Abdullah Saeed

السلام عليكم ورحمة الله وبركاته

المعذرة على الخلل الي حصل ، موقع ببسي ppc.fm ما أدري أيش صار له وطارت الروابط ، المهم الحمدلله الآن أعدت كل الروابط الدروس و الملفات وعلى الموقع مباشرة ولله الحمد

تقدروا الآن تتصفحون المدونة وزي اللوز و الفستق و الباذنجان الحجازي

على فكرة ياجماعة سؤال محيرني وبقوة ليش فتنة البسس العراري البنية ؟!! ( العراري = ذكور القطط ) والله قارفين اهلنا كل ماجبنا بسة نظيفة ونحاول نعرفها على ولد ناس محترمين زينا ترفضه وفي النهاية يطلع سعيد الحظ عري بني مخطط بابيض !! الحركة هادي صارت عشرات المرات معايا في بسسي .. سوحقن لهم ولهن وبالجزمة القديمة - وانتم بكرامة - لو شفت عري بني يحوم حول بيتنا .

على طاري البسس دعواتكم أخويا الصوغنن نسنوسة وفي رواية فراس أشغل أهلي مافي في البيت أحد غيري يجلس عنده ولا كمان يبغى يجلس على رجلي و أنا جالس أشتغل على الجهاز .. و الخبيث عشان يضعفني لمن أطنشه يناديني ” بابا ” ههههههه سوحقن له هو الآخر أهو جاء يبغى يجلس

* ملحوظة لا تستغربون على المصطلحات ( أبو أم أمه ، الجزمة القديمة.. إلخ ) الواحد لمن يتربى في حي كله حونشية وعرابجة خلاص يتطبع بطباعهم ولو نقل لأرقى الأحياء وصار أحسن واحد في الكون <<  الي هو أنا

عبدالله