Abdullah Saeed

السلام عليكم ورحمة الله وبركاته

يقول الشاعر مرعي الزملكاوي ..

قِدة يا ست الحفريات .. قِدة يا شزا البيارات

قِدة يا أحلى الأمنيات .. قِدة يا أزيق الشوارعات

فك الشفرات :

قِدة : جدة  ،  شزا : شذى  ،  أزيق : أضيق  ،  الشوارعات : المعنى في كرشة الشاعر .

بعد المقدمة ثقيلة الدم هذه  ، لا استطيع أن أصف شعوري ومشاعري تجاه جدة  !!

والله أول مانزلت من الطيارة المعفنة حقت شركة ناس ” الشكوى لله مالقينا حجز في الرجعة غيرها “ وشميت ريحة الرطوبة ياااااااه شي خوباااااالي  !!

بالرغم أن الدجة كلها في جدة و أن بعض الناس مايقدروا يناموا فيها يقولون يمكن الله يطبق علينا  !!  إلا أن قلبي عشق جدة  ، لا يجي أحد يقول لي وماحب الديار شغفن قلبي ولكن حب من سكن الديارا

أبويا أول ماقلت له يا أخي أحب جدة .!! قعد يقول : ايماااااان تعالي ألحقي أبنك حط عينه على وحدة في جدة .. مين هيا يا أبني ؟؟ هههههههه

السفرة كانت ممتعة ولو انها نوعا ما كانت مملة  بس صار فيها شوية أكشن و جايكم في الطريق إن شاء الله ..

في البداية كنت راجع من الدوام ومريت جمب مكتب حجوزات للخطوط السعودية ركنت السيارة و حجزت كانت أول مرة أحجز فيها  !! أيش أسوي أبويا الله يخليه كان مدلعنا على الآخر يجهز كل شيء علينا أحنا نروح المطار ” متأخرين “  .. عموما ولأني جاهل في هذه الأمور بعد ماحجزت ودفعت دقيت على أبويا وقلت بابا << بكاش قال أبويا <<  أكثر عفاشة .. عموما قلت له الي سويته ، كذا خلاص  ؟ أروح المطار في الموعد و أخذ تذكرة صعود الطيارة وانتهينا ؟؟ قام يصوت ” مبسوط ” يقول متى جاي ؟ قلت الخميس المهم طلعت التذكرة OK وكل شي مية مية .. نسيت ما أقول له لا تقول لأحد عشان أبغى أخليها سُكيتي بس قلت بسيطة إذا قال لأحد بيقول لأمي بس .. طلع حبيب قلبي قعد يقول لبستي الي عندهم ( أبوكي حيجي يوم الخميس ) حتى نسنوسة داري أني حجي يوم الخميس الساعة 6 ههههههههههههه فا ياجماعة لا تلومونا في مسألة البسس بعد كدا ، الشيء دا متفشي في كل العائلة  .

المهم الهرجة في جدة صارت سُكيتي لدرجة أني نسيت ولد عمتي دائما كان يجي معاي الرياض لكن وربي حتى هو نسيته رحت المطار بكير قبل بساعتين تقريباً أستغليتها في قراءة كتاب جديد ” خمس دقائق مفيدة ” كتاب أو كتيب رائع جدا فيه فلاشات سريعة وحلوة .

عموما وصلت الرياض وصلني من المطار أحد الأحباب ، أول ماوصلت البيت فتحت الباب لقيت بعض الوجيه المعتاد تكون في بيتنا يوم الخميس أصحاب أخواني و أقاربنا في نفس الوقت جالسين يلعبون في الملحق Counter Strike .. طبعا الصياح وصل للبيت فا لقيت امي مستنيتني و نسنوسة نازل جري من الدرج ولمن شافني قعد مبلم نص ساعة ههههههههههه طبعا سلمنا على المامي والبابي و القميع ولله الحمد و المنة ..والكل من أهل و أصحاب أجمع أنني أصبحت سمييييين وكان عذري الوحيد ( لا تلوموني شوفوا جدتي كيف معيشتني !! صحن ورى صحن ، الله يخليها و في مشكلة لو أكلت كل الصحن ( يعني جابت شوية عشان كدا خلصته ) و مشكلة لو ما أكلت !

