Abdullah Saeed

السلام عليكم ورحمة الله وبركاته 

كيييييييففففففففففككككككم شووووو أخبااااااااارركم .؟!!

أول حاقة ترى غيابي الفترة الي راحت بسبب شيئ ما و أعتقد انه أسوء شيء في شخصيتي  !

أنو لمن أبدأ بشيء ويطول أهمله و الـ سييييييييفوووووون و انتم بكرامه ههههههه  فا دورة البن تول طولت و فجأة طلع لي موضوع مدري من وين وجاني من أكثر الوشسمه الأشياء الي أحبها .. أني أرى علامات أستفهام قد أينعت و شعشعت وحان قطافها

بالعربي الفصيح فجأة بدأت اقرأ في التخصص الي أبغى أخشه ” Animation ” وماخليت مرجع عربي لا من قريب ولا من بعيد إلا وقريته وحاولت أفهمه بس كالعادة مالقينا شي أسباني  في الأيام الأخيرة أقضي قرابة 9 ساعات من القراءة بدون أي نوع من أنواع المبالغة 

عموما دعواتكم تواجهني مشكلة واحدة فقط فققققط أني بني آدم أنتاجيتي سريعة وهذه تحسب لي لكن المشكلة أن هذا المجال أكثر مجال تستهلك فيه الوقت وبقدر الوقت الي تقضية تكون النتيجة أفضل فا عشان تنتج 10 ثواني قد تحتاج إلى شهر أو أكثر من العمل ! 

طبعا أنتهت المقالات حتى الآن وراسلت الي قرات لهم وتمنيت المزيد في واحد وعدني بالمزيد بعد أن قرأ رسالتي الي فيها من ضرب الفرش مالله به عليم ههههههههه  ” ضرب الفرش تقال عندما تمدح بشكل مبالغ فيه “ 

وأمس كنت أبحث عن الأساطير و الخرافات و كذلك طبعا ً حبايبنا الي يبدأ دوامهم بعد المغرب  موقع كامل بديت أتصفحه من الساعة 5 إلى 12 الليل طبعاً اقرأ لإشباع الفضول لكن لا اصدق أبداً هذه التخاريف وكما قال الله تعالى ”إنه يراكم هو وقبيله من حيث لا ترونهم” بس أستفدت من أشياء علمية رائعة ، لكن المشكلة أن السلبيات أكثر من الإيجابيات الله يهديه صاحب المدونة ناشر الزين و الشين لدرجة نشر روابط لكتاب لتعليم السحر  !!

عموما على طاري الأساطير قبل أمس حلمت حلم ما أدري أيش يبغى !! طبعا للمعلومية التدوينة هذه مجرد هرج مافي موضوع معين لكن أبغى أستعيد اللياقة لا أكثر .. 

المهم يجيك الحلم هذا الي مايسوى شيء بين أحلامي عادة فا تلاقي في شحطات ما أدري أيش أيش تبغغغى !!  ..

كنا في طلعة برية أحنا والأهل وهيك فا المنطقة بر وكان في مكان قريب ” واحة ” وللعلم قبل الحلم دا بيوم صممت لمنتدى أسمو الواحة 

