السلام عليكم ورحمة الله وبركاته
أشتقت لكم يا معفنين << واحد مايعرف يشتاق هههههههههه 
كيفكم أخباركم كيف الطراسة معاكم ، نفسي أروح ثانويتنا بس يقولون فيها 12 حالة انفلونزا خنازير ! 
والله مدري ليش كل ماجبت هرجة أبغى أكتب عنها أنساها ولا أكتب بعدين أحسها غبية و أقفل المتصفح 
!! أنا عندي مشكلة لمن يكون في ” عمل ” أو تصميم معلق وما أنتهى !! عشان كذا قرفان كل ما أبغى أسوي درس أقفل 
أكتب كلمتين أقفل ويمكن كمان أقفل دي دحين قبل ما تكتمل ! 
بس ماعليكم لحظة بنزل أجيب لي كاسة آيس كريم بالتوفي ، أبوي جاب لتر وقال لا تخلون عبدالله ياكل منها !! عشان شافني قبل شهر لتر كامل فرمته في يوم ههههههههههه بس بعدين شفعوا لي .gif){kind=small}
.. هذا الحلو في أهلي يسوون زحمة وهيصة وزمبليطة ويااااااويلكم وقسمن عظمن واللتي ومدري أيش وتعال لهم بعد ساعة يقولون خلاص طيب 
عدنا بالآيس كريم .. أمممم يم يم .. يعجبني آيس كريم كون زون أرخص من باسكن وأكثر دسامة لكن الميلك شيك حق كون زون ما أدري أيش يبغى الصوص مو حلو باسكن أحسن .. 
على طاري الآيس كريم، و أنا صغير كنت أخاااااااف من الوجه أو الأقنعة المرعبة الي تجيك على شكل وحش ولا عجوزة شمطاء مشمطة في تشاميط المتشمطين 
والله أتذكر الرعب لحد الآن في بيت عمي وكان ولد عمي يجري ورانا بالوجه و أنا شوي وأخربها من الخوف
المهم أن أخويا فراس طلع زيي خواف درجة أولى والوجه هذا يسوي فيه بلاوي متلتلة قبل سنة يمكن أخويا محمد ” نذل ، نخولي ، أذيه ، شرير .. إلخ ” المهم محمد جاب هالوجه ودخل الصالة ووكنا جالسين الا أول ماشاف فراس البتاع قسم بالله كأنو جني دخل فيه من الرجفة و الصياح !! تخيلوا واحد كان كذا وجهه 
صار كذا 
أنا قمت طبيت في محمد و خرجته برى الصالة ، المهم يوم شفت الوضع كذا قطعت القناع بعد ما أعطيت محمد فلوس القناع ( كأني أشتريته منه ) وقطعته قدام فراس ولا زال مرعوب جدا جدا من أي قطعة لذالك الوجه أو القناع !
المهم قبل أيام ولد بنت عمي ” وليد ” جاب قناعين - واحد له وواحد لأخوي محمد على حد قول أخواني - ومحمد سوى نفس الحركة في فراس والولد وربي حيموت من الرعب ههههه وبما أني كنت أحس بالي يحس فيه 
مارضيت عليه هذا الخضوع و الذل و القشعريرة في ذل المتذللين و أوساط المجتمع العالمي و المستقبلي في ظل أرستقراطية المجتمع و.. أحم .. أيوه 
زي ماكنت أقول قمت سويت نفس الحركة دفعت لمحمد حق قناع واحد ومسكته قطعته قدام فراس وبرضو مرعوب لكن حاولت اخليه يقطع معاي بس رااااااافض الفكرة تمااما ، المهم قطعته وصرت أقفز و أنطنط فوقها و أقول للقناع مووووت موووووت 
و أستهبل أقول لفراس خلاص مااات وهو يقول ( وحش ككا ) مايحتاج نفسرها دي هههههههه المهم أخذت القطع و رحت أرميها في الزبالة الله يكرمكم و أخذه معاي و أنا أرميها ( أجره جر من الخوف الي فيه ) المهم يوم أطمئن أن القناع صار في الزبالة رجعنا الغرفة وكان في قطع باقية من القناع في الأرض قام يأشر عليها ( قطعة 5 سم × 5 سم ) قمت قلت له تعال شيل معاي أنا أمسك بطرف وهو يمسك بطرف ونروح نرميها في الزبالة .. رجعنا إلا برضو كمان في قطع صار هو يشيلها لوحده !! راح وخرج كل القطع من الزبالة وصار ينطنط عليها ويقول ( وحش ككا ) .. 