بصراحة أكتشفت مدى الفراغ الي خليته لمن رحت جدة صحيح أخويا بسام مو مقصر في النذالة و العباطة وبزيادة لدرجة بعد كم يوم كنت أبغى أنام في الملحق المكيف فيه زي العسل وفي غرفتنا قلبوا الاسرة ( جمع سرير ) المهم فا صار المكيف لمن انام في السرير يصقع في وجهي ، يجيب الغثيان  ، المهم صرت انام تحت ، و اخويا بسام ذاك اليوم كان يلعب بلياردو على النت ( نك نيمه أحب الحلوين << داشر ههههههه ) عموما قلت له بسام لو سمحت قوم أبغى أنام كمل لعبك فوق  ( السرير قدام الكمبيوتر دايركت فا هو ياخذ مساحة من السرير و أنا طويل حبتين و السرير كله مايكفي ) المهم طنشني كلمته مرتين ثلاثة مانفع طلعت عند أمي قلت لها شوفي كيت وكيت وكيت .. ( عشان لو تلطش ما أحد يلومني ” سياسة ” ) ونزلت بسام لو سمحت خلاص .. طناااااش .. طلعت مرة ثانية وهذه المرة أبويا زهمه المهم استعبط معايا وبدأنا في مضاربة عنيفة هههههههههه وهاتك يا كفوف المهم و أنا أضربه في ظهره تذكرت أن يدي قوية حكسر له ظهره كذا قمت قلت خليني أحول على مكان تاني <<  شايفين الرحمة و الشفقة بين الإخوة  ههههههههههههههه المهم طبعا كانت أول مرة نتضارب في حياتنا بهذه الطريقة وربي أكل له ضرب محترم لكن الي عجبني فيه و أنا أضربه قوة تحمله قلت بلطشه لمن يبكي نشوف قد أيش يتحمل <<  إجرام . إلا و أبويا يطلع لنا !!  أنفجع !!! هااااااادي أخرتهاااااااا تتضااااااااااربوااااااا المهم سبته قام أخويا يتكلم و شوي ويبكي هههههههههههه وربي رحمته لكن عشان أعلمه مقامه أيش ومين أنا ومين هو !! صحيح غلطت لكن من يوم ماجيت وهو متمادي مع الي أصغر منه وكل شوي يجيني أخويا محمد يبكي فاكانت المعركة تأديبية و لمآرب أخرى .. المهم رحت رقدت ورجع هو يتحرش بس من ورى الباب سكت وضحكت هههههههههههه جاتني أخبار أنه طلع يبكي و أمي أنبتني اليوم التاني لكن قالت يستاهل كما تدين تدان كل يوم مضاربة مع محمد ( محمد أصغر من بسام ” الي أندلك ” ) طبعاً اليوم الثاني قعدنا نضحك مع بعض و الظاهر رحنا تمشينا مع وليد يعني ولا كأن شيء صار !! .

سبحان الله و الله الي يبغى معرفة قيمة شخص عنده أو يبغى معرفة قيمته يبعد شوي ويشوف أيش خلف من بعده و أيش صار له !! لمن كنت في جدة لمن أتذكر أمي و أبوي و أهلي تدمع عيني حباً فيهم وشوقاً إليهم !! ولمن جيت صرت أهددهم لو صار شي ماعجبني ( هااااااا ترى أكنسل جية رمضاااااااان و أقعد في جدة !!! ) هههههههههههه بالرغم من السلبيات إلا أني أراهم ثوب أبيض نااااااااااااصع أحبهم كما هم .