المهم دخلنا الواحة أنا ومجموعة من الشباب وكانت من الداخل غابة كبيييرة وكنا نبغى ناخذ حاجة ” سابقا وأنا جوات الحلم عدلت السيناريو ليكون كنزاً أسطورياً ” وهذه الحاجة لازم تدف حاجة و تسحب الكنز و أحتمال كبير تتعرض للقطع و الموت .. المهم سحبنا الي بدنا أياه وخرجنا مبسووووطين وأنا خارج تذكرت حاجة لأبويا قمت رجعت مرة ثانية وكنت دااااايخ فيني نووووووووووووووم و أشوف ظلال قرود من بين الأشجار ” هنا حدثت نفسي كيف نسوي أنيميشن جامد لحركة القرود وقعدت أفكر “ المهم كنت ما ابغى أنام عشان مايجوني القرود وينقلوني من مكاني لمكانهم وبعدين ما أعرف أخرج  ، المهم جوني القرود ومدري كيف حسيت بالنشاط يدب فيني ، الحاجة الي كنت أدورها الظاهر شماغ أبويا وعقاله بس مو متأكد لاني لقيتها معلقة في جذع شجرة  ” دائما أحب ألبس ملابسه لها رائحته الزكية <<يشمها دحين  ”  جو القرود وقلت يالله شباب خلونا نطلع الكنز ، مدري كيف صاروا القرود ودودين معايا وحبوني دغري وصرت قدوتهم ، وجاتني وحدة تقول انتبه ترى في أساطير وو .. حطيت يدي على فمها وقلت ماعليكي راح نطلع الكنز  .. 

المهم وتجمعنا قدام المكان داك الي ندفع شيء ونسحب الكنز المعلق في الشجر ” للحظة رائيتها أحد أعمدة معابد روما “ المهم وقتها حسيت بالزنقة المهم قلت لهم دقيقة بروح الحمام  ” الله يكرمكم “ وقمت من النوم حقيقةً ورحت الحمام قضيت حاجتي ورجعت أكمل الحلم ههههههههههههههههههههههه  ومن جد دخلت الجو مرة ثانية  أهم شيء ما ينشغل تفكيري بشيء ثاني وأنا صاحي المهم نكمل  وبعد ماخرجت من بين الأشجار لقيتهم كلهم موتى !! وكان معاي سيف قمت قلت لااااااااااااااااااااااااااااااااا والكاميرا دخلت من فوق لفمي هههههههههههههههههههههههههه <<  قمة اللحسة 

قاموا طلعولي حقون الأسطورة و انهم يبغوا يحمون كنزهم وكذا و انهم لازم يذبحون أهلي عشان أخذوا من الكنز الشباب !! قمت أنا جريت لمكان أهلي لقيتهم راحوا !! حسيت أبوي متضاااايق أنهم راحوا المهم رجعت لهم والشرر يتطاير من عيني وذبحت أمهم واحد ورى الثاني قال كنز و أسطورة أوري أهلكم أنتا وياه  هههههههههههههه خصوصا اني كنت حزنان على القرود ضحوا عشاني  !!

كيف بالله الجنون هههههههههه ولا يفوتكم مرة حلمت أني كنت في سوق أنا واختي الصغيرة مدري أخوي المهم كان صغير قبل لا يولد نسنوسة بسنين ” لمعرفة المزيد عن نسنوسة أضغط هنا “ فجأة دخلنا مكان داخل السوق طلعت طائرة ومسكونا زي الحرس ودخلونا الطائرة بالغصب وسافرنا للمدينة وفهموني أني ” المختار ” !!!؟!! هرجة المختار جاتني الظاهر من فيلم قديم جداً شفته منذ زمن بعيد قدن يتكلم عن أنو بعض الناس مخلدين – أستغفر الله – ولازم يكون في واحد مختار وهو الي يقتل أكثر الناس من المخلدين !! في النهاية فاز الي كنت أشجعه  المهم لمن وصلنا الحرم المدني لقيت شيخ شيعي وكانت معانا في الفريق بنت شيعية وكنت معصب أبغاها تهتدي وأكلم الشيخ العجوز ( فهمها أن دينكم كذب  ) شوفوا كيف الأسلوب بس هههههههههه المهم أنو لازمن نتضارب ونتقاتل مع ناس ثانية لين أهزمهم كلهم هههههههههههههه أذكر لمن قلت لامي فطست ضحك .. 

