السلام عليكم ورحمة الله وبركاته
قبل يومين تقريبا ، أرسلتني جدتي أشتري فول وتميس ، المهم المكان قريب يعني قرابة 250 متر تقريبا ، درم درم درم << صوت مشيي ههههه .gif){kind=small}
على طريقي في محل بيتزا و أنا مار من محل البيتزا شفت مشهد راح أحكي لكم الي شفته في 4 ثواني تقريبا - اليوم مكثرين من تقريبا هههه .gif){kind=small}
-
كانت في بنت واقفة خارج المحل ويظهر أنها تنتظر طلبها وفي داخل المحل أثنين يتضاربوا – مزح – وقدام البنت مباشرة يعني الفاصل بينهم زجاج .gif){kind=small}
، المشهد كان استعراض مراهقين يعني كل واحد يبرز عضلاته عشان يلفت نظر البنت - الحمدلله والشكر - .gif){kind=small}
البنت من الثواني الخاطفة أعتقد كانت في مظهر ملتزم يعني عباية على الراس وفوقها مدري ايش يعني مو الي تنبسط لهذه الحركات ، كملت مشيي ولا كأن شي صار فقط ضحكة خفيفة على تلك العقول .gif){kind=small}
.. وأنا ماشي مدري ليش حسيت أن البنت ساذجة يعني من الي تنخدع .. !!
بديت أفكر بالعالم الحين و عندنا بالأخص بديت أفكر بقصص الحب الكاذبة و درزن البنات الي ينخدعوا بوهم اسمه ” الحب ” و الأولاد المهابيل الي يصدقوا أنو ممكن يحبوا ويعشقوا !! شفت الكثيييير وسمعت قصص الكثيير وكلها ” سذاجة و جهل ” قلت طيب أيش الحل ؟!! .gif){kind=small}
يعني أيش الحل أنو يكونوا البنات او حتى الشباب أكثر نضجاً ! مانقدر ننكر أنو الذكر يميل للأنثى و العكس كذلك وهذه الفطرة الي فطرنا الله عليها ..
رجعت سنين لورى لمن كانوا يسموني ( أفلام كرتون .gif){kind=small}
) تذكرت كل أفلام الكرتون الي كنت أشوفها وكانت أكثر فكرة مسمومة دخلت في مخي ( ليش مايكون عندي صديقة ) كنت أفكر ببراءة ! .. المهم كنت أفكر يعني ليش مايكون عندي زي فلان وفلان وفلان - شخصيات كرتونية - كنت أشوفهم يعني مدري كيف تنشرح يكفي لمن تكون مهموما تلاقي أحد يسمعك !! وتروح وتجي أمممم في شي غريب !! لو كان مجتمعنا مختلط راح يتحقق هذا الشيء !! كمان راح تعرف البنت من هم الرجال في وقت مبكر يعني لمن تكبر مارح يكون سهل أي واحد يخدعها ، المشكلة أن الأنثى بطبعها رقيقة المشاعر طبعا لكل قاعدة شواذ فا سهل تنخدع .gif){kind=small}
، كنت أقول أنو لو كان المجتمع مختلط ممكن تنحل هالمشكلة .gif){kind=small}
.. أممممم لكن لأ راح تكثر الفواحش وتصير الدنيا فلتانة أوكي راح نتجنب شي لكن بنطيح في شيء أردى ! ..
قعدت أتكلم و أناقش مع نفسي و أدخل من هنا و أخرج من هناك وتذكرت حادثة قديمة إذا تذكرون قبل 6 سنوات تقريبا لمن كانت في وزارة المعارف و الرئاسة العامة لتعليم البنات ، كان الأولاد منهج مختلف عن البنات ، جاء قرار بعدين بدمجهم تحت وزارة التربية و التعليم بمنهج واحد ، وقتها كنت في المرحلة المتوسطة أتوقع 3 متوسط المهم كانوا مسوين زي التصويت الي معترض على القرار يكتب اسمه ويوقع ووو
وقتها كانوا الشباب في التحفيظ عندنا فاهمين غلط يحسبون بيصير التلعيم مختلط !! .gif){kind=small}
وكانوا مسويين زحمة وهيصة يدقون على مكتب المدري مين ويقلون نرفض ومدري أيش وجابوا أوراق و أذكر والله ذاك اليوم بالضبط كنا في رحلة وجابوا الأوراق وقال لي أحدهم وقع .gif){kind=small}
!! قلت أوقع على أيش قال أقرأ قريت بس أممم حسيت الموضوع مختلف عن الي يقولونه .gif){kind=small}
، ماكنت أتوقع المسؤولين أغبياء حتى يخطو مثل هذه الخطوة !! رفضت أوقع فا قام يستفزني يقول يعني تبغى تجلس جمبك بنت .gif){kind=small}
، حاجة زي كدا ههههه فا شفت أنو أنا الوحيد الي رافض قلت ياولد وقع وقعت و أنا غير مقتنع و بعدين طلعت الهرجة كلها دمج وزارتين وتوحيد المناهج !!!!