باقي عندنا قناع ما اقدر أتصرف فيه حق الولد المهم ، بسام برضو نذل صار يقول لفراس ( وححححشششش ) والولد يهرب – مازال في خوف – رحت شوي رجعت لقيت فراس لابس القناع ويقول لي عووو !!
أيييييش عندك !! الحمدلله تخلص من خوفه طبعا جلوا اخواني يخوفونه زيادة يعني يلبسونه ويطلعون أصوات لكن مانام ذيك الليلة إلا و القناع آخر شي يخاف منه 
على طاري القناع .. الأسبوع الي فات أسبوع منععععش مرة ماشاء الله .. أنام الساعة 8 ولا 9 ” دجاجة ” و أقوم على الفجرية ولا قبل الفجر بشوية ، طبعا طول الصباح شغال تحمييييييل النت 4 ميقا ماشاء الله وقاعد أضبط مكتبة أفلام الـ animation عندي تقريبا 44 فيلم متنوعين بين 700 ميقا إلى 7 قيقا للملف الواحد ، طبعا 700 ميقا دقته مضروووووبة وخلاص ماصرت أتسلى لمن أشوفها فا قاعد أطورالمكتبة و أقلب كل الأفلام HD تقريبا هذا الأسبوع راح تكون كلها HD إن شاء الله
38 فيلم بجودة HD 720 – 1080 – ماشاء الله تبارك الله
بإذن الله هذا الأسبوع راح أصك الـ 50 فيلم وكل فيلم مايقل حجمه عن 2 قيقا ، على فكرة أنا ما أشوف عشان أتسلى وبس أول شوفه تسلايه الباقي كلها تدقيق في الأنيميشين ، الشخصيات ، التعابير و القصة تعلمت أشياء كثيرة من متابعة هذه المكتبة ، طبعا الي يتفرج معايا حيكره افلام الكرتون و الكمبيوتر و الناس وكل شيء ههههههههههه بعض اللقطات أتفرجها فريم فريم ( 24 فريم = ثانية ) أختي الصغيرة ماتحب تتفرج معاي أخرب عليها الجو كل شوية أعيد و أتأكد من الحركة .
مارح أتعمق في هرجة الأنيمشين راح أفرد له موضوع مستقل بس ما اعتقد في المستقبل القريب ..
بإذن الله بخلص الكم تصميم في يدي و أكمل سلسلة دروس الـ Pen Tool + درس الـ 3D وكم درس خفيف وبعدها حنبدأ سلسلة دروس فريدة من نوعها جاتني أقتراح من زائرة للمدونة .
تحياتي لجميع المتابعين ولكم مفاجئة خاصة قريبا 
طفش بدونها 
لمدة 10 دقائق و50 ثانية و99 جزء من الثانية 
وبعدين يرجع وعلى هذه الحالة طول اليوم ليا شهرين على هذه الحالة انا والـ STC الي حاس انهم راح يجبون ليا إرتجاج باليد وفي الأخير انا 
< استسلمت 
وصار عندي برودة أعصاب
فا الشعور دا مايجيني إلا لمن اندمج ومايروح الا لمن ابعد عن المسلسل 
بس أنا مخلص أحمل لو يقعد أسبوع 
عبادي 
راكان 
.gif)
<< دوبه مروح مدرس الإنجليزي من عنده 
فايز المالكي 
Abooore 
غازي 
MEMA 
Photo' yo 
نبع 
مشاعل 
.jpg "توتة - عهد أختي")
اسمع ياعم ,, شوفلي ace age 3