أحد الأشياء الي تغيرت ، لمن جيت جدة كان مستوى أختي عهد دراسياً وبحكم أنها صف أول أبتدائي ” مش أد كده ” كنت أشرح لها بعض الأحيان تفهم لكن تستعبط .. عموماً بعد كذا شهر حسب كلام الوالدة تغير مستواها جذرياً وصارت من الأوائل في صفها .. المهم في حفل المدرسة ماكرموها يعني أوكي شاطرة ومن الأوائل لكن في 3 بنات من البداية أفضل منها وكرموهن .. رجعت البيت - تحكي لي أمي – أنفجرت بكاء مقهورة تقول أنا شاطرة ليش ماكرموني وأعطوني تاج !! ( تاج ورق موجود في هرفي لكن شوف تأثيره معنوياً ) المهم أمي قالت بتسوي لها حفلة وخلاص مدري أيش .. إلخ وانبسطت وخلاص ولا كأن شي صار ، كنت قبل ما أجي أقول لها أيش تبغين هدية ؟ تقول الي يعجبك !! يابنتي أيش تبغين ؟؟ تقول أي شيء تحبه !! عموما لمن رحت مع أمي و عهد نشتري الألعاب و الهدايا وتجهيزات الحفلة أخذتها ورحنا ألعاب الحسين قلت حلاقي كل شيء عنده إن شاء الله ودخلنا وهي مستغربة !! قلت لها خذي أي شيء تبغيه أرتسمت على وجهها ابتسامة غريبة !! ههههههههه قامت تدور تدور و أنا أقترح عليها بحكم أنها تحب فلة + ستروبري + لولو كاتي المهم وقع اختياراها على عباءة فلة ، مجموعة صلاة سجادة و ايش اسمو حق الصلاة و شنطة طبعا مافيها صور بس زخارف ورود .. أشتريته وكنت حشتري لها كمان بطانية ومخدة .. إلخ حق لولو كاتي عشان تكمل مجموعتها بس قالت خليه المرة الجاية ( أروووووووووح أنا مع القناااااااااعة بس هذا وجهي إن ماخربتها السنة الجاية ) .. الشيء الي مالاحظته في البداية أنها كانت بتشقق من الفرحة و الإنبساط الظاهر ماخلت أحد ماقالت له ( عبدالله أشترا لي هذا ) .. ياحلوها والله خَلقاً و خُلقاً  لي لهجة خاصة مع أختي عهد من وهي صغيرة كنت أقرأ لها القصص بأسلوب يفطس من الضحك أختي الي بعدي تجلس معانا وتموت ضحك هههههههه تقول عائلة هنود و أنا ما أدري ؟! ، تذكروا الهندي سواق الباص في قطعة 13 نفس الطريقة ههههههههههه الظاهر عشان كذا كانت مخبطة دراسياً !!

أحد المواهب الجديدة عند بسام ومحمد ( تزبيط الدراجات الهوائية / السياكل ) شفت في الحوش 3 سياكل وبخاخات بوية وشغل ، أيش دا !! سيكل فلان وسيكل علان نزبطهم طبعا في الي ببلاش مراعاةً للحالة المادية للبعض وسياكل مدري بكم هذه فيها دعاسات و حركات بركات  .. شفت محمد يزبط سيكله يومين متتاليين قلت أيش باقي لك ؟؟ قال ماطور قلت بكم ؟ قال بـ 25 .. أعطيته يروح يشتريه .. الشاهد أنه بعد يومين يقول لي الـ 25 هدية نجاحي ؟؟ قلت تقدر تقول كذا قال برجعها لك وجيب لي سيارة بريموت كنترول ههههههههههههههههههههههه قلت خلاص راحت عليك أسري .. بعدين أبوي أشترى له PSP رج أبو أم أم جد عمنا !! كل يوم كل يوم وربي من القلق كنت بروح أشتريه له لولا أني أعرف أن أبوي مارح يرده ، أحد آلاف الأشياء الحلوة في الوالد ماشاء الله أنو مايرد طلباتنا يجيبها ولو بعد حين الـ PS2  أول ماطلع كان ولد المدير في مدرستنا يقهرني بيه يجيب مجلات ووو .. المهم أول ماجت الإجازة قلت لأبويا و كان منسدح في السرير يقرا كتاب وعلى وشك النوم  .. أبووووويييييي << صعب تنطقوها مثلي البراطم ألعب بيها لعب ( ماركة مسجلة لأخوي بسام بحكم براطمه ) عموما هذه أفتتاحية الدلع .. :  أبووووييييي أبغى سوني 2 ؟!! .. قال طيب !!! أنا شكيت في الموضوع ؟!! قعدت أزن عنده قال يا أبني طيب ! .. بكرة رحنا أشتريناه و أنا مذهول !! أبو أم الفلة كدا بسرعة !!