وقتها حلمت حلم وهذا هو الشاهد : كنا في الفصل شوية يجي أستاذ ويدخل علينا 4 بنات .gif){kind=small}
يقول هذولا الطالبات الجدد ، كانوا واقفين عند السبورة وأنا كنت غضباان جدا لدرجة لا تتصوروها كيف يسوون كذا !!! وأذكر لمن نزلنا الفسحة - و وقتها كنا مجموعات نتجمع مع بعض - فا في الحلم كنت أقول ياشباب انتبهوا لا أحد يغتر ويروح مع مجموعة فلانة وكذا خليكم ثابتين ههههههههههههه فلانة هذه كان شعرها أشقر وطويلة
المهم و أنا أخبط هنا وهناك و أدور الحلول حتى نكون مجتمع ناضج فكريا وعاطفيا قلت يا عبدالله صدق أنك كمخة و أهبل !!
هل هناك أعلم من الله و رسوله بمصالح الناس !! هل هناك شريعة أسمى و أحكم من شريعة محمد ؟!!
قاعد تدور حلول و الحلول قدامك وبين يديك !! لو ألتزمنا بتعاليم محمد صلى الله عليه وسلم لما أحتجنا أصلا أن نفكر بحلول حتى نكون أفضل ! .gif){kind=small}
لو ألتزمت البنت بأخلاق عائشة ولو ألتزم الشاب بأخلاق محمد صدقوني راح نعيش في سعادة حقيقية مارح تحتاج تبحث على الإنترنت عن انسانة تسمع لَك ولا عن انسان يسمع لِك !!
لمن نتأمل في حال الغرب ، الواحد يصاحب وحدة وعينه تزيغ هنا وهناك وفجأة ينسحب أحد الطرفين عشان لقى إنسان أفضل !
وهذا الشي الي يخليهم يخافون من الإرتباط – الزواج – أنو في إحتمال أنو نلاقي الأحسن !
هنا نتأمل حكمة الإسلام ستر النساء و طلب من الرجال غض البصر و أعطاهم الحل لو زلة عينهم !
شي أكيد الإنسان الي أرتبطت فيه ماهو أحسن واحد في الكون ، لكن لأنه الشخص الوحيد الي فتحت له قلبي وأنا الشخص الوحيد الي فتح له قلبه والي بيني وبينه و ارتباط وثيق ومتين وسامي ، راح يكون الأفضل لي من بين الجميع !
الأمر مو بهذه البساطة صعب أشرح شي أنا ماعشته ” الزواج ” في الزواج سحر عجيب للي يستشعر ويعيشه بتعاليم محمد صلى الله عليه وسلم .
في النهاية أعتقد أن الزواج هو مفتاح السعادة و الحل الأكيد مع العمل بوصية الرسول صلى الله عليه وسلم ( فاظفر بذات الدين تربت يداك )
على فكرة لا يجي واحد يقول الولد يبغى يتزوج وحالته حالة أنا مشوااااري طوييييل وراي مغامرات بالكوم ههههه ماأبغى أورط احد معاي ولا كان من زمان ضبطنا أمورنا
هي فقط كلمات متخبطة أحببت أن أدونها .. 
تحياتي
♥ زهرة الكرز ♥ 
خبير الشطرنج 
rakad 
تواقة 
Reem al.asaf 
إعصار 
Dreamy 
صاير تفكر في الزواج مره ياعبودي ^_^
اولا ً انا زعلان عليك لأني مو شايفك من زمان وانت مشغول وانا مشغول والشغل مقطع الدنيا
مو زعلان الحقيقة مشتاق ^_^
موضوعك جدا ً جميل واعجبني بشكل وضحكت وابتسمت فيه
وموضوع الاختلاط .. شيء عجيب
انا في سوريا الحين وانت عارف
في مكان العمل .. فيه بنات .. والدراسه بعد فيه بنات
وفي الشارع فيه بنات
وفي المقهى فيه بنات
وفي المكتبه بنات
وفي المخبز
وفي المطعم
وفي الباص
وفي وفي وفي
فكل مكان .. ومثل ماقلت .. لو كل واحد صارت اخلاقه مثل .. مانريد نقول مثل اخلاق محمد صلى الله عليه وسلم
ولا اخلاق صحابته صلى الله عليه وسلم
لكن يتشبه بهم
يحاول ولو شيء بسيط .. الحين اخلاق اصلا مافي
القيم والمبادئ راحت .. البنت في المجتمع المنفتح جريئة اكثر من الولد على فكرة .. بعض الاحيان اشوف العشاق ^_^
تلقى البنت ماسكة في ايد الشب
او هو يكون يتكلم مثلا وعيونه بمكان ثاني .. وهي عيونها في عيونها هههههه
الله يهدي بنات المسلمين ..
ومسألة الزواج .. الحين الي يتزوج صار مجنون .. واهبل يكولون عنه الناس ..
واذا سألته ليش طيب؟؟
يقولك فلوووووس
من وين بتجيب ؟؟ طيب يا اخي انت ظامن ان الله يرزقك ومايرزقني يعني ؟
وفق الله الجميع لما يحب ويرضى
وعبودي لاتقتطع تره اقطع الشسمه ^_^
كل الحب والتقدير لك ولزوار الشسمه حقتك
انس العراقي