السلام عليكم ورحمة الله وبركاته
بالحب تلقاك البدور ضيف الأماني و السرور
فيك العطايا و الأجور يامرحبا زين الشهور
جوغكي جوغمون دمونفد دوسيسيلايا ههههههههههه

رمضان يا رمضان شو بحبك يا رمزان ![]()
ذكريات والله .. بدأت أصوم رمضان بالكامل من ثاني أبتدائي ولله الحمد
أمي كانت تفقش علينا تقول تصوم بس لمن تروح المدرسة لمن ترجع تاكل
!! بس على ميييييين و الناس صايمين ماتمشي عليا دي الحركات أخواني ممكن أنا لا
ههههههههههه
يااااااه .. مازلت أتذكر كيف كنا نتجمع على السفرة في بيتنا القديم ، كيف كنا نساعد أمي في تجهيز الأكل الي يعجبن والي يلف والي يقطع و الي يقلي خلية نحل ماشاء الله
وأمي وما أدراك ما أمي طباخه من الدرجة الأولى ماشاء الله آآآآخ بس يامامي ، أيش من سمبوسة تسويها و أيش من شيسمو داك الي يعجبني عرفتيه أمي ؟ بان كيك مدري ايش !! عجينة بطريقة ما وداخلها خلطة كاتشب ومايونيز + دجاج + سماق مدري زعتر ![]()
يااااااااااااه .. رمضان كمان عند خالتي شي تاني جمعة كبيييييرة ماشاء الله و أضرب بخمس ، عاد خالتي تسوي لك ديك النجيرة مافي الا شغل حبشي ههههههه بس وربي جوناااااان طبعا مع البامية مو الشيسمو التاني ![]()
<<< رمضان في كرشته بس ![]()
آآآآآه رمزان يا رمزان ، لمن نروح سوى أنا و أمي و أبوي نصلي التهجد ياااااه مع الصوت الخورافي داك ماشاء الله ..
ولا لمن يشتري أبوي صناديق التمر و علب البلاستيك و الموية واللبن ونشتغل تعليب ونوزع عند الإشارات ، والناس تدعيلك الله يزوجك
هههههههه
نفسي أعرف ليش الشيبان ماعندهم غير دي الدعوة طيب قولي الله يوفقك في دراستك في شغلك لازم تزوجونا يعني ![]()
للأسف أنا مو من الناس الي تتحمس وتروح تصلي التراويح عند الشيخ ولا القارئ الفلاني ! المسجد الي جمب بيتنا وبس !!
أما أني أضرب مشوااااااااااار عشان أصلي عند القطامي ” في الرياض ” ولا عند الشاطري “جدة” لالالا مايمشي
عموما رمضان جدة هادئ جدا .. 3 تمرات و 4 سمبوسات وجغمة تونو والسلام ![]()
التراويح في الجامع الي جمبنا .. بس أحتمال أخربها و أروح جامع قريب من عندنا نوعا ما يعني 5 دقائق بالسيارة صوته أحلى ![]()
مو تناقض لكن تغيير جو ![]()
عموما أشكر حبيبي بوعمرمر أعطاني أنشودة رمضان الجديدة حق مشاري العفاسي و أنا بدوري رفعتها على موقعي وبشكل مباشر عشان خاطر عويناتكم البرتقالية
أنشودة رمضان – مشاري راشد العفاسي – زين – رابط مباشر بجودة عالية
3 لغات ، عربي ، فرنسي ، إنجليزي .. اللحن خورااااافي
| أضغط هنا |
تحياتي







بس عجبني وبحكم ان مخي مقفل دحين ” المكيف عطلان ” قلت أحطه










اااه يارمضان
كم أعشقك
تقبل الله منا ومنك صالح الأعمال
تدوينة رائعة عبووود