الحين أخواني يبغون PS3 يبطون عظم الشريط الواحد بـ 100 ريال !! ليش يعني لو هم من جد يلعبون في البلايستيشن 2 صح و تحس أنهم غاويين لعب نقول معليش !! لكن السوني مرفوع له شهور ويبغون جديد و المصيبة أشرطته نار !! قلت لهم لمن يصير الشريط بـ 7 ريال بشتريه لكم هههههههههههههههههه .. << تعجيز

طبعا في الرياض وخلال أسبوع 700 ريال ماشاء الله فركشتها إن لم تكن أكثر كل يوم 100 ، عشاء واسكريمات بس وربي حلال فيهم تعلمت هذه الحركة من أبويا و ولد خالتي يدفع ماعنده لأ ! غير أني ما أبخل على نفسي أساساً والحمدلله .. بعض الشباب ينفجعوا لمن أعزمهم على شيسمو غداء بـ 40 ريال !! مايدروا أنو كل يوم تنصرف 18 ريال على ميلك شيك مايودي ولا يجيب ، على طاري الحلويات ، كان عندي حرقان مؤرقني حموضة على قولتهم أول مارحت الرياض أختفت بالرغم أني أكلت حلويات أكثر من جدة !! لتر ايسكريم بالتوفي خلصته في يومين !!! ولا جاني شيء ، أمس أكلت أصباع جلاكسي عذبني طول الليل ، اليوم جبت لي 3 علب حليب السعودية أبو 4 ريال أستعدادا لهذه الليلة … برضوا أحب جدة .

للأسف ماصورت شي بالرغم أني أخذت الكاميرا لكن والله مرة ماكان لي نفس أصور ، ولو كنت بصور ، حصور فلذة كبدي و حياتي أوتتي ” بستي “ يااااااااه وربي كبرت أخذوها صغيييييييرة والحين ماشاء الله مرة مرة مرة حلوة تشبه لأمها و أحلى منها كمان بركات تربيتي ، ومعاها بسة ذكر ” عُري “ بس صغير لسه حق أخويا بسام مسميه ( ناجي ) ههههههههههههههه بحكم أختلاطه في المدرسة بأهل جيزان كثيرا فا مسمي نفسه ” أستهبال “ ( أبو ناجي ) ههههههههههههههههههه ياااااه نسيت أصور بقالته الي في البيت وربي تحشيييييييش هههههههههههههههههه بقول له يصورها ويرسلها لي مسوي كاشير إنما أيه ههههههه بنده ماقدرت تسويه

وطبعا الشيء الثاني الي يستاهل التصوير هو ” نسنوسة ” والله كبر ماشاء الله عليه وباين مرة مرة ذكي ماشاء الله ( طالع على أخوه ) ويموت في ألعاب السيارات لكنه خواف من الدرجة الأولى أشتريت له بالونه أبو الهيدروجين خايف منها !! خوف خوف رعب مو خوف استهبال !! المهم بما أني خبير لعب سابقا وجلست لحد المتوسط ألعب بالألعاب و أسوي قصص وروايات ، قعدت ألعب معاه ونقلته لمستوى أحترافي و انا ألعب معاه شوي وينسطل أول مرة يلعب بقصة ههههههههههههههههه وجه كذا زي الي مو مصدق والله عجبني مرة دخل جو معاي وفاهم أيش أسوي .. لكن بإذن الله جايين الأاهل جدة بعد كم يوم وحنشبعه تصوير إن شاء الله ..

أخبار سريعة :

* بنتي البسة حامل وعلى وشك الولادة .

* السمايلات أخذت مني قرابة ساعة لتنسيقها .

* أحدثكم من جهازي الجديد و الحمدلله كل شي مية مية .

* عندي درس سينما بدبأ فيه بكرة إن شاء الله أول ما أخلصه راح أكمل سلسلة البن تول كاملة بإذن الله .

* الجدير بالذكر أنك لمن تبحث بأسم ” pen tool “  في قوقل أطلع في الصفحة الأولى هذا و أنا لسى ماخلصت .. الحمدلله .

* حسابي في Facebook كتاب الوجه ههههههههه [ هنــا ]

* حسابي في Twiter  [ هنــا ]

لكل منهما غرض من تسجيلي فيه يعني مو فشخره ولا تقليد

* قريبا بإذن الله جهزت مفاجعة حلوة مرة لي ولكم فا ترغبووواااااا غريباً ..

ودي أطول كمان لكن مو فاضي دوام ، بالله أيش رايكم من 1 الظهر إلى 9 الليل ولشخص ماعنده مشاوير ولا روحات ولا جيات !! مية مية أقوم الصباح أخلص أغراضي أتصفح شوية اتفرج لي فيلم كارتون ومرة مرتاح الحمدلله ^_^ ..

دعواتكم جميعاً