت علي مهمة الحوسة معاها .. المهم حاولت أعبث بالـ Graph Editor حق الـ Maya بس ماعرفت مرة ماعرفت فرق في التعامل كبير بينه وبين الـ Cinema 4D نقدر نقول أن حق الـ Maya أدواته أكثر وخياراته أشمل لكنه أصعب من السينما .gif){kind=small}
، رجعت أدور دروس عنه ، والحمدلله لقيت كمية دروس رائعة للغاية لحد مافهمت و أستوعبت الـ Graph Editor من طقطق للسلام عليكم والحمدلله .. طبعاً حالياً جالس أتفرج على كم درس يومياً حول برنامج Maya بشكل عام و الأنيميشين فيه .. والحمدلله متفائل جدا ومستمتع جدا جدا خصوصا أن الدروس كلها أجنبية وتحسسك أن في ناس تهتم بكيفية توصيل المعلومة وجودتها 
!
هذا كان سبب السحبة العنيفة الي سحبتها على المدونة و الماسنجر و الجوال والبشرية كلهم وجالس في صومعتي لطلب العلم 
بصراحة الأسبوعين الي فاتوا كانوا من أجمل الأسابيع خلال 3 شهور فائته ! ليش ؟ 
أولاً : تحسنت علاقتي مع ربي بشكل كبير ولعله السبب الوحيد لإنشراح صدري وشعوري بالسعادة 
.. كنت أُحرج من ذكره عند سؤال أي أحد عن سر ” الإنشكاح ” على قولة Spy Girl
ثانياً : بعد جهود مضنية مع نفسي قدرت أضبط نومي بشكل ممتاز جدا فلا سهر في الليل ولا نوم في النهار .
ثالثاً : المعلومات الجديدة الي أتلقاها يومياً من خلال الدروس ، بالإضافة إلى الشعور بالإنجاز فكل هذه الأمور كنت أأجلها لسنة كأقل تقدير !
عوامل كثيرة ساعدت على ” السنترة ” في الصومعة ، أولها أن عمتي وبناتها شرفونا في البيت فا ما صرت أقدر أهجول وعلى قولة أمي صرت البطة السوده ” دليل أني منبوذ ”
طبعا غير أني أفطر الساعة الـسادسة صباحاً و بقية أهلي يفطرون الساعة الرابعة عصراً ! 
صرت أفطر لوحدي و أتغدا لوحدي و أتعشى لوحدي .. تهي تهي << أقول لا يكثر كل يوم كذا 
أخبار سريعة :
- طبعا زي ماقلت لكم عمتي الله يحفظها وبنتيها جو لعندنا وعيال ينت عمتي كانوا مسووين جو حلو في البيت خصوصا ولدها الصغير ” نسيت اسمو مع اني ألعب معاه ” ايوه ولدها الصغير كان ماكل جو البيت مما سبب غيرة سروسي ” فروسي أخويا ” وارتفع معدل ثقالة الدم لأقصى حد وصار دلوع زيادة عن اللزوم لكن لأسف الكل سحب عليه سيفون 
وما أحد مديه وجه غير أخوه الي يوازيه في ثقالة الدم بعض الأحيان و المتفهم لشعور كونه ” منبوذ “ 
بس من جد قهرني قاعد أدلعه دلع مابعده وماكان معطيني وجه ، طبعا دلعي أقول له ( أيش تبغى يا حبيبي ؟ ) يقلي ( حليب ) أقوم أقول لأختي قومي سوي له حليب
- بعد سنين من النقاشات و الأجتماعات و العروض المغرية لخالي شملان حتى نستولي على حوض سمك خالي محمد وافق أخيرا ! 
و أبوي ماقصر جاب 3 درازن سمك ! نصهم ماتوا بعد أقل من أسبوع من الزحمة الي صارت في الحوض 
.. أبوي الي يعجبني فيه لمن يتحمس يتحمس ماعنده حماس نص كم غير كمان أنه يحب تربية الحيوانات مثلي 
سبحان الله من شابه ولده فما ظلم .