وعلى طاري الجن فوق ، زمان في بيتنا القديم كان جمبنا حوش كبيييييير ومهجور وداخل الحوش كان في زي البيوت يعني مبنى بسيط للحارس تقريبا وفي نهااااااية الحوش الكبييييييير سيارة وينيت ، الباب الكبير لهذا الحوش يكون بعض الأحيان مفتوح لدرجة يستطيع فيها طفل ” الي هو أنا “ أنو يدخل منها ، المهم كنت ادخل وأخااف شكلها مرعب فا ألفت لها قصة المشكلة ركبة جاااااااااامدة يعني ما أحد يصدقها ههههههههههه  كنت أعامل الناس أنهم خياليين زيي يعني إلى الآن لمن أوصف حركة بالفلاش أو الفوتوشوب تلاقيني أقعد أطلع أصوات و أحرك يداتي !! ألاقي محمد القرني مبلم !! يقول وبعدين أنا كيف أهم من سيوووووووووووششششششششش ؟!! << الأصوات الي كنت أطلعها

المهم كنت أقول لأصحابي في المدرسة انو مرة دخلت الحوش هذا ورحت لمكان الغرفة ولقيت بساط نوم ” حقيقة  ” وأنو يتحرك فوق وتحت ” أبدا مو حقيقة  ”  وجاء بيهجم عليا وقمت هربت  وفجأة الونيت تحرك وجاء بيخش فيني ويصدمني  !! لكن طلع لي جني مسلم و جاب لي سلم وخلاني أتسلق عليه و أنط من فوق السور ..  !!!!!!!

هههههههههههههههههههههههههههههههههه بكش على أصووووول ، في الحقيقة ما أذكر لكن كنت في ذلك الوقت تأليف قصص على كيف كيفكم و أعتقد هذا يرجع أني كنت بعد المدرسة اجلس مع ألعابي و أألف أنواع القصص والروايات ، تذكرون في لعبة من نيوبوي حق سبايدر مان ومعاها شخصية الوحش الي زي السائل وتطلع منه رؤوس ” للمعلومية ماشفت الفيلم ولا راح اشوفه  ” خليت القصة أيش أنو مرة من المرات تقابل سبايدر مان بهذا الوحش ” ما اذكر التفاصيل “ المهم وشافه الوحش وعرف أنه ولده ههههههه وقام يترصد له لين أعترف له وقال له أنو أنتا ولدي و هذولا الرؤوس أعمامك و اجدادك وكل مايموت واحد يطلع له راس  والشخص الجديد يدخل في الجسد ويصير الجزء الأكبر وله الحكم في الأيدي و الأرجل  المهم أنو سبايدر مان زعل وهرب وكنت أتوصره في دماغي يبكي ويهو يجري <<  مخرج بالفطرة

ومدري أيش بعدين أضطر يقاتل أبوه و أبوه مايبغى بس الأعمام هم الي صارو يسيطرون ههههههههههههههههههههههه  والله نفسي أرجع مرة ثانية بس خلاص مافي النكهة ، راح نرجع لتلك الأيام لكن مع الـ Animation دعواتكم بلييييييييس والي مارح يدعي لي راح أخش له من الشاشة و أذبحه و أذبح كل أهله و أخش على قبليته و أذببححهممم كلهم   !! 

[ أتمنى ما أحد يستعرض هبالته ويختبرها ، ويحاول يفسر الأحلام  ]

في النهاية وبما أني قاعد أسترجع ذكريات و أشوف فيلم ، وطبعاً الفيلم للكبار فقط وللرجال كمان و فقط وممنوع كمان الظاهر  !

من باب قوله صلى الله عليه وسلم : ”من مات ولم يغز ولم يحدث نفسه بالغزو مات على شعبة من النفاق” رواه مسلم

عيشوا معي لحظات السعادة ، و أتمنى أن لا يفهم مقصدي أني أحرض على أهداف مريضة و أفعال تهد كيان الأمة  

فيلم [ سيرة سيف الإسلام - خطاب ] 

اللهم أكتب لنا الجهاد و تحرير أرض فلسطين و الأستشهاد في سبيلك .. اللهم آمين .

عبدالله