- الحمدلله الحين وضع حوض السمك و السمك الي فيه مستقر ، ومسوين جو حلو في البيت خصوصا أنو في سمك صغيييير أخويا فراس لمن يشوفهم يقول ( ياكلبي ألا الكلبوزة ) = ( ياقلبي على الكربوزة أو الكلبوزة ) الجدير بالذكر أن ( كربوزة ) أحد ألقاب أختي عهد لمن كانت صغيرة الحين تحول من ” كربوزة ” إلى ” توتة ” من حقها ” كربوزة ” عفش نوعاً ما
- مر العيد زي أي عيد بهدوووء بالنسبة لي ، و مرح بالنسبة لبقية أهلي بحكم أنهم كل يوم طابين الثمامة ومافي إلا شوي لأنو ماشاء الله أبوي خبير شوي معتبر 
، طبعا والسبب الي يمنعني من الهجولة معاهم غير البرد أنهم مايرجعون إلا آخر الليل وبالنظر إلى المعانة الي عانيتها و العذاب الي تعذبته حتى أقدر أضبط نومي أصبحت في موقف لا يسمح لمجرد التفكير بخيانة موعد النوم و السهر 
.
- الأحداث الأخيرة والكارثة الي صارت في جدة آلمتني جدا جدا لدرجة البكاء على أكثر من 100 نفس و آلاف من المفقودين و المشردين طبعا كمان من القهر على جحود المسؤولين . و أتخمت Twitter في الأيام الماضية بما يكفي من كلام ونقاش حول رائيي فيما حصل طبعا قريت كمان أكثر من 30 مقال عما حدث وماخلت موقع الا وفصفصته في موقع برد قلبي الكلام الي فيه ، غير الصحافة الي بيضت الوجه بصراحة كانت مقالات أكثر من رائعة ! طبعا كنت حتكلم عما حدث لكن اليوم اصطبحت على الأمر الملكي ويامحلاه من أمر شيء والله يستاهل تتصبح فيه كل يوم ، أسكن غضبي المتأجج ” نوعا ماً ” لأني أثق جداً بحب الملك عبدالله لشعبه من مواطنين ومقيمين وطيبة ورقة قلبه 
لكن ما أثق في الي هم تحته لذلك أتفائل بقوة في قراره لكن ما أجزم أنه الحل الجذري إلا بعد شهر زمان حتى نشوف هل اللجنة فعّلت عملية الإصلاح و المحاكمة ولا لأ ؟! للي يبغى يطّلع على الأمر الملكي : من هنا
- أشكر جزيل الشكر لكل شخص و شخصه سألوا عني وعن المدونة كل الي راسلوني وكلموني أعلموا والله أني ماكتبت هالأسطر إلا حبا لكم و إكراما لحبكم لهذه المدونة ولكم أنتم راح أبذل المزيد و المزيد 
.
في النهاية ما أوعدكم بعودة نشيطة للمدونة لكن بإذن الله راح نطل عليكم كل أسبوع بدرس جديد بإذن الله الواحد الأحد
+ أطلب من كل واحد أستفاد من هذه المدونة بأي شكل من الأشكال بالدعاء لي و التوفيق في حياتي و إن شاء الله تتحقق أحلامي و آمالي بإذنه تعالى .
محبكم دوماً و أبداً
عبدالله .. و الأقر على الله
Dreamy 
المهم بشكرك كثير على كل كلمة
بس يالله يستاهل مسكين 
فايز المالكي 
عبدالعزيز 
.gif)
وزين العز 
..
عبدالعزيز عبدالله 
wreef! 
...Sohil 
Abooore 
reem alshammari 
LaMa 
Muhammad Youssef 
Meiro 
بوعمار 
نصف ساعة وانا اقرا ولم اصل للنصف
مشاعل 
وعليكم السلاآم ورحمة الله وبركااته ..
حأبكي من الفرحة و الانشكاح
أعتقد فيما أعتقدته انه لي عـودة ^____^
ماشاء الله اول ما نزلت التدوينة لقيت 3 مشاهدات وانا لسا ما فتحتها
لذا ما اتوقع اني اول وحدة ولكن أتمنى ..